शिवसेनेच्या पक्षप्रवेश सोहळ्याला शरद पवारांच्या राष्ट्रवादीचे आमदार; काँग्रेसच्या सिद्धाराम म्हेत्रेंच्या हाती भगवा

एकनाथ शिंदे यांच्या उपस्थितीत होणाऱ्या पक्षप्रवेश सोहळ्याच्या निमित्ताने आज एकनाथ शिंदेंचे स्वागत करणारी जाहिरात देखील राजू खरे यांनी दिली होती.

Raju khare on shivsena party programe

Source : abp

सोलापूर : शिवसेना मुख्य नेते आणि उपमुख्यमंत्री एकनाथ शिंदे यांच्या उपस्थितीत अक्कलकोट येथे माजी गृहराज्यमंत्री सिद्धाराम म्हेत्रे (Siddharam mhetre) यांचा शिवसेनेत प्रवेश होत आहे. या पक्षप्रवेशासाठी एकनाथ शिंदे हे विमानाने सोलापुरात येतं होते. मात्र, सोलापुरात नाईट लँडिंग नसल्याने विमान सोलापूरऐवजी कलबुर्गी येथे उतरविण्यात आले. दुपारी 3 वाजताचा हा कार्यक्रम असताना सोलापुरात हेलिकॉप्टर लँड करण्यात तांत्रिक अडचणी आल्याने एकनाथ शिंदेना कार्यक्रमास येण्यास उशीर झाला. मात्र, या कार्यक्रमासाठी शिवसेना शिंदे गटाच्या व्यासपीठावर राष्ट्रवादी काँग्रेस शरद पवार गटाचे (NCP)आमदार दिसल्याने अनेकांच्या भुवया उंचावल्या आहेत. शिवसेना नेते आणि मोहोळचे आमदार राजू खरे (Raju khare) यांनी या पक्षप्रवेश सोहळ्याला उपस्थिती लावल्याने 

एकनाथ शिंदे यांच्या उपस्थितीत होणाऱ्या पक्षप्रवेश सोहळ्याच्या निमित्ताने आज एकनाथ शिंदेंचे स्वागत करणारी जाहिरात देखील राजू खरे यांनी दिली होती. त्यानंतर आता थेट शिवसेनेच्या व्यासपीठावरचं मोहोळचे आमदार राजू खरे पोहोचल्याने राजकीय चार्चना उधाण आले आहे. विशेष म्हणजे गेल्या काही महिन्यांपूर्वी देखील राजू खरे यांच्या शिवसेनेतील प्रवेशाच्या चर्चांनी जोर धरला होता. कारण, शिवसेना नेते आणि मंत्री भरत गोगावले यांनी राजू खरे यांचा पाहुणचार स्वीकारत त्यांच्या फॉर्म हाऊसवर जेवणही केले होते. त्यानंतर, आता थेट एकनाथ शिंदेंच्या स्वागतासाठी राजू खरे आले आहेत. दरम्यान, राजू खरे हे राष्ट्रवादी काँग्रेस शरद पवार यांच्या पक्षाकडून निवडणूक लढवल्यानंतर विधानसभेत पोहोचले आहेत. मात्र, आमदार होऊनही विरोधी बाकावर बसावे लागल्याने खरे यांच्या राजकीय प्रवेशाची नेहमीच चर्चा होते. 

शिवसेना हा खऱ्या अर्थाने सेक्युलर पक्ष

गेल्या अनेक वर्षांपासून काँग्रेससोबत असलेले माजी मंत्री सिद्धाराम म्हेत्रे  यांनी आज एकनाथ शिंदे यांच्या उपस्थितीत शिवसेनेत प्रवेश केला. या सोहळ्यासाठी मोठ्या संख्येने त्यांचे कार्यकर्ते व सहकारी स्थानिक नेतेमंडळी जमली होती. आगामी स्थानिक स्वराज्य संस्थांच्या निवडणुकांमुळे हा पक्षप्रवेशाला विशेष महत्त्व आहे. या पक्षप्रवेशापूर्वी सिद्धाराम म्हेत्रे यांनी एबीपी माझाशी संवाद साधला. त्यावेळी, बोलताना शिवसेना हाच खऱ्या अर्थाने सेक्युलर पक्ष असल्याचे त्यांनी म्हटले. ''शिवसेना हाच खऱ्या अर्थ्याने सेक्युलर पक्ष, त्यामुळे इथे काम करताना मला कोणीतीही अडचण नाही. कार्यकर्त्यांचा आग्रह होता एकनाथ शिंदे साहेबांसोबत गेले पाहिजे. सचिन कल्याणशेट्टी हे मित्र पक्षाचे नेते आहेत, त्यामुळे त्यांच्यासोबत देखील मी जुळवून घेईन. ‘या कार्यक्रमाचे नियोजन हे शिवसेनेने केले आहे, शिवसेनेचा कार्यक्रम आहे, त्यात मी प्रवेश करणार आहे. त्यामुळे सचिन कल्याणशेट्टी यांना निमंत्रण दिलं की नाही याबाबतीत मला कल्पना नाही, अशी प्रतिक्रिया म्हेत्रे यांनी दिली. 

हेही वाचा