Nilesh Rane : मालवणमधील स्टिंग ऑपरेनशनच्या आरोपांवर निलेश राणे ठाम; म्हणाले, नुसतं तो पैसा व्यवसायातला होता सांगून होणार नाही, पुरावे सादर करावेच लागतील

नुसतं तो पैसा व्यवसायातला होता सांगून होणार नाही, पुरावे सादर करावे लागतील. असं म्हणत शिवसेना शिंदे गटाचे आमदार निलेश राणे यांनी पुन्हा या प्रकरणावर भाष्य करत स्टिंग ऑपरेशनचा मुद्दा लावून धरला आहे.

Nilesh Rane Sting Opration Malvan

Source : ABP Majha

Nilesh Rane: जवळपास 24 तास होत आले तरी अजून कालच्या मालवण प्रकरणावर (Nilesh Rane Sting Opration Malvan) पोलिसांनी किंवा निवडणूक आयोगाने (Election Commission) कसलीही भूमिका घेतलेली नाही. एफआयआर (FIR) देखील झालेली नाही. त्यावर संबंधित आरोपी सांगत आहेत की त्या बॅगेत त्यांच्या व्यवसायाचे पैसे होते, जर व्यवसायाचे पैसे होते तर तिथेच ते पैसे कुठून आले? हे पटकन सांगायला पाहिजे होतं, त्या व्यक्तीचं नाव आणि झालेला व्यवहार हा जागेवर सांगायला हवा होता, इन्कम टॅक्स एन्ट्री, जीएसटीनंबर या सगळ्या बाबत खुलासे करावे लागणार. नुसतं तो पैसा व्यवसायातला होता सांगून होणार नाही, पुरावे सादर करावे लागतील. असं म्हणत शिवसेना शिंदे गटाचे आमदार निलेश राणे (Nilesh Rane) यांनी पुन्हा या प्रकरणावर भाष्य करत स्टिंग ऑपरेशनचा मुद्दा लावून धरला आहे.

Nilesh Rane : पैसा व्यवसायातला होता सांगून होणार नाही, पुरावे सादर करावेच लागतील

निलेश राणेंच्या मालवणमधील स्टिंग ऑपरेशननंतर आणि केलेल्या टीकेवरुन राज्याचं राजकीय वातावरण चांगलचं तापल्याचं दिसून येत आहे. निलेश राणेंच्या आरोपावर भाजपाकडूनही प्रत्युत्तर देण्यात आलं. मालवणमधील भाजपाचे पदाधिकारी विजय किनवडेकर यांच्या राहत्या घरात पैसे का होते, कुठून आणले, कोणत्या व्यवहारातून आणले. हे सर्व तपासणे आवश्यक आहे. मात्र आज असं म्हणणं की भाजप कार्यकर्त्याच्या घरात पैसे सापडले आणि एखाद्याच्या घरात थेट जाऊन बेडरूमपर्यंत स्टिंग ऑपरेशन करणे, हे योग्य नसल्याचीही प्रतिक्रिया चंद्रशेखर बावनकुळे यांनी दिली.

तर आमचे मित्र विजय केनवडीकर आता नाही तर वर्षानुवर्षे काम करताय. बाजारपेठेत त्यांचं स्वत:चं दुकान आहे, त्यांचा व्यवसाय आहे, व्यवसायासाठी त्यांच्या घरात पैशांची उलाढाल असेल तर मला कळलंच नाही त्यात काय चुकीचं आहे? अशी प्रतिक्रिया निलेश राणेंचे बंधू आणि भाजप नेते नितेश राणे (Nitesh Rane) यांनी दिली. मात्र आता तोच धागा पकडत नुसतं तो पैसा व्यवसायातला होता सांगून होणार नाही, पुरावे सादर करावे लागतील. असं म्हणत आमदार निलेश राणे (Nilesh Rane) यांनी पुन्हा एकदा हा मुद्दा लावून धरला आहे.

संबंधित बातमी: