मोठी बातमी! संजय राऊत राज्यसभेत भिडले, पण वक्फ बोर्ड विधेयकाच्या मतदानाला शरद पवार अनुपस्थितीत
राज्यसभेत वक्फ विधेयकावर चर्चा सुरू असताना खासदार संजय राऊत यांनी सत्ताधारी भाजपवर जोरदार टीका केली.
मुंबई : देशात सध्या वक्फ बोर्ड विधेयकावरुन (Waqf board) घमासान सुरू असून सत्ताधारी आणि विरोधक आमने-सामने आहेत. त्यातच, राज्यात शिवसेना ठाकरे गट आणि भाजपमध्ये या विधेयकाच्या पाठिंब्यावरुन जोरदार खडाजंगी सुरू आहे. मुख्यमंत्री देवेंद्र फडणवीस यांनी देखील या विधेयकाच्या मुद्द्यावरुन हिंदुत्वाचा मुद्दा उपस्थित करत ठाकरेंना डिवचलं आहे. त्यानंतर, आज उद्धव ठाकरेंनी पत्रकार परिषद घेऊन भाजपचा खरा चेहरा उघडा पडला, आमचा विधेयकास विरोध नसून विधेयकाच्या आडून होणाऱ्या भ्रष्टाचाराला विरोध असल्याचे म्हटले. तसेच, गृहमंत्री अमित शाह यांच्यावरही जोरदार टीका केली. मात्र, लोकसभेच बहुमताच्या जोरावर हे विधेयक मंजूर झाले असून राज्यसभेत आज विधेयकावर चर्चा सुरू आहे. राज्यसभेतही शिवसेना ठाकरे गटाच्या खासदार संजय राऊतांनी या विधेयकावरुन भाजप नेत्यांना सुनावलं आहे. कदाचित, राज्यसभेत आज या विधेयकावर मतदान होईल. मात्र, महाविकास आघाडीचे शिल्पकार आणि राष्ट्रवादी शरदचंद्र पवार पक्षाचे प्रमुख शरद पवार (Sharad pawar) या विधेयकाच्या मतदानावेळी गैरहजर असणार आहेत.
राज्यसभेत वक्फ विधेयकावर चर्चा सुरू असताना खासदार संजय राऊत यांनी सत्ताधारी भाजपवर जोरदार टीका केली. केंद्र सरकारच्या भूमिकेवर प्रश्नचिन्ह उपस्थित करत संजय राऊत म्हणाले, "तुम्ही (भाजप) खुश दिसत आहात, पण मुसलमानांची इतकी काळजी तर पाकिस्तानच्या मोहम्मद अली जिन्नांनाही नव्हती. जिन्नांचा आत्मा उठून तुमच्यात बसला आहे का?" त्यांच्या या टीकेमुळे सभागृहात गोंधळ उडाला. त्यामुळे, या विधेयकास शिवसेनेनं सभागृहात विरोध केला असून मतदानही विरोधातच केलं आहे. लोकसभेत हे विधेयक मंजूर झाल्यानंतर आता राज्यसभेत आज मतदान होऊ शकते. राष्ट्रवादी काँग्रेस शरदचंद्र पवार पक्षाचे प्रमुख शरद पवार यांचीच राज्यसभेतील वक्फ सुधारणा विधेयकाच्या मतदानावेळी गैरहजेर राहणार आहे. बुधवार आणि गुरुवारी शरद पवार मुंबईत असल्याची शरद पवारांच्या कार्यालयाची माहिती आहे. उद्या शरद पवार दिल्लीसाठी रवाना होणार, बुधवारी वक्फ सुधारणा विधेयक लोकसभेत मांडलं गेल आणि या बिलावर चर्चा होऊन उशिरा रात्री हे बिल लोकसभेत पारित झालं आहे.
दरम्यान, लोकसभेत या बिलाच्या मतदान वेळीस राष्ट्रवादी काँग्रेस शरदचंद्र पवार पक्षाचे खासदार अमोल कोल्हे आणि सुरेश बाळ्या मामा म्हात्रे यांची सभागृहात अनुपस्थितीत होती. त्यामुळे, अनेकांनी भुवया उंचावल्या आहेत. विशेष म्हणजे वक्फ सुधारणा विधेयकाच्या संदर्भात जी जेपीसी कमिटी स्थापन करण्यात आली होती, त्या कमिटीमध्ये खासदार सुरेश बाळ्या मामा म्हात्रे हे सदस्य होते त्यांचीच अनुपस्थिती या बिलाच्या मतदानावेळी पाहायला मिळाली. आता, आज हे वक्फ सुधारणा विधेयक राज्यसभेत पारित होणार आहे, त्यावेळेस राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष शरद पवार हे स्वतः अनुपस्थित राहणार आहेत.
हेही वाचा
महत्त्वाच्या बातम्या
