"मनोज जरांगेंनी गोलमेज परिषद घ्यावी आणि.." राधाकृष्ण विखे पाटील मनोज जरांगेंवर भडकले, म्हणाले, 'आरक्षणाच्या आडून..'
निवडणूक काळात काँग्रेस नेत्यांमुळे नकारात्मकता पसरवण्यास मदत मिळाली. सामान्य जनतेची दिशाभूल आणि बुद्धिभेद याचे हे यश आहे. त्यांच्या कर्तृत्वाचा नाही.
Radhakrushna Vikhe Patil on Manoj Jarange: जरांगे पाटलांनी फक्त मराठा आरक्षणावर लक्ष केंद्रित करावं, विनाकारण देवेंद्र फडणवीसांवर टीका करू नये, असं म्हणत महसूल मंत्री राधाकृष्ण विखे पाटील यांनी मराठा आरक्षण आंदोलक मनोज जरांगेंवर जोरदार टीका केली. मनोज जरांगे यांनी गोलमेज परिषद घ्यावी आणि त्यात काँग्रेसच्या बोलघेवड्या आणि उबाठाच्या स्वयंघोषित नेत्यांना बोलवावं. मग दूध का दूध पानी का पानी होईल, असं म्हणत विखे पाटलांनी जरांगे यांना चांगलच सुनावलंय.
आरक्षणाच्या मागणीआडून फडणवीसांवर टीका
राज्यात मराठा आरक्षण प्रश्न गंभीर होत चालला असताना राजकीय वातावरण ढवळून गेले आहे. एकीकडे मनोज जरांगे यांनी मराठा आरक्षणासाठी पश्चिम दौरा सुरू केला असून दुसरीकडे ओबीसी आरक्षण बचाव यात्रेतून ओबीसीतून मराठा आरक्षणाच्या मागणीला जोरदार विरोध होताना दिसत आहे. दरम्यान आरक्षणाच्या आडून फडणवीसांवर टीका करण्याचं थांबवा असं विखे पाटील म्हणालेत. .
महाविकास आघाडीचा भ्रमनिरास होणार
लोकसभा निवडणुकीच्या वेळी जो नकारात्मक प्रचार झाला त्याला अनेक कांगोरे आहेत. गेली दोन वर्ष काँग्रेस मित्रपक्ष त्या विषयावर काम करत होते. स्थानिक नेत्यांच्या कल्पनाशक्ती पलीकडे आहे. निवडणूक काळात काँग्रेस नेत्यांमुळे नकारात्मकता पसरवण्यास मदत मिळाली. सामान्य जनतेची दिशाभूल आणि बुद्धिभेद याचे हे यश आहे. त्यांच्या कर्तृत्वाचा नाही. जनतेला त्यांची चूक कळलेली आहे. ज्या भ्रमात महाविकास आघाडीचे नेते वावरत आहेत त्यांचा भ्रमनिरास जनता लवकरच करेल असे राधाकृष्ण विखे पाटील म्हणाले.
मनोज जरांगेंची फडणवीसांवर टीका
आता सुट्टी नाही, मराठा समाजाला आम्ही आरक्षण (Maratha Reservation) घेऊनच राहणार आहे. 50 टक्क्यांच्या आतच ओबीसीतूनच आरक्षण घेणार आहे. 50 टक्क्यांच्या वर बोलायचं नाही, असे मत मनोज जरांगे पाटील (Manoj Jarange Patil) यांनी व्यक्त केले. ते तुळजापुरात (Tuljapur) पत्रकार परिषदेत बोलत होते. भाजपनं माझ्या मागं टोळ्या लावल्या आहेत. पण या टोळ्या देवेंद्र फडणवीसांच्या (Devendra Fadnavis) पक्षाचा सुफडा साफ करतील असे जरांगे पाटील म्हणाले. भाजपमधील मराठा खवळला आहे. त्यांच्यामध्ये मोठी खदखद असल्याचे जरांगे पाटील म्हणाले.
आम्ही सरकारला वेळोवेळी सांगत आहे की, आम्हाला राजकारणाकडे जायचं नाही. तुम्ही आम्हाला समजून घ्या असे जरांगे पाटील म्हणाले. राज्यात जेवढे राजकीय पक्ष आहेत, त्यांनी सांगायला पाहिजे की मराठ्यांचे ओबीसीतील आरक्षण द्यायला पाहिजे असे जरांगे पाटील म्हणाले. तुमच्याकडे सत्ता आहे, बहुमत आहे, तुम्ही आरक्षण द्या असे जरांगे म्हणाले.
महत्त्वाच्या बातम्या
