लोकसभा निवडणुकांचे एक्झिट पोल आज, 48 मतदासंघांचे टक्केवारीनिहाय मतदान; कोणाला होणार फायदा?
महाराष्ट्रात सर्वाधिक मतदान पहिल्या टप्प्यात झालं आहे. पहिल्या टप्प्यात सर्वाधिक 63.71 टक्के मतदान झालं असून दुसऱ्या टप्प्यात 62.71 टक्के मतदान झालं आहे
मुंबई : लोकसभा निवडणुकांचा सातवा आणि शेवटचा टप्पा आज 1 जून रोजी पार पडत असून शेवटच्या टप्प्यात आज मतदान (Voting) होत आहे. आजच्या मतदानानंतर विविध संस्था आणि माध्यम समुहांच्या एक्झिट पोलच्या माध्यमातून अंदाजे निकाल जाहीर होईल. त्यामध्ये, देशात एनडीए आघाडी विरुद्ध इंडिया आघाडीत कोण बाजी मारेल याचा कौल लक्षात येईल. जनतेच्या मनातील कौल सांगण्याचा प्रयत्न या एक्झिट पोलच्या माध्यमातून होत आहे. त्यामुळे, एक्झिट पोलच्या (Exit poll) आकडेवारीकडे महाराष्ट्रासह देशाचे लक्ष लागले आहे. त्यातच, महाराष्ट्रातील 48 लोकसभा (Loksabha Election) मतदारसंघात 5 टप्प्यात मतदान झाले. त्यामध्ये, एकूण 60.78 टक्के मतदान झालं आहे. या मतदानाच्या टक्केवारीनुसार नेमका कोणत्या पक्षाला फायदा होईल. महाराष्ट्रात महायुती की महाविकास आघाडी कोणाला लाभ मिळेल, हे 4 जून रोजीच समजेल. मात्र, एक्झिट पोलवरुन त्याचा अंदाज बांधला जाऊ शकतो.
महाराष्ट्रात सर्वाधिक मतदान पहिल्या टप्प्यात झालं आहे. पहिल्या टप्प्यात सर्वाधिक 63.71 टक्के मतदान झालं असून दुसऱ्या टप्प्यात 62.71 टक्के मतदान झालं आहे. तिसऱ्या टप्प्यात पुन्हा मतदानाची टक्केवारी वाढली असून 63.55 टक्के मतदान झाले. तर, चौथ्या टप्प्यात मतदानाची टक्केवारी घसरुन 59.64 टक्के मतदान झालं आहे. मात्र, शेवटच्या टप्प्यात ही टक्केवारी आणखी घसरली असून पावच्या टप्प्यात सर्वात कमी 54.33 टक्के मतदान झालं आहे. देशातील 5 व्या टप्प्यातील मतदानाची सरासरी 60.39 टक्के आहे. तर, महाराष्ट्रातील एकूण 5 टप्प्यातील मतदान 60.78 टक्के आहे.
48 मतदारसंघ निवडणूक टक्केवारी
पहिला टप्पा
भंडारा गोंदिया 67.04
चदपूर 67.55
गडचिरोली-चिमूर 71.88
नागपूर 54.32
रामटेक 61.01
दुसरा टप्पा
वर्धा 64.85
अकोला 61.79
अमरावती 63.67
बुलढाणा 62.03
हिंगोली 63.54
नांदेड 60.94
परभणी 62.26
यवतमाळ-वाशिम 62.78
तिसरा टप्पा
बारामती 59.50
सोलापूर 59.19
माढा 63.65
सांगली 62.52
सातारा 63.16
कोल्हापूर 71.59
हातकणगले 71.11
रत्नागिरी-सिंधुदुर्ग 60.51
उस्मानाबाद 63.88
लातूर 62.59
चौथा टप्पा
नंदूरबार 70.68
जळगाव 58.47
रावेर 64.28
जालना 69.18
औरंगाबाद 63.03
मावळ 54.87
पुणे 53.54
शिरुर 54.16
अहमदनगर 66.16
शिर्डी 63.03
बीड 70.92
पाचवा टप्पा
धुळे 56.61
दिंडोरी 62.66
नाशिक 57.10
पालघर 61.65
भिवंडी 56.41
कल्याण 47.08
ठाणे 49.81
मुंबई उत्तर 55.21
मुंबई उत्तर पश्चिम 53.67
मुंबई उत्तर मध्य 51.42
मुंबई उत्तर पूर्व 53.75
मुंबई दक्षिण 49.50
मुंबई दक्षिण मध्य 51.88
दरम्यान, आज सायंकाळी मतदान पार पडल्यानंतर एक्झिट पोलचे निकाल येत आहेत.
महत्त्वाच्या बातम्या
