भाजप आणि टीआरएस एकमेकांना मदत करतात, संपूर्ण काम पंतप्रधान मोदींच्या इशाऱ्यावर होते: राहुल गांधी

Rahul Gandhi On BJP-TRS: काँग्रेस नेते राहुल गांधी (Rahul Gandhi) यांच्या नेतृत्वात निघालेली भारत जोडो यात्रा तेलंगणामध्ये दाखल झाली आहे.

rahul_gandhi

Rahul Gandhi On BJP-TRS: काँग्रेस नेते राहुल गांधी (Rahul Gandhi) यांच्या नेतृत्वात निघालेली भारत जोडो यात्रा तेलंगणामध्ये दाखल झाली आहे. मंगळवारी हैदराबादमध्ये (Hyderabad) राहुल गांधी यांनी या यात्रेदरम्यान जाहीर सभेला संबोधित केले. यावेळी भाजपवर निशाणा साधत राहुल गांधी म्हणाले, "आमची यात्रा प्रवास द्वेष आणि हिंसाचाराच्या विरोधात आहे. भाजप-आरएसएस द्वेष पसरवण्याचे काम करतात. ते भावाला भावाशी लढवण्याचे काम करत आहेत. यामुळे देश कमजोर होत आहे, मजबूत नाही. कोणतीही शक्ती या यात्रेला रोखू शकत नाही. ही यात्रा हा भारताचा खरा आवाज आहे."

या सभेत व्यासपीठावर काँग्रेसचे प्रदेशाध्यक्ष मल्लिकार्जुन खर्गेही उपस्थित होते. राहुल गांधी पुढे म्हणाले की, "मला वाटले की दिल्ली प्रदूषणात देशात पहिल्या क्रमांकावर आहे, पण हैदराबादमध्ये दिल्लीपेक्षा जास्त प्रदूषण आहे. लोकसभा आणि राज्यसभेत विधेयके मंजूर करण्यासाठी टीआरएस भाजपला मदत करते."

केसीआर पंतप्रधान मोदींच्या इशाऱ्यावर काम करतात

भाजप आणि टीआरएसवर हल्लाबोल करताना राहुल गांधी म्हणाले, "भाजप आणि टीआरएस एकत्र काम करतात. निवडणुकीपूर्वी ते फक्त नाटक करतात. मोदीजी आणि तेलंगणाचे मुख्यमंत्री फोनवर बोलतात. पंतप्रधानांच्या सांगण्यावरून तेलंगणाचे मुख्यमंत्री काम करत आहेत. ते म्हणाले, मोदीजी देशाची राजधानी त्यांच्या मित्रांना विकत आहेत. केसीआर जमीन हडप करत आहेत, सिंचन प्रकल्पांचे पैसे हडप करत आहेत. पंतप्रधान आता सिलिंडर आणि पेट्रोल महागाईवर बोलत नाहीत.

याआधी मंगळवारी राहुल गांधी यांनी हैदराबादची ओळख असलेल्या चार मिनारसमोर तिरंगा फडकावला. सुमारे 32 वर्षांपूर्वी त्यांचे वडील आणि तत्कालीन पक्षाध्यक्ष राजीव गांधी यांनीही याच ठिकाणाहून 'सद्भावना यात्रा' सुरू केली होती. राहुल गांधींनी राष्ट्रध्वज फडकावला तेव्हा काँग्रेसचे सरचिटणीस जयराम रमेश, पक्षाचे ज्येष्ठ नेते दिग्विजय सिंह, तेलंगणा प्रदेश काँग्रेस कमिटीचे (TPCC) अध्यक्ष रेवंत रेड्डीही उपस्थित होते. यावेळी राहुल गांधी यांनी दिवंगत राजीव गांधी यांना व्यासपीठावर पुष्पहार अर्पण करून आदरांजली वाहिली. दरम्यान, हिमाचल प्रदेश आणि गुजरात निवडणुकीसाठी काँग्रेस सक्रिय झाली आहे. मात्र या दोन्ही राज्यांच्या निवडणुकीत राहुल गांधी हे प्रचारासाठी उतरतील का असा प्रश्न अनेकांना पडला आहे.  

इतर महत्वाची बातमी: