Video : विरोधकांनी मनोज जरांगे अन् श्याम मानव यांच्या रुपाने देवेंद्र फडणवीसांवर कुत्रे सोडले : भाजप खासदार अनिल बोंडे

Anil Bonde, यवतमाळ : "खोट नॅरेटीव्ह आपल्याला खोडणं आवश्यक आहे. गैरसमज पसरवणारा पसरवणारच आहे. फेक नॅरेटीव्ह फेक नॅरेटीव्ह करुन रडत बसण्यात अर्थ नाही."

Photo Credit - abp majha reporter

Source : ABPLIVE AI

Anil Bonde, यवतमाळ : "खोट नॅरेटीव्ह आपल्याला खोडणं आवश्यक आहे. गैरसमज पसरवणारा पसरवणारच आहे. फेक नॅरेटीव्ह फेक नॅरेटीव्ह करुन रडत बसण्यात अर्थ नाही. त्यांना खोट बोलण्याची सवय पडलीये ते खोट बोलणारच आहेत. आता ते एकटे खोट बोलणार नाहीत. त्यांनी आता अंगावर कुत्रे सोडले आहेत. एक श्याम मानवच्या रुपात सोडला की देवेंद्र फडणवीसांवर (Devendra Fadnavis) वाईट-वाईट बोल. एक मनोज जरांगे (Manoj Jarange) सारखा सोडला", असे भाजपचे राज्यसभेचे खासदार अनिल बोंडे (Anil Bonde) म्हणाले. यवतमाळ मध्ये भाजपच्या जिल्हा अधिवेशनात ते बोलत होते.

तोही 83 वर्षांचा म्हातारा कधी ना कधी मुख्यमंत्री होता

अनिल बोंडे म्हणाले, मनोज जरांगेला मी विचारतो अरे बाबा मराठ्याच आरक्षण, मराठ्याच आरक्षण करतो. आत्तापर्यंत मराठा मुख्यमंत्री किती होते? यशवंतराव चव्हाण होते,वसंतदादा पाटील,  शंकरराव चव्हाण होते. अशोक चव्हाण, पृथ्वीराज चव्हाण होते. ज्याच्या सांगण्यावर तू बोलतोय. तोही 83 वर्षांचा म्हातारा कधी ना कधी मुख्यमंत्री होता. तेव्हा शालिनीताई मराठ्याच आरक्षण मागत होत्या. तेव्हा काय झालं? शालिनीताई पाटलांच्या वेळेला मराठ्यांना आरक्षण भेटलं नाही. 

देवेंद्र फडणवीस मुख्यमंत्री असताना मराठ्यांना आरक्षण दिलं

पुढे बोलताना अनिल बोंडे म्हणाले, नरेंद्र पाटील आपल्या सोबत आहेत, त्यांचे वडिल आण्णासाहेब पाटील ते डिप्रेशनमध्ये गेले. शेवटी त्यांनी डोक्यात गोळी घालून शहिदत्व पत्करलं. मराठा मुख्यमंत्री असताना त्यांना मराठ्यांना आरक्षण द्यावस वाटलं नाही. 2014 ते 2019 मध्ये देवेंद्र फडणवीस मुख्यमंत्री असताना मराठ्यांना आरक्षण दिलं. आपल्या विदर्भात मराठे 1 ते 2 टक्के आहेत. सगळे बाकीचे आहेत, ते कुणबी, तेली माळी आहेत. सुतार , कुंभार आहेत. बाकीचे सगळे आहेत. 252 जाती आहेत. तरिही देवेंद्र फडणवीस यांनी मराठ्यांना आरक्षण दिलं होतं. त्यांनी ओबीसींच्या आरक्षणाला धक्का लावला नाही. 

विरोधक सातत्यानं भाजप नेत्यांबद्दल गैरसमज पसरवीत असून त्यासाठी त्यांनी कुत्रे सोडले आहेत. त्यातला पहिला श्याम मानव तर दुसरा मनोज जरांगे आहे, अशी टीका भाजप चे राज्यसभा खासदार अनिल बोंडे यांनी केली. तर ज्यांच्या सांगण्यावरून जरांगे बोलतो तो 83 वर्षांचा म्हातारा हा मराठा समाजाचाच मुख्यमंत्री होता, अशीही टीका बोंडे यांनी  शरद पवार यांचे नाव न घेता केली. यवतमाळमध्ये भाजपच्या जिल्हा अधिवेशनात ते बोलत होते. फडणवीस यांनी मराठ्यांना आरक्षण दिले आणि ओबीसींच्या आरक्षणाला धक्का देखील लावला नाही, असेही यावेळी अनिल बोंडे यांनी सांगितले.

Anil Bonde on Manoj Jarange : मनोज जरांगेंना अनिल बोंडेंकडून कुत्र्याची उपमा, पाहा काय म्हणाले!

 

इतर महत्वाच्या बातम्या