यशवंत जाधवांनी उद्धव ठाकरेंच्या मुंबईतील विश्वासू सहकाऱ्याच्या भावाला गळाला लावलं

Shivadi, Ajay Choudhari's brother join Shinde Group : लोकसभा निवडणूक तोंडावर आली असताना, शिवडीमध्ये ठाकरे गटाला जोरदार झटका बसला आहे.

Photo Credit - abp majha

Shivadi, Ajay Choudhari's brother join Shinde Group : लोकसभा निवडणूक तोंडावर आली असताना, शिवडीमध्ये ठाकरे गटाला जोरदार झटका बसला आहे. ठाकरे गटाचे स्थानिक आमदार आणि विधिमंडळातील गटनेते अजय चौधरी यांचे बंधू संजय विनायक चौधरी, शाखा संघटक अनुराधा इनामदार तसेच शिवसैनिक श्रीकांत साळुंखे यांच्यासह असंख्य कार्यकर्त्यांनी राज्याचे मुख्यमंत्री एकनाथ शिंदे साहेब यांच्या नेतृत्वावर विश्वास ठेऊन उपनेते विभागप्रमुख यशवंत जाधव यांच्या उपस्थितीत शिवसेनेत प्रवेश केला. यशवंत जाधव यांनी भगवा ध्वज देऊन सर्वांचे स्वागत केले. 

यशवंत जाधव यांनी सूत्रे हलविल्याची जोरदार चर्चा

दक्षिण मुंबईत वरळी आणि शिवडी अशा दोनच ठिकाणी ठाकरे गटाचे आमदार आहेत. मात्र शिवडीच्या आमदाराच्या भावानेच शिवसेनेत प्रवेश केल्याने स्थानिक राजकारणात नवा ट्विस्ट आला आहे. या प्रवेशासाठी विभागप्रमुख यशवंत जाधव यांनी सूत्रे हलविल्याची जोरदार चर्चा आहे. या पक्षप्रवेशामुळे शिवडी परिसरात शिंदेंच्या शिवसेनेचे संघटन आणखी भक्कम झाल्याचे मानले जात आहे. आगामी लोकसभा निवडणुकीत दक्षिण मुंबईत शिवसेना आणि महायुतीच्या विजयासाठी झटून कामाला लागा,अशा सूचना यशवंत जाधव यांनी सर्वांना केली आहे.

उ बा ठा गटाचे शाखा क्र. २०९ चे समन्वयक अरुण जोंधळे आज स्वगृही परतले. शिवसेना मुख्य नेते तथा राज्याचे मुख्यमंत्री माननीय एकनाथ शिंदे साहेब यांच्या नेतृत्वाखाली भगवा ध्वज हाती देऊन त्यांचे स्वागत केले. अरुण जोंधळे यांच्या समवेत ज्येष्ठ शिवसैनिक मदन पाटील, विष्णू खामकर आदी… pic.twitter.com/FkdTZBLiUL

— Yashwant Jadhav - यशवंत जाधव (@iYashwantJadhav) March 30, 2024

दक्षिण मुंबईतून अरविंद सावंत यांना ठाकरे गटाकडून उमेदवारी 

आगामी लोकसभा निवडणुकीसाठी दक्षिण मुंबई या बालेकिल्ला असलेल्या लोकसभा मतदारसंघातून ठाकरेंनी निष्ठावान शिवसैनिक अरविंद सावंत यांना उमेदवारी दिली आहे. मात्र, आता अरविंद सावंत यांच्यासमोर पूर्वीपेक्षा मोठी आव्हाने असणार आहेत. शिंदेंची शिवसेना, भाजप आणि मनसे असे तिन्ही पक्ष अरविंद सावंत यांच्याविरोधात मैदानात उतरणार आहेत. दरम्यान अशाच वेळी दक्षिण मुंबई मतदारसंघातील ठाकरे गटाच्या आमदाराचे बंधू शिंदेंना जाऊन मिळाले आहेत. त्यामुळे अरविंद सावंत यांच्या अडचणी वाढण्याची शक्यता आहे. 

शिवसेना मुख्य नेते तथा राज्याचे मुख्यमंत्री एकनाथ शिंदे साहेब यांच्या नेतृत्वावर विश्वास ठेऊन उ बा ठा गटाचे शिवडीचे आमदार आणि विधिमंडळातील गटनेते अजय चौधरी यांचे बंधू संजय विनायक चौधरी, शाखा क्रमांक २०५ च्या शाखा संघटक अनुराधा इनामदार तसेच श्रीकांत साळुंखे यांच्यासह असंख्य… pic.twitter.com/eknJC7fIT2

— Yashwant Jadhav - यशवंत जाधव (@iYashwantJadhav) March 29, 2024

इतर महत्वाच्या बातम्या