Aditya Thackeray On Raj Thackeray And Eknath Shinde Meet: पहिले काकांना भेटले, मग पत्रकारांशी बोलले; एकनाथ शिंदे आणि राज ठाकरेंच्या भेटीवर प्रश्न विचारताच आदित्य ठाकरेंनी काय केले?, VIDEO
Aditya Thackeray On Raj Thackeray And Eknath Shinde Meet: राज ठाकरे आणि एकनाथ शिंदेंच्या भेटीवर शिवसेना ठाकरे गटाचे नेते आदित्य ठाकरेंना प्रश्न विचारण्यात आला.
Aditya Thackeray On Raj Thackeray And Eknath Shinde Meet: मनसेप्रमुख राज ठाकरे (Raj Thackeray) यांनी काल ठाण्यातील नंदनवन बंगल्यावर जाऊन उपमुख्यमंत्री एकनाथ शिंदे (Eknath Shinde) यांची भेट घेतली. राज ठाकरे आणि एकनाथ शिंदेंच्या या भेटीमुळे विविध राजकीय चर्चांना उधाण आले आहे. याचदरम्यान, राज ठाकरे आणि एकनाथ शिंदेंच्या भेटीवर शिवसेना ठाकरे गटाचे नेते आदित्य ठाकरे (Aditya Thackeray) यांना विचारले असताना त्यांनी यावर कोणतीही प्रतिक्रिया देणं टाळलं. काल राज ठाकरेंनी एकनाथ शिंदेंची भेट घेतली, असं माध्यमांनी विचारताच आदित्य ठाकरेंनी मान हलवली आणि या भेटीवर एकही शब्द बोलले नाही. आदित्य ठाकरेंच्या या रिअॅक्शनची सध्या चर्चा सुरु आहे. (Aditya Thackeray On Raj Thackeray And Eknath Shinde Meet)
छत्रपती शिवाजी पार्क मैदानावर आज आदित्य ठाकरे आणि राज ठाकरे एकत्र- (Raj Thackeray And Aditya Thackeray)
मुंबईतील छत्रपती शिवाजी पार्कच्या सुशोभीकरण कामाचा राज ठाकरे आणि आदित्य ठाकरे यांच्या हस्ते शुभारंभ करण्यात आला. यावेळी राज ठाकरे आणि आदित्य ठाकरे एकमेकांशी बोलताना दिसले. तसेच छत्रपती शिवाजी पार्कवरील मैदानातील शिवरायांच्या पुतळ्याला दोघांकडून अभिवादन करण्यात आले.
संजय राऊत काय म्हणाले? (Sanjay Raut On Raj Thackeray Eknath Shinde Meet)
पत्रकारांनी संजय राऊतांना राज ठाकरे आणि एकनाथ शिंदेंच्या भेटीवर प्रश्न विचारला. यावर हा प्रश्न तुम्ही राज ठाकरेंना विचारा, मी इतकंच सांगतो की आम्ही त्याची हेरगिरी करत नाही. कोण कुणाला भेटतं त्यावर बंधनं नाही, असं संजय राऊत म्हणाले. एकनाथ शिंदे या प्रवृत्तीवरून आमचं टोकाचं भांडण आहे. कारण एकनाथ शिंदेंनी बाळासाहेबांच्या शिवसेनेच्या पाठीत खंजीर खुपसला. बाळासाहेबांच्या विचारांशी बेईमानी केली. कारण त्यामागे पंतप्रधान नरेंद्र मोदी, केंद्रीय गृहमंत्री अमित शाह यांचा विचार आहे.एकनाथ शिंदेंचं हे नंदनवन बेईमानीतून निर्माण झालं आहे, अशी प्रतिक्रिया संजय राऊतांनी दिली.
एकनाथ शिंदेंनी राज ठाकरेंचे मानले आभार- (Eknath Shinde On Raj Thackeray)
राज्यात नुकत्याच महानगरपालिका आणि जिल्हा परिषदेच्या निवडणुका झाल्या. या निवडणुकीनंतर पहिल्यांदाच राज ठाकरे आणि एकनाथ शिंदे यांची काल (18 फेब्रुवारी) भेट झाली. यावेळी एकनाथ शिंदे आणि राज ठाकरेंमध्ये विविध विषयांवर चर्चा झाल्याची माहिती समोर आली आहे. कल्याण-डोंबिवली महापालिका निवडणुकीत मनसेच्या नगरसेवकांनी शिवसेनेला दिलेल्या पाठिंब्याबद्दल उपमुख्यमंत्री एकनाथ शिंदे यांनी मनसे अध्यक्ष राज ठाकरे यांचे आभार मानल्याची सूत्रांची माहिती आहे. तर, राज ठाकरे यांनीही उपमुख्यमंत्री एकनाथ शिंदे यांना महापालिका सभागृहातील कामकाजात मनसेचे सहकार्य राहिल, असे आश्वासन दिल्याचे बोलले जात आहे. त्यामुळे, या भेटीत केडीएमसी निवडणुकांसह इतरही राजकीय चर्चा झाल्याची शक्यता नाकारता येत नाही.
आदित्य ठाकरे काय काय म्हणाले?, VIDEO:
संबंधित बातमी:
महत्त्वाच्या बातम्या
