Nashik News: नाशिकमध्ये शिंदे गट पुन्हा ठाकरे गटाला धक्का देण्याच्या तयारीत!

Maharashtra Nashik News: नाशिकमध्ये शिंदे गट पुन्हा ठाकरे गटाला धक्का देण्याच्या तयारीत असल्याचं बोललं जात आहे. तर, ठाकरे गटानं या सर्व अफवा असल्याचं सांगितलं आहे.

Maharashtra Nashik News

Maharashtra Nashik News: ठाकरे (Uddhav Thackeray) आणि शिंदे (Eknath Shinde) वादाची पहिली ठिणगी नाशिकमध्ये (Nashik Latest News) पडल्यानंतर आता शिंदे गट पुन्हा एकदा ठाकरे गटाला धक्का देण्याच्या तयारीत आहे. ठाकरे गटातील 12 हुन अधिक माजी नगरसेवक शिंदे गटात जाण्याची चर्चा रंगली आहे. तर शिंदे गट अफवा पसरवत असल्याचा आरोप ठाकरे गटाने केला आहे. 

शिवसेनेचा बालेकिल्ला म्हणून ओळख असलेल्या नाशिकमध्ये गेल्या पाच महिन्यांपासून दुफळी निर्माण झाली आहे. शिंदे सरकारच्या सत्तास्थापनेनंतर शिवसेनेचे दोन गट पाहायला मिळत असताना आता शिंदे गट धक्का तंत्राचा वापर करणार असल्याचे दिसून येत आहे. गेल्या अनेक दिवसांपासून सुरू असलेली चर्चा प्रत्यक्षात साकार होण्याला बळ मिळाले आहे. कारण ठाकरे गटातून बारा ते पंधरा माजी नगरसेवक हे शिंदे गटात जाणार असल्याचे बोलले जात आहे. तर ठाकरे गटाने ही खोटी अफवा धुडकावून लावली आहे. 

शिंदे सरकार हे महाराष्ट्रमध्ये सत्तेवर आल्यानंतर नाशिकच्या शिंदे गटात इन्कमिंग फारसे झाले नाही. या पार्श्वभूमीवर आमदार सुहास कांदे यांनी देखील नाराजी व्यक्त केली होती. शिंदे गटात नाशिकमधून अद्यापही कोणी मोठा नेता आलेला नाही, त्यामुळे इन्कमिंग कुठे ना कुठे थांबलेली आहे. फक्त एक माजी नगरसेवक शिंदे गटामध्ये आलेले आहेत. त्यांना महानगर प्रमुख पद देण्यात आलेले आहे. मात्र त्यानंतर कोणीही मोठा नेता शिंदे गटात इंनकमिंग करू शकला नाही. मात्र आता ठाकरे गटातील अनेक माजी नगरसेवक शिंदे गटात दाखल होणार आहेत, अशी चर्चा आहे. तर दुसरीकडे ठाकरे गटामध्ये अस्वस्थता निर्माण करण्यासाठी हे षडयंत्र असल्याचे ठाकरे गटाचे म्हणणे आहे. 

शिंदे गट अफवा पसरवतोय...

दरम्यान ठाकरे गटाचे काही माजी नगरसेवक शिंदे गटात जाणार असल्याची चर्चा महिनाभरापासून होती. मात्र पुढील आठवड्यात दहा ते बारा जण प्रवेश करणार असल्याचे बोलले जात आहे. मात्र शिंदे गटाकडून अफवा पसरवत असल्याचा आरोप ठाकरे गटाने केला आहे. त्यामुळे नाशिकमध्ये शिंदे गट ठाकरे गटाला धक्का देणार का? की शिंदे गटात असलेल्या का रे दुरावा चा ठाकरे गट घेणार याकडे लक्ष लागले आहे.

महत्त्वाच्या इतर बातम्या :