धक्कादायक! खेळताना हौदात पडल्यानं दोन चिमुकल्यांचा बुडून मृत्यू, नाशिकच्या बोरगावमधील घटना, गावावर शोककळा
नाशिकच्या सुरगाणा तालुक्यात धक्कादायक घटना घडली आहे. बोरगाव चिखली येथे दोन चिमुकल्यांचा हौदात बुडून मृत्यू झाल्याची दुर्दैवी घटना घडली आहे.
Nashik : नाशिकच्या सुरगाणा तालुक्यात धक्कादायक घटना घडली आहे. बोरगाव चिखली येथे दोन चिमुकल्यांचा हौदात बुडून मृत्यू झाल्याची दुर्दैवी घटना घडली आहे. मृत झालेले दोघेही चुलच भाऊ होते. दर्शन जगदीश भोये ( वय 4 ) , तन्मय निलेश भोये ( वय 3 ) अशी मृत चिमुकल्यांची नावे आहेत.
घर बांधकामासाठी खोदलेल्या पाणी साठवण खड्यात पडल्याने दोघांचा मृत्यू
नाशिकच्या सुरगाणा तालुक्यातील बोरगाव जवळील चिखली येथे हौदात बुडून दोन चिमुकल्यांचा मृत्यू झाल्याची दुर्दैवी घटना घडल्याने परिसरात शोककळा पसरली आहे. ही लहान मुले घराजवळ खेळत असताना जवळच घर बांधकामासाठी खोदलेल्या पाणी साठवण खड्यात पडल्याने दोन्ही बालकांचा पाण्यात बुडून दुर्दैवी मृत्यू झाला. मुले पाण्यात पडल्याचे लक्षात येताच तातडीने पाण्यातून काढून त्यांना उपचारासाठी बोरगाव येथील प्राथमिक आरोग्य केंद्रात दाखल केले असता प्राथमिक अहवालानुसार वैद्यकीय अधिकारी यांनी मृत घोषित केले. या दोन्ही भावांवर चिखली येथे अंत्यसंस्कार करण्यात आले. या घटनेने गावात शोककळा पसरली आहे.
पालघर जिल्ह्यात धक्कादायक घटना, वऱ्हाडाच्या ट्रकचा भीषण अपघात, 12 जणांचा मृत्यू
पालघर जिल्ह्यात धक्कादायक घटना घडली आहे. मुंबई अहमदाबाद राष्ट्रीय महामार्गावर वऱ्हाडाच्या ट्रकचा भीषण अपघात झाल्याची घटना घडली आहे. वऱ्हाडाची ट्रक आणि कंटेनरमध्ये हा भीषण अपघात झाला. यामध्ये 12 जणांचा मृत्यू झाल्याची प्राथमिक माहिती मिळत आहे. तर 20 ते 25 जण जखमी झाल्याची माहिती मिळत आहे. दरम्यान, मृत्यूच आकडा वाढण्याची भिती व्यक्त केली जात आहे.
वऱ्हाडाच्या ट्रक मध्ये 100 पेक्षा जास्त वऱ्हाडी असल्याची माहिती
मुंबई अहमदाबाद राष्ट्रीय महामार्गावर वऱ्हाडाच्या ट्रकचा भीषण अपघात झाला आहे. पालघरच्या धानीवरी येथे वऱ्हाडाची ट्रक आणि कंटेनर मध्ये हा भीषण अपघात झाला. वऱ्हाडाच्या ट्रक मध्ये 100 पेक्षा जास्त वऱ्हाडी असल्याची माहिती मिळत आहे. आतापर्यंत 12 जणांचा मृत्यू झाला आहे. मृतांचा आकडा वाढण्याची शक्यता आहे. वीस ते पंचवीस जण गंभीर जखमी झाले आहेत. जखमींवर कासा उपजिल्हा रुग्णालयात उपचार सुरु आहेत.
अमरावती जिल्ह्यात धक्कादायक घटना, तीन सख्ख्या भावंडांचा धरणात बुडून मृत्यू
अमरावती जिल्ह्यात धक्कादायक घटना घडली आहे. एकाच कुटुंबातील तीन सख्ख्या भावंडांचा बुडून मृत्यू झाला आहे. वरुड तालुक्यातील पुसली धरणात ही दुर्दैवी घटना घडली आहे. तीन सख्ख्या भावंडांचा बुडून मृत्यू झाल्यानं संपूर्ण वरुड तालुक्यात शोककळा पसरली आहे.
महत्त्वाच्या बातम्या
