प्रियकराच्या फ्लॅटवर जाऊन चाकूने वार, नागपुरातील थरार, प्रेयसीला बेड्या

प्रेयसीने आपल्या प्रियकराला चाकूने गंभीर जखमी केले आहे. ही घटना नागपूर जिल्हातील वाडी येथे घडली आहे. दीड वर्षांपासू प्रेम संबंध असूनही लग्न करण्यास तयार होत नाही या रागातून प्रेयसीने हा हल्ला केला आहे

nagpur crime news

नागपूर : दीड वर्षांपासू प्रेम संबंध असूनही लग्न करण्यास तयार होत नाही या रागातून प्रेयसीने आपल्याच प्रियकराला चाकूने गंभीर जखमी केले आहे. ही घटना नागपूर जिल्हातील वाडी येथे घडली आहे. हल्लेखोर प्रेयसीचे नाव पूजा (वय 32) असे असून अक्षय (वय. 25) असे जखमी झालेल्या प्रियकराचे नाव आहे. 

पूजा आणि अक्षय यांचे गेल्या दीड वर्षांपासून प्रेम संबंध होते. पूजा अक्षयवर लग्नासाठी दबाव आणत होती. मात्र, कौटुंबिक जबाबदाऱ्यांमुळे अक्षय सध्या लग्नास इच्छुक नव्हता. त्यामुळे दोघांमध्ये वाद होत होते. काही दिवसांपूर्वी पूजाने अक्षयच्या आईला फोन करून अक्षय याने माझ्यासोबत मैत्री तोडली असून त्याने माझासोबत लग्न केले नाही तर त्याचे वाईट परिणाम होतील अशी धमकी दिली होती. काल संध्याकाळी संतापलेल्या पूजाने दत्तवाडी परिसरात अक्षय राहत असलेल्या फ्लॅटवर जावून त्याच्यावर चाकूने हल्ला केला. या हल्ल्यात अक्षय गंभीर जखमी झाला आहे. 

पूजाने अक्षयच्या मानेवर, गालावर, मनगटावर, मांडी आणि पाठीवर चाकुने वार केले आहेत. जिवाच्या आकांताने ओरडत अक्षय एक किलोमीटरपर्यंत जखमी अवस्थेतच पळत गेला. स्थानिकांनी जखमी अक्षयला खासगी रुग्णालयात दाखल केले. सध्या त्याच्यावर उपचार सुरू आहेत. परंतु, त्याची प्रकृती गंभीर आहे. दरम्यान, प्रेयसी पूजाला पोलिसांनी अटक केली असून घटनेचा पुढील तपास सुरु असल्याची माहिती सहायक पोलीस निरीक्षक गणेश फुलकवर यांनी दिली आहे.

महत्वाच्या बातम्या