वसईत कॅन्सरच्या रुग्णावर टीबीचा उपचार, डॉक्टरांच्या निष्काळजीपणामुळे महिलेचा मृत्यू

हॉस्पिटल प्रशासनाने डॉ. पूनम वानखेडेची चूक नसल्याच सांगत, संपूर्ण हॉस्पीटल प्रशासन डॉक्टराच्या पाठीशी असल्याच सांगितल आहे. तसेच नातेवाईकांचे सर्व आरोप हॉस्पिटल प्रशासनाने फेटाळून लावले आहेत.

वसई : कॅन्सरच्या रुग्णावर टीबीचा उपचार दिल्याचा धक्कादायक प्रकार वसई पश्चिमच्या बंगली येथील प्रसिद्ध कार्डिनल ग्रेशर्स हॉस्पिटलमध्ये घडला आहे. डॉक्टरांच्या या निष्काळजीपणामुळेच लक्ष्मी अनिल सेठी असून या 44 वर्षीय महिलेचा मृत्यू झाला आहे.  हॉस्पिटलविरोधात मंगळवारी मयत महिलेच्या नातेवाईकांनी एक दिवसीय धरणे आंदोलन केलं होते. यावेळीच त्यांनी कॅन्सरच्या रुग्णावर चक्क टिबीचा उपचार करत असल्याचा आरोप केला आहे. पण नातेवाईकांचे सर्व आरोप हॉस्पिटलने फेटाळले आहेत. 14 एप्रिल 2019  रोजी फिट येत असल्याच्या कारणावरुन लक्ष्मी सेठी यांना उपचारासाठी वसईतील कार्डिनल ग्रेशस मेमोरिअल हॉस्पिटलमध्ये दाखल करण्यात आलं होतं. सेठी यांच्यावर डॉ. पूनम वानखेडे ह्या उपचार करत होत्या. उपचारा दरम्यान त्यांच्या वैद्यकीय चाचण्या करुन सेठी यांच्यावर उपचार सुरु केला.  एक आठवडयाने डॉक्टरांनी रुग्णास टी.बी. असून एक महिन्यात त्या ठिक होतील असं सांगितलं. नंतरच्या काळात लक्ष्मी सेठी यांची तब्येत सुधारण्याऐवजी दिवसेदिवस ढासळत जात होती. Smart Bulletin | स्मार्ट बुलेटिन | 10 जुलै 2019 बुधवार | ABP Majha अखेर हतबल होवून त्याच हॉस्पिटलच्या दुसऱ्या डॉक्टरांचा सल्ला घेतला असता त्यांनी कॅन्सरची शक्यता वर्तवली. त्यानंतर नातेवाईकांनी वैद्यकिय चाचण्या ही केल्या त्यात मयत लक्ष्मीच्या पोटात गाठ असल्याच आढळून आलं. तरी ही डॉ पूनम यांनी ही गाठ टीबीची असल्यांच सांगतं टीबीची उपचार पध्दती चालू ठेवल्याचा आरोप नातवाईकांनी केला आहे. शेवटी मुंबईच्या एका रुग्णालयात ती गाठ कॅन्सरची असल्याच निष्पन्न झालं.  मात्र तोपर्यंत उशीर झाला होता. यात 4 मे 2019 रोजी त्यांचा मृतू झाला. दरम्यान हॉस्पिटल प्रशासनाने मयत लक्ष्मीची स्थिती चिंताजनक असतानाच त्यांच बरंवाईट झाल्यास हॉस्पिटल प्रशासन जबाबदार राहणार नाहीत, असं पञ लिहून मागितलं होतं. मात्र ते देण्यास नातेवाईकांनी नकार दिला होता. त्यामुळेच डॉ. पूनम वानखेडे वर तसेच हॉस्पिटलवर कारवाई करण्याची मागणी मयत महिलेच्या नातेवाईकांनी केली आहे. हॉस्पिटल प्रशासनाने डॉ. पूनम वानखेडेची चूक नसल्याच सांगत, संपूर्ण हॉस्पिटल प्रशासन डॉक्टराच्या पाठीशी असल्याच सांगितल आहे. तसेच नातेवाईकांचे सर्व आरोप हॉस्पिटल प्रशासनाने फेटाळून लावले आहेत. हॉस्पिटल प्रशासनाने आमच्याकडे उपचारासाठी रुग्ण आला होता. त्याच्या प्रत्येक चाचण्या करुन चाचणीच्या अहवाल नुसार आम्ही उपचार केला आहे. तसेच यात तज्ञ डॉक्टरांचेही सल्ले यात घेण्यात आले आहेत. सुरुवातीला तपासणी अहवालात टीबी आढळला त्यानंतर तपासणी अहवालात आम्हाला कॅसर आढळला तसे आम्ही उपचार केले आहेत. रुग्ण अत्यवस्थ होत असताना आम्ही तपासणी अहवालानुसार योगेच उपचार केले आहेत. तसेच जे आरोप करीत आहेत ते खोटे असल्याचे उपचार करणाऱ्या डॉ पूनम वानखेडे यांनी सांगितले आहे.