Shiv Sena MP Meeting : 'मातोश्री'वरील बैठकीत सहा खासदार गैरहजर, दांडी मारणारे खासदार शिंदे गटात जाणार?
Shiv Sena MP Meeting : महाराष्ट्रातील शिवसेनेच्या 18 लोकसभा खासदारांपैकी सहा खासदारांनी या बैठकीला दांडी मारली आहे. काही खासदार शिंदे गटाच्या संपर्कात असल्याची जोरदार चर्चा सुरु आहे.
Shiv Sena MP Meeting : मातोश्री (Matoshree) बंगल्यावर शिवसेना खासदारांची दोन तासांपासून बैठक सुरु आहे. महाराष्ट्रातील शिवसेनेच्या 18 लोकसभा खासदारांपैकी सहा खासदारांनी या बैठकीला दांडी मारली आहे. काही खासदार शिंदे गटाच्या संपर्कात असल्याची जोरदार चर्चा सुरु आहे. तर राज्यसभेचे संजय राऊत आणि प्रियंका चतुर्वेदी हे दोन खासदार बैठकीला उपस्थित असून अनिल देसाई दिल्लीत आहेत.
शिवसेना पक्षप्रमुख उद्धव ठाकरे (Uddhav Thackeray) यांच्या अध्यक्षतेखाली दुपारी साडेबारा वाजता या बैठकीला सुरुवात झाली आहे. बैठकीला तीन तास उलटून गेले तरीही केवळ लोकसभेचे 12 खासदारच बैठकीला हजर आहेत.
गैरहजर खासदार शिंदे गटात?
दरम्यान 12 खासदार आमच्या संपर्कात असल्याचा दावा शिंदे गटाकडून सातत्याने केला जात होता. त्यामुळे आजच्या बैठकीसाठी अनुपस्थित असलेले खासदार शिंदे गटात गेले असं म्हणायचं का अशी चर्चा सुरु आहे. काही कारणास्तव खासदार येऊ शकले नाहीत. परंतु काहींनी आतापासूनच इंटरनेट बंद करायला सुरुवात केली आहे असंही म्हटलं जात आहे.
राष्ट्रपतीपदाच्या उमेदवारांना पाठिंबा देण्याबाबत खलबतं
राष्ट्रपतीपदाच्या निवडणुकीतील उमेदवारांना पाठिंबा द्यायचा की नाही याबाबत उद्धव ठाकरे आणि खासदारांमध्ये चर्चा सुरु आहे. भाजपच्या उमेदवाराला कोणत्या आधारावर पाठिंबा द्यायचा आणि यूपीएच्या उमेदवाराला पाठिंबा द्यायचा नाही तर त्याचं कारण द्यावं लागेल. त्यामुळे शिवसेना राष्ट्रपतीपदासाठी यूपीए की एनडीएच्या उमेदवाराला पाठिंबा देणार हे बैठकीअंती स्पष्ट होईल. तत्पूर्वी खासदार राहुल शेवाळे आणि राजेंद्र गावित यांनी काही दिवसांपूर्वीच उद्धव ठाकरे यांना पत्र लिहून भाजपच्या राष्ट्रपतीपदाच्या उमेदवार द्रौपदी मुर्मू यांना पाठिंबा देण्याची विनंती केली आहे.
उपस्थित खासदार
1. गजानन कीर्तिकर
2. अरविंद सावंत
3. विनायक राऊत
4. हेमंत गोडसे
5. धैर्यशील माने
6. प्रताप जाधव
7. सदाशिव लोखंडे
8. राहुल शेवाळे
9. श्रीरंग बारणे
10. राजन विचारे
11. ओमराजे निंबाळकर
12. राजेंद्र गावित
शिवसेनेचे अनुपस्थित खासदार
1. यवतमाळ-वाशिम - भावना गवळी
2. परभणी - संजय जाधव
3. कोल्हापूर - संजय मंडलिक
4. हिंगोली - हेमंत पाटील
5. कल्याण-डोंबिवली - श्रीकांत शिंदे
6. रामटेक - कृपाल तुमाने
7. दादरा-नगर हवेली - कलाबेन डेलकर
राज्यसभा खासदार उपस्थित
1. संजय राऊत
2. प्रियांका चतुर्वेदी
अनिल देसाई (दिल्लीला आहेत)
Shivsena MP Meeting : शिवसेना खासदारांची मातोश्रीवर बैठक, कोण उपस्थित - कोण अनुपस्थित
संबंधित बातमी
उद्धव ठाकरेंची उरलेल्या 15 आमदारांना भावनिक साद; पत्र लिहित म्हणाले, आईच्या दुधाशी बेईमानी...
महत्त्वाच्या बातम्या
ट्रेंडिंग न्यूज
