School Reopening : मुंबईत उद्यापासून शाळा सुरू होणार का? पालक-शिक्षक संभ्रमात, आज निर्णयाची शक्यता
school reopening in Mumbai: एक डिसेंबरपासून शाळा सुरू करण्याचा निर्णय सरकारने घेतला असला तरी मुंबईसह इतर महत्त्वाच्या पालिकांनी अद्याप यावर निर्णय घेतला नाही.
Maharashtra School Reopening : राज्यातील प्राथमिक शाळा 1 डिसेंबरपासून सुरू करण्याचा निर्णय सरकारने जाहीर केला असला तरी शिक्षक-पालकांच्या मनात अजूनही संभ्रम कायम आहे. राज्यातील महत्त्वाच्या शहरातील पालिका प्रशासनाने शाळा सुरू करण्याबाबत नकारघंटा वाजवली आहे. ओमिक्रॉन व्हेरियंटच्या सावटामुळे शाळा सुरू करण्याबाबत अद्याप निर्णय घेतला जात नसल्याची चर्चा सुरू आहे.
शिक्षणाधिकारी यांनी आयुक्तांकडे शाळा सुरू करण्याबाबतचा प्रस्ताव पाठवला असून याला मंजुरी मिळणार की नाही ? याबाबत चर्चा सुरू आहे. उद्यापासून टप्प्याटप्प्याने जरी शाळा सुरू करायचं तरी सुद्धा कुठल्या प्रकारच्या सूचना अद्याप न मिळाल्याने शाळेची तयारी झालेली नसल्याचे शिक्षकांनी म्हटले.
मुंबईत शाळा सुरु करायच्या की नाही याबाबत पालिका आयुक्त आणि शिक्षणाधिकारी यांच्यात बैठक सुरु आहे. तर पालक संघटनांशी चर्चा करुनच शाळा सुरु करण्याबाबत निर्णय घेऊ असा पवित्रा पुण्याचे महापौर मुरलीधर मोहोळ यांनी घेतला आहे.
शाळा सुरू करण्याबाबत सरकार ठाम
ओमिक्रॉन व्हेरियंटमुळे राज्यात पहिली ते सातवीच्या शाळा सुरु करण्याबाबत वेगवेगळे मतप्रवास असले तरी १ डिसेंबरपासून म्हणजेच उद्यापासून शाळा भरणार असल्याचे सरकारने स्पष्ट केले आहे. या संदर्भात शासननिर्णय जारी झालाय. गर्दी टाळण्यासाठी खबरदारीच्या उपाययोजना करण्याच्या सूचना शाळांना देण्यात आलेत. पहिली ते सातवीच्या शाळा सुरु करण्याबाबत सरकारचा निर्णय झाला असला तरी नाशिक पालिका हद्दीतील शाळा सुरु करण्याचा निर्णय १० डिसेंबरपर्यंत पुढे ढकलण्यात आला आहे. नाशिक पालिका या संदर्भात १० डिसेंबरला निर्णय घेणार आहे. सध्या राज्यातील ग्रामीण भागांत पाचवी ते बारावी आणि शहरी भागांत आठवी ते बारावीच्या शाळा सुरू आहेत.
शाळा सुरू करण्याबाबतचे आदेश सरकारने दिल्यानंतर शिक्षण विभागाने मार्गदर्शक सूचना प्रसिद्ध केल्या आहेत. या सूचनांचे पालन करण्याचे आवाहन करण्यात आले आहे.
काय आहेत शिक्षण विभागाच्या शासन निर्णयातील मार्गदर्शक सूचना?
- दोन विद्यार्थ्यांमध्ये शक्यतोवर किमान सहा फूट अंतर ठेवावे
- शाळेमध्ये प्रत्येकाने मास्क घालणे बंधनकारक आहे
- वारंवार हात धुवावे व शाळेत स्वच्छता ठेवावी
- शिक्षक शिक्षकेतर कर्मचार्यांचे लसीकरण पूर्ण झालेले असावे
- शाळांमध्ये बायोमेट्रिक उपस्थितिची पद्धतीचा अवलंब करू नये
- शाळेत गर्दी होणार नाही असे उपक्रम , खेळ किंवा सामूहिक प्रार्थना टाळाव्यात
- ज्यांना कोणतीही लक्षणे नाहीत अशाच व्यक्तींना शाळेच्या आवारात किंवा वर्गात येण्यास अनुमती नसावी
- मुले किंवा शिक्षक आजारी असेल तर त्यांनी शाळेत येऊ नये ,आवश्यक नियमांचे पालन करावे
- क्वारंटाईन विद्यार्थ्यांना ऑनलाईन शिक्षणाची सोय उपलब्ध असावी
- शाळेतील एकाच वर्गातील पाचपेक्षा अधिक मुले दोन आठवड्याच्या कालावधीत कोरोनाबाधित आढळल्यास शाळेतील कोव्हीड प्रतिबंधक कृती योजनेचा सखोल आढावा घ्यावा
- शाळांची वेळोवेळी निर्जंतुकीकरण करावे
- शाळेत येताना किंवा शाळा सुटल्यावर अथवा मोकळ्या वेळेत मुलांनी एकत्र येऊन नियमांचा भंग करू नये
- यामध्ये ज्या शाळेत विद्यार्थी संख्या जास्त असेल त्यामुळे जास्तीत जास्त पंधरा ते वीस विद्यार्थी एका वर्गात बसतील.
- एका बेंचवर एक विद्यार्थी बसेल अशाप्रकारे नियोजन करावे सोबतच विद्यार्थी संख्या जास्त असलेल्या शाळांमध्ये दोन सत्रांमध्ये शाळा भरवण्यात यावी
- शाळा सुरू करताना विद्यार्थ्यांना टप्प्याटप्प्याने शाळेत बोलवावे
- शहरी भागात महापालिका आयुक्त व इतर ठिकाणी जिल्हाधिकारी यांनी मुख्य कार्यकारी अधिकारी जिल्हा परिषद मुख्याधिकारी ,नगर परिषद यांनी शिक्षणाधिकारी ,आरोग्य अधिकारी यांच्यासमवेत सातत्याने आढावा घेऊन आवश्यक संबंधित सूचना कराव्यात
- या आधीच्या टप्प्यांमध्ये ज्याप्रकारे ग्रामीण भागात शाळा सुरू करण्यासाठी सरपंच यांच्या अध्यक्षतेखाली तर महापालिका क्षेत्राकरिता आयुक्त व नगरपालिका, नगरपंचायती ,ग्रामीण भागातील शाळा सुरू करण्यासाठी जिल्हाधिकारी यांच्या अध्यक्षतेखाली समिती गठित करण्यात आले आहेत. त्या समितीने शाळा सुरू करण्यापूर्वी चर्चा करावी
- पालकांच्या संमती शाळेत येण्यासाठी आवश्यक असणार आहे, पालकांचे संमतीनेच विद्यार्थी शाळेत येऊ शकेल
Education Loan Information:
Calculate Education Loan EMI
Before You Go
Abhijeet Dipke On Narendra Modi : मोदींची डिग्री खरी असावी.. अभिजीत दिपके थेटच बोलले..
महत्त्वाच्या बातम्या
