Sanjay Raut on ED: केंद्रीय यंत्रणांची कार्यालये खंडणीखोर; पुढील आठवड्यात ईडीचा मोठा घोटाळा काढणार; संजय राऊत यांचा इशारा

Sanjay Raut On ED : संजय राऊत यांनी पुढील आठवड्यात ईडीचा घोटाळा बाहेर काढणार असल्याचा इशारा दिला आहे. त्यामुळे आता संजय राऊत यांच्या नव्या गौप्यस्फोटाकडे राजकीय वर्तुळाचे लक्ष लागले आहे.

Sanjay Raut on ED: केंद्रीय यंत्रणांची कार्यालये खंडणीखोर; पुढील आठवड्यात ईडीचा मोठा घोटाळा काढणार; संजय राऊत यांचा इशारा

Sanjay Raut On ED : पुढील आठवड्यात ईडीचा सर्वात मोठा घोटाळा उघड करणार असल्याचा इशारा शिवसेना नेते खासदार संजय राऊत यांनी दिला आहे. संजय राऊत यांनी आज ट्वीट करून ईडी अधिकाऱ्याच्या बेनामी संपत्तीवर प्रश्न उपस्थित केले होते. त्यानंतर शिवसेना भवनातील पत्रकार परिषदेत संजय राऊत यांनी पुन्हा एकदा ईडी आणि भाजपचे माजी खासदार किरीट सोमय्या यांच्यावर आरोपांचे बाण सोडले. भाजपने मुंबईतील केंद्रीय तपास यंत्रणांची कार्यालये खंडणीखोर केली असल्याची घणाघाती टीकाही राऊत यांनी केली. 

शिवसेना भवनात आज शिवसेना खासदार विनायक राऊत आणि महापौर किशोरी पेडणेकर यांनी पत्रकार परिषद घेतली. या पत्रकार परिषदेत संजय राऊतही सहभागी झाले. यावेळी संजय राऊत यांनी भाजपचे माजी खासदार किरीट सोमय्या यांच्यावर जोरदार टीका केली. पालघरमध्ये 260 कोटींचा प्रकल्प सुरू आहे. हा प्रकल्प सोमय्यांच्या मुलाच्या नावावर असून त्यांची पत्नी संचालकपदावर आहे. या प्रकल्पात ईडीच्या एका अधिकाऱ्याची बेनामी संपत्ती गुंतली असल्याचा आरोप संजय राऊत यांनी केला. दररोज किरीट सोमय्या यांच्या भ्रष्टाचाराची प्रकरणे बाहेर काढणार असल्याचेही त्यांनी सांगितले. 

पुढील आठवड्यात ईडीचा घोटाळा

मुंबईतील केंद्रीय तपास यंत्रणांची कार्यालये ही खंडणीखोर बनवली असल्याची घणाघाती टीका संजय राऊत यांनी केली. महाराष्ट्राला कसे लुटले, कोट्यवधींची अफरातफर केली याची सगळी माहिती उघड करणार असल्याचे संजय राऊत यांनी सांगितले. कुणाला आमच्या आंगावर यायचं असेल त्यांनी जरूर यावं. एक दिवस त्यांना या ठिकाणाहून तोंड काळे करून जावं लागेल. आम्ही लवकरच ट्रकच्या ट्रक ईडी ऑफिसवर घेऊन जाणार आहोत. पुढील आठवड्यात ईडीचा सर्वात मोठा घोटाळा याचं ठिकाणी बसून बाहेर काढणार आहोत, असेही संजय राऊत यांनी सांगितले. गुन्हेगारीचे हे सिंडिकेट उघड करणार असल्याचा इशारा त्यांनी दिला.

पोकळ धमकी देऊ नये

कुंडली काढण्याची धमकी आम्हाला कोणी देऊ नये. आमच्याकडेही तुमच्या कुंडल्या आहेत, अशा इशाराही त्यांनी दिला. आम्हाला कोणी पोकळ धमकी देऊ नये. कितीही ईडी, सीबीआय मागे लावा आम्ही त्याला  उत्तर देण्यास सज्ज आहोत.आम्ही रिश्ते में आप आपके बाप लगते हैं आणि तुम्हाला बाप दाखवणार असल्याचे राऊत यांनी सांगितले. 

केंद्रीय मंत्र्याचा घोटाळा काढण्यास मदत करा

केंद्रीय मंत्र्यांचा 300 कोटी रुपयांचा भ्रष्टाचार उघड केला होता. त्यामध्ये आम्हाला साथ द्या असे आवाहनही संजय राऊत यांनी किरीट सोमय्या यांना केले.  आता ज्याप्रकारे तुम्ही शेपूट घालून बसले आहात ते सोडून बाहेर पडा असेही राऊत यांनी सोमय्यांना म्हटले. 

 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha