AMIM Rally In Mumbai : परवानगी नसताना एमआयएमच्या सभेचे आयोजन, आयोजकावर गुन्हा दाखल
144 कलम लागू केल्याने रॅलीला मुंबईत प्रवेश मिळणार का? हा प्रश्न उपस्थित करण्यात येत होता. रॅली सभांना बंदी असल्यानं एमआयएम कार्यकर्त्यांना बाहेर रोखण्यासाठी मुंबईच्या वेशीवर बॅरिकेडींग केलं होतं.
AMIM Rally In Mumbai : मुस्लिम आरक्षण, वक्फ बोर्डाच्या जमिनी आणि इतर मागण्यांसाठी खासदार इम्तियाज जलील (Imtiyaz Jaleel) यांच्या नेतृत्त्वाखाली एमआयएमची रॅली (AMIM Rally) औरंगाबादहून काल मुंबईत ( Aurangabad to Mumbai) दाखल झाली. परंतु, मुंबईत 144 कलम लावण्यात आल्याने राजकीय सभा किंवा रॅलिंना परवानगी नसताना सभेचे आयोजन केल्याबद्दल आयोजकावर कलम 188 अंतर्गत गुन्हा दाखल करण्यात आला आहे.
मुंबईत 144 कलम लागू केल्याने रॅलीला मुंबईत प्रवेश मिळणार का? हा मोठा प्रश्न उपस्थित करण्यात येत होता. मुंबईत रॅली सभांना बंदी असल्यानं एमआयएम कार्यकर्त्यांना मुंबई बाहेर रोखण्यासाठी पोलीसांनी मुंबईच्या वेशीवर बॅरिकेडींग केलं होतं. पण अखे खासदार इम्तियाज जलील हे त्यांच्या कार्यकर्त्यांसह वाहनांचा ताफा घेऊन मुंबईत दाखल झालेच. काल (शनिवारी) सायंकाळी चांदीवली येथे एमआयएमची सभा झाली. त्यामुळे सभेच्या आयोजकांवर गुन्हा दाखल करण्यात आला आहे.
बंदीवर इम्तिमयाज जलील यांची टीका
ओमायक्रॉनच्या पार्श्वभूमीवर कालपासून मुंबईत 144 कलम अंतर्गत रॅली, सभांसह मोर्चांना बंदी घालण्यात आली होती. परंतु, इम्तियाज जलील यांनी यावर कडाडून टीका केली.
"ओमायक्रॉनच्या पार्श्वभूमीवर मुंबईत रॅली, मोर्चांना बंदी घातल्याचं ऐकलं. रॅली, मोर्चाना बंदी घालणे हा एक जोक आहे. सरकार आणि ओमायक्रॉन व्हायरसची काही बोलणी झाली आहे. 11 आणि 12 तारखेला फक्त ओमायक्रॉन येणार आहे. नंतर आम्ही इथून गेलो की तो पुन्हा येईल, असा टोला जलील यांनी लगावला. हा विचित्र प्रकार आहे. पोलिसांची परवानगी मिळाली आहे. कुणी खोडा घालू नये म्हणून परवानगीची माहिती लपवली असल्याचंही ते म्हणाले. ज्या लोकांनी मुस्लिमांचा उपयोग करुन घेतला आहे. काँग्रेस-राष्ट्रवादी विरोधात असताना मुस्लिम आरक्षणाची मागणी करत होते मात्र आता ते सरकारमध्ये बसून गप्प आहेत. आम्ही आगामी निवडणुका आरक्षणाच्या मुद्द्यावर लढवू,.आम्ही डेटासह मुस्लिम समाजावर अन्याय झाल्याचं दाखवून देणार आहोत. रॅलीला परवानगी घेतलेली आहे. त्यानंतर यावर निर्बंधाबाबत आमच्याकडे काहीही अधिकृत पत्र आलेलं नाही. असे जलील म्हणाले.
मुस्लिमांनाही शिकायचंय त्यांना आरक्षण द्या : असदुद्दीन ओवेसी
दरम्यान, मुंबईच्या चांदिवलीत झालेल्या सभेत एमआयएमचे असदुद्दीन ओवेसी यांनी मुस्लिमांना आरक्षण देण्याची मागणी केली. मुस्लिम मुलांनाही शिकायचं आहे, त्यांनाही आरक्षण द्या, असं म्हणत मुंबईच्या चांदिवलीत एमआयएमची सभा पार पडली. तर सेक्युलिरझम या शब्दामुळे मुस्लिम समाजाचं नुकसान झालं असाही घणाघात ओवेसी यांनी केला.
संबंधिक बातम्या
मुस्लिमांनाही शिकायचंय त्यांना आरक्षण द्या, असदुद्दीन ओवेसींचा सरकारवर हल्लाबोल
मराठा बांधवांकडून खूप काही शिकण्यासारखं आहे - इम्तियाज जलील
Before You Go
Dhananjay Munde On Gym : सर्वच क्षेत्रातलं वजन कमी झालंय, मी जिम करतोय
महत्त्वाच्या बातम्या
