नवाब मलिक म्हणाले, 'NCBच्या आणखी चुकीच्या गोष्टी समोर आणणार', आज पत्रकार परिषद

Nawab Malik On NCB : राष्ट्रवादीचे प्रवक्ते आणि राज्याचे मंत्री नवाब मलिक आज पत्रकार परिषद घेत आहेत. एनसीबीसंदर्भात बोलणार असल्याचं त्यांनी ट्वीट करत म्हटलं आहे.

Nawab Malik On NCB

Nawab Malik On NCB : राष्ट्रवादीचे प्रवक्ते आणि राज्याचे मंत्री नवाब मलिक यांनी आज पुन्हा एसीबीच्या काही चुकीच्या गोष्टी समोर आणणार असल्याचं म्हटलं आहे. याबाबत मलिक यांनी काल ट्वीट केलं आहे. त्यांनी ट्वीट करत म्हटलं आहे की, रविवारी 11 वाजता पत्रकार परिषद घेत आहे. यात NCBमधील आणखी काही चुकीच्या गोष्टींना एक्सपोज करणार आहे, असं मलिक यांनी म्हटलं आहे. 

I will address a Press Conference tomorrow Sunday 02 January 2022 at 11 am and expose more wrongdoings of the NCB.
Venue :- Noor Manzil, LBS marg, Kurla West, Mumbai

— Nawab Malik نواب ملک नवाब मलिक (@nawabmalikncp) January 1, 2022

एनसीबीच्या फर्जिवाड्याविरोधात लढा सुरूच ठेवणार, असा संकल्प अल्पसंख्याक मंत्री नवाब मलिक यांनी काल जाहीर केला होता. मलिक यांचे जावई समीर खान यांचा जामिनाला एनसीबीनं हायकोर्टात आव्हान दिलंय. ड्रग्ज प्रकरणात समीर खान यांना गेल्या वर्षी जानेवारीमध्ये अटक झाल्यानंतर 27 सप्टेंबरला त्यांना जामीन मंजूर झाला आणि त्यांची जामिनावर सुटका झाली. परवा एनसीबीनं हा जामीन रद्द करण्यासाठी न्यायालयात अपील केलंय. एनसीबीच्या या भूमिकेवर नवाब मलिक यांनी टीका केली होती.

ही कायदेशीर लढाई आहे ती आम्ही लढूच. मात्र आम्ही एनसीबीच्या लोकांना विचारु इच्छितो की, आम्ही जी चुकीची प्रकरणं पुढं आणली होती त्याचं काय झालं? आपल्या एसआयटीनं ते पाहिलंय का की किती घोटाळा झालाय? आपली कमिटी काय करत आहे? अशा लोकांना का वाचवत आहेत. तुम्ही कितीही वाचवा आम्ही अशा लोकांना उघडं करु आणि त्यांना शिक्षा मिळवून देऊ, असं मलिक यांनी म्हटलं होतं. 

इतर महत्वाचा बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha