Coronavirus In Mumbai: मुंबईकरांनो सावधान! आज 19,474 नव्या रुग्णांची नोंद, 7 जणांचा मृत्यू

Coronavirus In Mumbai: मुंबईत सध्या 1 लाख 17 हजार 437 रुग्ण सक्रीय आहेत. 

coronavirus

Mumbai Coronavirus Updates: मुंबईतील कोरोनाबाधितांच्या संख्येत गेल्या काही दिवसांपासून झपाट्यानं वाढ होऊ लागलीय. याचपार्श्वभूमीवर नागरिकांना चिंतेत टाकणारी माहिती समोर आलीय. मुंबईत आज 19 हजारांहून अधिक रुग्णांची नोंद झालीय. कोरोनाच्या वाढत्या रुग्णसंख्येच्या पार्श्वभूमीवर पुन्हा एकदा कडक निर्बंध लागू करण्यात आले आहेत. मुंबईत सध्या 1 लाख 17 हजार 437 रुग्ण सक्रीय आहेत. 

मुंबईत आज 19 हजार 474 नवे रुग्ण आढळून आले आहेत. तर आज सात मृत्यूची नोंद नाही. याशिवाय, 8 हजार 63 जणांनी कोरोनावर मात केलीय. ज्यामुळं मुंबईतील बरे झालेल्या रुग्णांची संख्या 7 लाख 78 हजार 119 वर पोहचलीय. दरम्यान, बरे झालेल्या रुग्णांचा दर 85 टक्क्यांवर गेलाय.

मुंबईत आज आढळून आलेल्या रुग्णांपैकी 1 हजार 240 रुग्ण हे आज रुग्णालयात भरती झाले आहेत. मुंबईत दिवसभरात एकूण  68,249 कोरोना चाचणी करण्यात आलीय. मुंबई एकूण 17 कंटेनमेंट झोन आहेत. मुंबई महानगरपालिकेनं आतापर्यंत एकूण 123 इमारती सील केल्या आहेत. मुंबईतील रुग्ण दुपटीचा दर 41 दिवसांवर पोहचलाय. 

महानगरपालिका क्षेत्रात विनामास्क फिरणाऱ्या व्यक्ती तसेच सार्वजनिक ठिकाणी थुंकणाऱ्या व्यक्तिंवर कारवाईसाठी नेमलेल्या क्लीन अप मार्शल यांना दंडाची रक्कम देण्यापूर्वी, क्लीन अप मार्शलनी गणवेष परिधान केलेला आहे, त्यांच्या गणवेषावर संबंधित विभागाचे नाव व अनुक्रमांक नमूद केला आहे, याची खातरजमा करुन नागरिकांनी दंडाची रक्कम भरावी व पावती देखील घ्यावी. याअनुषंगाने कोणत्याही तक्रारीसाठी टोल फ्री क्रमांक 1800221916 यावर संपर्क साधावा, असे आवाहन महानगरपालिका प्रशासनाच्या वतीने करण्यात येत आहे.

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha

हे देखील वाचा-