![metaverse](https://cdn.abplive.com/imagebank/metaverse-top.png)
कोण सोबत येईल, नाही येईल याचा विचार न करता कामाला लागा; बीएमसी निवडणुकीसाठी शरद पवार यांचे आदेश
NCP Meeting : मुंबई महापालिकेसाठी राष्ट्रवादी काँग्रेस अध्यक्ष शरद पवार यांनी रणशिंग फुंकलं आहे. कोणता पक्ष सोबत येईल, नाही येईल याचा विचार न करता कामाला लागा; असे आदेश शरद पवार यांनी दिले आहेत.
![कोण सोबत येईल, नाही येईल याचा विचार न करता कामाला लागा; बीएमसी निवडणुकीसाठी शरद पवार यांचे आदेश Mumbai Municipal Corporation Election Work without thinking which party will come along; NCP chief Sharad Pawar orders to start preparations for BMC elections कोण सोबत येईल, नाही येईल याचा विचार न करता कामाला लागा; बीएमसी निवडणुकीसाठी शरद पवार यांचे आदेश](https://static.abplive.com/wp-content/uploads/sites/7/2017/01/04101810/sharad-pawar.jpg?impolicy=abp_cdn&imwidth=1200&height=675)
NCP Meeting : आगामी मुंबई महापालिका निवडणुकीसाठी (Mumbai Municipal Corporation Election) राष्ट्रवादी काँग्रेसचे सर्वेसर्वा शरद पवार (Sharad Pawar) यांनी सूत्र हातात घेतली आहेत.शरद पवार स्वत: मुंबईत फिरणार असून पक्षाला वेळ देणार आहेत. कोणता पक्ष सोबत येईल, नाही येईल याचा विचार न करता कार्यकर्त्यांना कामाला लागा, असं सूचक वक्तव्य देखील शरद पवार यांनी दिले आहेत.
मुंबईतील नरिमन पॉईंट इथल्या वाय बी चव्हाण सेंटरमध्ये आज शरद पवार यांच्या उपस्थितीत राष्ट्रवादी काँग्रेसच्या पदाधिकाऱ्यांची बैठक झाली. या बैठकीला राष्ट्रवादीचे प्रदेशाध्यक्ष जयंत पाटील, विधानसभेचे विरोधी पक्षनेते अजित पवार, छगन भुजबळ उपस्थित होते. मुसळधार पावसातही मोठ्या संख्येने पदाधिकारी हजर होते. मुंबई विभागातील पदाधिकाऱ्यांची ही पहिली बैठक होती. या बैठीकाला शरद पवार यांनी मार्गदर्शन केलं.
'बीएमसीसाठी सर्व ठिकाणी तयारी करा'
शरद पवार यांनी मुंबई महापालिकेसाठी सर्व ठिकाणी तयारी करण्याचे आदेश दिले आहेत. दर 20 दिवसांनी प्रत्येक वॉर्ड अध्यक्षांकडून तिथल्या परिस्थितीचा अहवाल पवारांना देण्यात येणार आहे. मुंबई महापालिका निवडणुकीत स्वतः आपण लक्ष देणार असल्याचं आश्वासन शरद पवार यांनी पदाधिकाऱ्यांना दिलं.
या बैठकीत शरद पवार यांच्याकडून नवाब मलिक यांचा देखील उल्लेख करण्यात आला. मुंबईत नवाब मलिक यांनी विरोधकांच्या विरोधात आवाज उठवला म्हणून त्यांच्यावर कारवाई करण्यात आली. मात्र त्यांच्याविरोधात अद्याप ठोस पुरावे सादर होऊ शकले नाहीत, असंही शरद पवार यांनी स्पष्ट केलं.
मुंबईतील घराघरात पोहोचा : जयंत पाटील
या बैठकीत मार्गदर्शन करताना प्रदेशाध्यक्ष जयंत पाटील यांनी मुंबई महापालिका निवडणुकीच्या कामाला लागण्याचे पदाधिकाऱ्यांना आदेश दिले. मुंबईतील घराघरात पोहोचा तसंच प्रत्येक वॉर्डमध्ये सदस्य नोंदणी वाढवण्याचा सल्ला त्यांनी पदाधिकाऱ्यांना दिला.
शिवसेना-राष्ट्रवादी युती?
राष्ट्रवादी काँग्रेसच्या सर्व वरिष्ठ पदाधिकाऱ्यांची मंगळवारी (12 जुलै) शरद पवार यांनी वाय बी चव्हाण सेंटर येथे बैठक घेतली आणि त्यामध्ये मार्गदर्शन करताना शिवसेना आणि राष्ट्रवादीची शक्ती एकत्र आल्यास चित्रं वेगळं दिसेल असं वक्तव्य केलं. त्यामुळे काँग्रेस वगळता शिवसेना आणि राष्ट्रवादी एकत्र तर येणार नाही ना अशी चर्चा रंगू लागली आहे.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)