Mumbai Monorail Mishap: मोनोरेल ठप्प झाली अन् तब्बल 582 प्रवाशांचे जीव टांगणीला; पण नेमकं घडलं? खरंच मोनो एका बाजूला कलंडली होती?

Mumbai Monorail Stuck: मुंबईत तुफान पाऊस सुरू असतानाच काल संध्याकाळी सव्वा सहाच्या सुमारास चेंबूर ते वडाळादरम्यान एक मोनोरेल बंद पडली. विद्युतपुरवठा खंडीत झाल्यामुळे मोनोरेल्वे मध्येच बंद पडली.

Mumbai Monorail Stuck

Source : ABP Majha

Mumbai Monorail Stuck: मुंबईतील (Mumbai Rains) चेंबूर ते भक्तीपार्कदरम्यान काल घडलेल्या प्रकारानंतर आज फारच कमी लोकांनी मोनोरेलचा (Monorail Updates) वापर केलेला दिसतोय. अगदी तुरळक लोक मोनोने प्रवास करताना दिसत आहेत. मुंबईत (Mumbai Rain Updates) तुफान पाऊस सुरू असतानाच काल संध्याकाळी सव्वा सहाच्या सुमारास चेंबूर ते वडाळादरम्यान एक मोनोरेल बंद पडली. या मोनोरेलमधील एसी बंद झाल्यानं प्रवासी गुदमरले. क्रेनच्या मदतीनं  दोन तासांच्या अथक प्रयत्नानंतर प्रवाशांना बाहेर काढण्यात यश आलं. यातील काही प्रवाशांना बंद एसी आणि गर्दीमुळे अस्वस्थ वाटू लागलं होतं. सुदैवानं वेळीच सर्व प्रवाशांची सुटका करण्यात आली. दरम्यान मोनोमध्ये अचानक प्रवासी संख्या वाढल्यानं ही घटना घडल्याचं समोर येतंय.

मुंबईत तुफान पाऊस सुरू असतानाच काल संध्याकाळी सव्वा सहाच्या सुमारास चेंबूर ते वडाळादरम्यान एक मोनोरेल बंद पडली. विद्युतपुरवठा खंडीत झाल्यामुळे मोनोरेल्वे मध्येच बंद पडली. त्यानंतर मोनोमधले सर्व एसीसुद्धा बंद झाले. आधीच क्षमतेपेक्षा जास्त गर्दी आणि त्यात एसी बंद, त्यामुळे प्रवाशांची घुसमट होऊ लागली. सर्व प्रवाशांना रेस्कू करायला तब्बल दोन तासांचा अवधी लागला. तोपर्यंत प्रवासी बंद पडलेल्या मोनोमध्ये गर्दीत तसेच, मदतीच्या प्रतिक्षेत होते. काही प्रवाशांना बंद एसी आणि गर्दीमुळे अस्वस्थ वाटू लागलं होतं. सुदैवानं वेळीच सर्व प्रवाशांची सुटका करण्यात आली आणि मोठा अनर्थ टळला. 

मोनोरेल बाबतीत नेमकं काय झालं?

मंगळवारी हार्बर लाईन विस्कळीत झाल्यानं मोनोरेलमध्ये नेहमीपेक्षा जास्त प्रवासी होते. 
मोनोरेल ही मेट्रो पेक्षा आकाराने लहान आहे, त्याशिवाय त्याची प्रवासी संख्या क्षमतासुद्धा कमी आहे.
साधारणपणे 520 ते 520 प्रवासी एका वेळेस प्रवास करू शकतात, मात्र काल 582 प्रवासी या मोनो मध्ये प्रवास करत होते.
प्रवासी संख्या जास्त झाल्यानं स्टेशनवर मोनो बराच वेळ थांबली होती, कर्मचाऱ्यांकडूनसुद्धा काही जणांना बाहेर येण्याची विनंती केली जात होती.
मात्र कोणीही प्रवासी बाहेर येण्यास तयार नसल्यानं मोनोरेल पुढच्या स्टेशनसाठी निघाली.
मोनोरेलमध्ये वजन जास्त झाल्यानं वीजपुरवठा खंडित झाला. 

वीजपुरवठा अचानक कसा खंडित झाला?

• वळणावर करंट कनेक्टर आणि आणि पावर विल याचा संपर्क तुटला  आणि करंट नसल्याने इमर्जन्सी ब्रेक लागला.
• ट्रेनमध्ये पावर  टेल आणि करंट कनेक्टर शु याचा संपर्क तुटला आणि सेफ्टी प्रोटोकॉलमध्ये संपर्क तुटला 
• प्राथमिक तपासणीत असे आढळून आले की, क्षमतेपेक्षा अधिक गर्दीमुळे मोनोरेलचे एकूण वजन सुमारे 109 मेट्रिक टनांपर्यंत वाढले, जे तिच्या मूळ क्षमतेपेक्षा अधिक होते. मोनोची एकूण क्षमता 104 टन आहे. 
• या जास्त वजनामुळे पॉवर रेल आणि करंट कलेक्टर यांच्यातील यांत्रिक संपर्क तुटला
• ज्यामुळे मोनोरेलसाठी अत्यावश्यक असलेला वीजपुरवठा खंडित झाला. त्यामुळे मोनो बंद पडली.

खरंच मोनोरेल एका बाजूला झुकली होती का? 

• मोनोरेलमध्ये प्रवासी संख्येपेक्षा अधिक लोक काल प्रवास करत होते.
• मोनोरेल एका वळणावर आली, वळणावर आल्यानंतर विद्युत पुरवठा बंद झाला. 
• विद्युत पुरवठा बंद झाल्यानंतर आणि वळणावर मोनोरेल असल्यामुळे  मोनोरेलच्या एका बाजूला वजन वाढलं. त्यामुळे एका बाजूला मोनोरेल झुकली.
• त्यानंतर एसओपी नुसार, अग्निशमन दलाच्या मदतीनं या झुकलेल्या मनोरेल मधूनच आतमध्ये अडकलेल्या प्रवाशांचं रेस्क्यू करण्यात आलं.

महत्त्वाच्या इतर बातम्या :