Mumbai Local Train Accident: मुंबईतील रेल्वे अपघात प्रकरणात ट्विस्ट, मध्य रेल्वेच्या पीआरओंनी वेगळीच शंका बोलून दाखवली, 8 जण खाली कसे पडले?
Mumbai Local Train Accident: दरम्यान या घटनेबाबत त्या ठिकाणी उपस्थित असलेल्या एका महिलेने माहिती देताना काही जणांमध्ये लोकलमध्ये भांडणं सुरु होती असं कळतंय, यासंदर्भात देखील माहिती घेत आहोत आणि तपास केला जात आहे
Mumbai Local Train Accident: मध्य रेल्वेवरील (Central Railway Train Accident) मुंब्रा स्थानकाजवळ आज ( सोमवारी 9 जून) सकाळी 9.30 वाजताच्या सुमारास भयंकर रेल्वे दुर्घटना (mumbai local train accident) घडली. दोन लोकल गाड्या एकमेकांजवळून जाताना लटकलेले प्रवासी यांच्या बॅगा घासले गेले. यामुळे 8 प्रवाशी रेल्वे ट्रॅकवर पडले. या घटनेत आतापर्यंत 6 प्रवाशांचा मृ्त्यू झाल्याची माहिती मिळत आहे. जखमी प्रवाशांवर सध्या रुग्णालयात उपचार सुरु आहे. सदर अपघात झाला तेव्हा सुरुवातीला पुष्पक एक्सप्रेसमधून प्रवाशी खाली पडल्याची माहिती सांगण्यात येत होती. मात्र पुष्पक एक्सप्रेसचा काहीही संबंध नसल्याची माहिती मध्य रेल्वेचे माहिती अधिकारी स्वप्नील निला यांनी दिली. लोकल ट्रेनमधून हे प्रवासी खाली पडले आहेत. दरम्यान या घटनेबाबत त्या ठिकाणी उपस्थित असलेल्या एका महिलेने माहिती देताना काही जणांमध्ये लोकलमध्ये भांडणं सुरु होती असं कळतंय, यासंदर्भात देखील माहिती घेत आहोत आणि तपास केला जात आहे, अशी माहिती मध्य रेल्वेच्या पीआरओंनी दिली आहे.
फूटओव्हरवर लोकं उभे असताना पडण्याची पहिलीच घटना
अशा प्रकारची ही पहिलीच घटना आहे. ज्यात दोन्ही बाजूनं लोकल जात असताना फूटओव्हरवर लोकं उभे असताना पडण्याची पहिलीच घटना आहे. सीसीटीव्ही होते की नाही, लोकलमध्ये गर्दी किती होती? यासंदर्भात माहिती घेतली जाऊ शकते. चौकशी यासंदर्भातली नक्कीच होईल. अपघातग्रस्तांना लवकरात लवकर रुग्णालयात दाखल करणं महत्त्वाचं होते. काही जणांमध्ये लोकलमध्ये भांडणं सुरु होती असं कळतंय, यासंदर्भात देखील माहिती घेत आहोत आणि तपास केला जात आहे, ह्या घटनेचा कोणताही परिणाम रेल्वे वेळापत्रकावर झालेला नाही, अशी माहिती देखील मध्य रेल्वेचे माहिती अधिकारी स्वप्नील निला यांनी दिली.
घटनेतील जखमी यांची तिघांची ओळख पटलेली आहे. दोन लोकल एकाच वेळी एकमेकांच्या विरोधी जात असताना एकमेकांच्या बॅगा लागल्याने ही दुर्घटना घडल्याची माहिती सांगण्यात येत आहे. लोकलमधून प्रवासी फूटओव्हरवरुन प्रवास करत होते. एका ट्रॅकवरुन सीएसएमटीकडे लोकल जात होती. तर दुसऱ्या ट्रॅकवरुन कसाराच्या दिशेने लोकल जात होती. यावेळी दोन्ही लोकलमधील दरवाजावरील प्रवाशांची बॅग एकमेकांना घासली गेली. सकाळी 9.30 वाजता ही दुर्घटना घडली आणि 9.50 पर्यंत ॲम्युबलन्स दाखल झाल्या आहेत आणि रुग्णालयात उपचारांसाठी दाखल करण्यात आलेली आहे. मुंब्रा आणि दिवा दरम्यान ही घटना घडली. अप आणि डाऊन दरम्यानच्या लोकल दरम्यान फूटओव्हरवरुन प्रवास करत होते. अशात त्यांची टक्कर झाली किंवा बॅग लागला आणि धक्का लागला त्यामुळे ही 8 लोकं खाली पडली.
रेल्वे स्टेशनवरील प्रत्यक्षदर्शीने सांगितला थरार अनुभव
सकाळी 6.30 वाजताच्या सुमारास ही घटना घडली. आम्ही मुंब्रा स्थानकावर होतो. त्यावेळी लोकलमधील प्रवासी एकामागोमाग रेल्वे ट्रॅकवर पडत होते. मी आतापर्यंत असा थरारक अपघात कधीच बघितला नव्हता, अशी माहिती मुंब्रा रेल्वे स्थानकावरील एका प्रवाशाने सांगितले.
महत्त्वाच्या बातम्या
