Local Mega block : मुंबईकरांनो रविवारी घराबाहेर जायचंय तर ही बातमी नक्की वाचा... मध्य मार्गावर 'मेगाब्लॉक'

Mumbai Local Mega block :  रविवारी मध्य रेल्वेवर मेगाब्लॉक (Central Railway Mega Block) घेण्यात येणार आहे. विविध अभियांत्रिकी आणि देखभालीच्या कामामुळे  मेगाब्लॉक घेतला जाणार असल्याची माहिती मध्य रेल्वेच्या (Central Railway) वतीनं देण्यात आली आहे.

Mumbai Local

Mumbai Local Megablock : मुंबईकरांनो (Mumbai)  रविवारी (17 जुलै) घराबाहेर पडण्याचा विचार करत असाल, तर जरा थांबा.  रविवारी मध्य रेल्वेवर मेगाब्लॉक (Central Railway Mega Block) घेण्यात येणार आहे. विविध अभियांत्रिकी आणि देखभालीच्या कामामुळे  मेगाब्लॉक (Megablock) घेतला जाणार असल्याची माहिती मध्य रेल्वेच्या (Central Railway) वतीनं देण्यात आली आहे.  
 
 ठाणे-कल्याण अप आणि डाउन जलद मार्गावर सकाळी 10.40 ते दुपारी 3.40  पर्यंत छत्रपती शिवाजी महाराज टर्मिनस मुंबई येथून सकाळी 9.30  ते दुपारी 2.45 वाजेपर्यंत सुटणाऱ्या डाउन  जलद सेवा ठाणे आणि कल्याण स्थानकांदरम्यानच्या धीम्या मार्गावर वळवण्यात येणार आहे आणि वेळापत्रकानुसार थांबवल्या जातील व 10 मिनिटे उशिराने गंतव्यस्थानावर पोहोचतील.
 
कल्याण येथून सकाळी 10.28 ते दुपारी 3.25 पर्यंत सुटणाऱ्या अप जलद सेवा कल्याण आणि ठाणे स्थानकांदरम्यान अप धीम्या मार्गावर त्यांच्या वेळापत्रकानुसार थांबवल्या जातील, पुढे मुलुंड येथे अप जलद मार्गावर वळवण्यात येतील आणि 10  मिनिटे उशिराने गंतव्यस्थानावर पोहोचतील.
 
 छत्रपती शिवाजी महाराज टर्मिनस - चुनाभट्टी/वांद्रे हार्बर मार्गावर सकाळी 11.40 ते सायंकाळी 4.40 पर्यंत आणि चुनाभट्टी/वांद्रे- छत्रपती शिवाजी महाराज टर्मिनस अप हार्बर मार्गावर सकाळी 11.10 ते सायंकाळी 4.10 पर्यंत
 
छत्रपती शिवाजी महाराज टर्मिनस येथून सकाळी 11.16 ते दुपारी 4.47 वाजेपर्यंत वाशी/बेलापूर/पनवेलकरता सुटणारी  आणि छत्रपती शिवाजी महाराज टर्मिनस येथून सकाळी 10.48 ते सायंकाळी 4.43  पर्यंत वांद्रे/गोरेगाव करीता सुटणारी डाउन  हार्बर मार्गावरील सेवा रद्द राहतील.
 
पनवेल/बेलापूर/वाशी येथून सकाळी 9.53 ते दुपारी 3.20 पर्यंत छत्रपती शिवाजी महाराज टर्मिनससाठी सुटणारी अप हार्बर मार्गावरील सेवा आणि गोरेगाव/वांद्रे येथून सकाळी 10.45  ते सायंकाळी 5.13  पर्यंत छत्रपती शिवाजी महाराज टर्मिनससाठी   सुटणारी अप हार्बर मार्गावरील सेवा रद्द राहणार.   ब्लॉक कालावधीत पनवेल आणि कुर्ला (प्लॅटफॉर्म क्रमांक 8) दरम्यान विशेष सेवा चालवल्या जातील.

हार्बर मार्गावरील प्रवाशांना ब्लॉक कालावधीत सकाळी 10 ते संध्याकाळी 6 वाजेपर्यंत मेन लाइन आणि पश्चिम रेल्वेवरून प्रवास करण्याची परवानगी आहे.