एक्स्प्लोर

Mumbai EPFO Scam : मुंबईतल्या पीएफ घोटाळाप्रकरणी आतापर्यंत सात जण निलंबित

मुंबईतील कांदिवली इथल्या पीएफ कार्यालयातील कर्मचाऱ्याने तब्बल 21 कोटी रुपयांचा घोटाळा केल्याचं अंतर्गत इंटरनल ऑडिटमध्ये उघडकीस आलं आहे

By : एबीपी माझा वेब टीम | Updated at : 21 Aug 2021 03:52 PM (IST)

Epfo

मुंबई : मुंबईतल्या ईपीएफओ कार्यालयातील घोटाळाप्रकरणी आतापर्यंत 7 कर्मचाऱ्यांचं निलंबन करण्यात आलंय. एबीपी माझानं 18 ऑगस्टला याविषयीचं वृत्त दाखवलं होतं. त्यानंतर कारवाईनं वेग धरला आहे. देश कोरोना संकटात असताना सर्वसामान्यांच्या पीएफमधील 21 कोटींहून अधिक रकमेवर डल्ला मारल्याचा प्रकार अंतर्गत चौकशीत समोर आले होते. याप्रकरणी आधी 5 जणांचं निलंबन झालं होतं आणि आता आणखी दोघांना निलंबित करण्यात आले आहे. या दोघांपैकी एक सहाय्यक आयुक्त पदावरील कर्मचारी असल्याची माहिती समोर येत आहे.

मुंबईतील कांदिवली इथल्या पीएफ कार्यालयातील कर्मचाऱ्याने तब्बल 21 कोटी रुपयांचा घोटाळा केल्याचं अंतर्गत इंटरनल ऑडिटमध्ये उघडकीस आलं आहे. कर्मचारी भविष्य निर्वाह निधी अर्थात ईपीएफओ ही जगातील सर्वांत मोठ्या सामाजिक सुरक्षा संघटनांपैकी एक आहे, मार्च 2020 ते जून 2021 दरम्यान सगळ्या देशाचं लक्ष कोरोनाच्या साथीकडे आणि लॉकडाऊनवर होतं, त्याच काळात या घोटाळ्याचा मास्टरमाईंड कांदिवली इथल्या पीएफ कार्यालयातील 37 वर्षीय लिपिक चंदन कुमार सिन्हा यानं ही अफरातफर केली.

जुलै 2021 च्या सुरुवातीला एका निनावी तक्रारीमुळे ही फसवणूक उघडकीस आली. 817 स्थलांतरित कामगारांच्या बँक खात्याचा वापर करून पीएफच्या रकमेचा दावा केला आणि एकूण 21.5 कोटी रुपये त्यांच्या खात्यात वळवले. या खात्यांमध्ये हस्तांतरित केलेल्या रकमेपैकी 90 टक्के रक्कम काढून घेण्यात आली असल्याचं तपासात स्पष्ट झालं.

यापुढे या प्रकरणाची CBI चौकशीची मागणी केली जाईल. त्यानंतक कांदिवली चारकोप युनिट २ च्या PF कार्यालयात दोन वर्षात ज्यांनी खात्यातून पैसे काढले त्याची तपासणी केली जाईल. तब्बल 12 लाख खात्यांचे ऑडिट करण्यात येणार आहे. EPFO कार्यालयात इंटर्नल ऑडिट आणि PF चे पैसे ट्रान्सफर करताना नियमांचे पालन करण्याचे आदेश देण्यात आले आहे. आतापर्यंत FIR दाखल करण्यात आलेले नाही. EPFO च्या वरिष्ठ अधिकाऱ्यानी दिलेल्या माहितीनुसार, चौकशी पूर्ण झाल्यानंतर हे प्रकरण CBI कडे देण्यात येईल. यामध्ये कोणाच्याही वैयक्तिक किंवा कंपनीच्या खात्यांना कोणतेही नुकसान नाही. यामध्ये सर्वाधिक नुकसान हे PF कार्यालयाचे आहे. चौकशीत 90% रक्कम काढण्यात आल्याचे समोर आले आहे.

संबंधित बातम्या :