Mumbai Corona Update : मुंबईत शुक्रवारी 446 रुग्णांची नोंद, 288 कोरोनामुक्त

Mumbai Corona Update : बीएमसीने दिलेल्या आकडेवारीनुसार, शुक्रवारी मुंबईत 446 नव्या रुग्णांची भर पडली आहे.

Mumbai Corona Update

Mumbai Coronavirus Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. कोरोना रुग्णांचा स्फोट मुंबईसह महाराष्ट्रात होत आहे. आज मुंबईत 446 रुग्णांची नोंद झाली आहे. वाढत्या आकडेवारीमुळे प्रशासनासह (Mumbai BMC) नागरिकांची चिंता वाढली आहे. मागील काही दिवसांपासून रुग्णसंख्या झपाट्याने वाढत आहे.

मुंबई महानगरपालिकेने दिलेल्या आकडेवारीनुसार, मुंबईत शुक्रवारी 288 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 11,04,549 वर पोहोचली आहे. त्यामुळे मुंबईचा रिकव्हरी रेट 98 टक्के इतका झाला आहे. तर मागील 24 तासांत दोन रुग्णांचा कोरोनामुळे मृत्यू झाला आहे. कोरोनामुळे मृत्यू पावलेल्यांची संख्या 19 हजार 656 झाली आहे. सध्या मुंबईत 2,391 रुग्ण आहेत. दरम्यान मुंबईत आढळलेल्या नव्या 446 रुग्णांमध्ये 408 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 2483 दिवसांवर गेला आहे.

#CoronavirusUpdates
5th August, 6:00 pm

Positive Pts. (24 hrs) - 446
Discharged Pts. (24 hrs) - 288

Total Recovered Pts. - 11,04,549

Overall Recovery Rate - 98.0%

Total Active Pts. - 2391

Doubling Rate - 2483 Days

Growth Rate ( 27th July - 4th August )- 0.028%#NaToCorona

— माझी Mumbai, आपली BMC (@mybmc) August 5, 2022

सर्वाधिक सक्रिय रुग्ण मुंबईत

राज्यात सर्वाधिक सक्रिय रुग्ण मुंबईममध्ये आहेत. मुंबईमध्ये 2391 सक्रिय रुग्ण आहेत. तर पुण्यात 3138 सक्रिय रुग्ण आहेत. त्यानंतर ठाण्यात 873 सक्रिय रुग्ण आहेत. पालघर 159, रायगड 247, रत्नागिरी 48, सिंधुदुर्ग 62, सातारा 111, सांगली 195, कोल्हापूर 153, सोलापूर 184, नाशिक 519, अहमदनगर 341, जळगाव 56, धुळे 96, औरंगाबाद 197, जालना 77, बीड 64, लातूर 196, परभणी 34, हिंगोली 26, नांदेड 85, उस्मानाबाद 161, अमरावती 124, अकोला 38, वाशिम 118, बुलढाणा 54, यवतमाळ 83, नागपूर 1294, वर्धा 90, भंडारा 289, गोंदिया 130, गडचिरोली 80 आणि चंद्रपूरमध्ये 145 सक्रीय रुग्ण आहेत. इतर ठिकाणी सक्रिय रुग्णांची संख्या 10 पेक्षा कमी आहे. राज्यात एकूण 11906 सक्रिय रुग्ण आहेत.

राज्यात 2024 कोरोना रुग्णांची नोंद

राज्यात आज 2024 कोरोनाच्या नव्या रुग्णांची भर पडली आहे. तर आज दिवसभरात एकूण 2190 रुग्ण कोरोनामुक्त होऊन घरी परतले आहेत. आज नोंद झालेल्या रुग्णांपैकी सर्वाधिक रुग्ण हे  मुंबई जिल्ह्यातील आहे. 

संबंधित बातम्या