Maratha Reservation : मराठा आणि खुल्या प्रवर्गातील नागरिकांच्या सर्वेक्षणासाठी सहकार्य करा;BMC चे मुंबईकरांना आवाहन
Maratha Reservation : 23 जानेवारी 2024 पासून मुंबईत मराठा समाजाचे सर्वेक्षण सुरू होणार आहे. मुंबई महापालिकेचे कर्मचारी हे सर्वेक्षण करणार असून त्यांना सहकार्य करण्याचे आवाहन महापालिका प्रशासनाने केले आहे.
Maratha Reservation Survey : मराठा आरक्षण (Maratha Reservation) आंदोलक मनोज जरांगे (Manoj Jarange) यांच्या नेतृत्वात मराठा समाजाने आरक्षणासाठी मुंबईकडे कूच करण्यास सुरुवात केली आहे. तर, दुसरीकडे राज्य सरकारच्या निर्देशानंतर आता मराठा समाजाच्या सर्वेक्षणासाठी (Maratha Backwardness Survey) वेग आला आहे. या सर्वेक्षणासाठी शासकीय आणि निमशासकीय कर्मचाऱ्यांचा सहभाग असणार आहे. मुंबईत होणाऱ्या सर्वेक्षणाला सहकार्य करण्याचे आवाहन मुंबई महापालिकेने (BMC) केले आहे.
मराठा समाज आणि खुल्या प्रवर्गातील नागरिकांच्या सर्वेक्षणाचे कामकाज मंगळवार 23 जानेवारी 2024 पासून सुरू होणार आहे.महाराष्ट्र राज्य मागासवर्ग आयोगाच्या आदेशानुसार करण्यात येणारे हे सर्वेक्षण मुंबई महानगरपालिका क्षेत्रात देखील करण्यात येणार असून यासाठी महापालिकेचेदेखील सहकार्य असणार आहे. मुंबई महानगरपालिकेचे अधिकारी आणि कर्मचारी मुंबई शहर आणि मुंबई उपनगर या दोन्ही जिल्ह्यात सर्वेक्षण करणार आहेत. त्यामुळे या प्रशासकीय कामासाठी आपल्या घरी, अपार्टमेंट मध्ये, सोसायटीत येणाऱ्या कर्मचाऱ्यांना योग्य ते सहकार्य करा, असे आवाहन मुंबई महानगरपालिका प्रशासनाकडून करण्यात येत आहे.
राज्यभरात सुरू होणाऱ्या हे सर्वेक्षण मंगळवार (दिनांक २३ जानेवारी २०२४) पासून मुंबई महानगरपालिका क्षेत्रात सुरू होणार आहे. यासाठी महानगरपालिकेचे अधिकारी आणि कर्मचाऱ्यांना प्रगणक आणि पर्यवेक्षकाचे प्रशिक्षण देण्यात आले आहे. महाराष्ट्र राज्य मागासवर्ग आयोगाच्या आदेशानुसार निर्धारित करण्यात आलेले प्रश्न या प्रगणक व पर्यवेक्षकांकडून नागरिकांना विचारण्यात येणार आहेत. या माध्यमातून आवश्यक ती माहिती गोळा करण्यात येणार आहे.
या सर्वेक्षणाच्या पार्श्वभूमीवर प्रशिक्षित कर्मचारी मंगळवारपासून आपल्या घरी, सोसायटी आणि अपार्टमेंटमध्ये येतील. संबंधित कर्मचाऱ्यांकडे स्वत:चे ओळखपत्र असणार आहे. त्यामुळे सर्वेक्षणासाठी येणाऱ्या बृहन्मुंबई महानगरपालिकेच्या कर्मचाऱ्यांना मुंबईकरांनी सहकार्य करावे आणि त्यांना अपेक्षित असलेली माहिती भरून दयावी. ही माहिती मोबाईलफोनवर आधारित एका ॲपमध्ये नोंदविण्यात येणार असून माहिती नोंदविल्यानंतर माहिती देणाऱ्याची स्वाक्षरी देखील ॲप मध्ये जतन केली जाणार असल्याची माहिती मुंबई महापालिकेच्यावतीने देण्यात आली आहे.
Before You Go
Mahabaleshwar Tourist News: धुक्यात हरवलं महाबळेश्वर; सह्याद्रीच्या हिरवाईने पर्यटकांना घातली भुरळ
महत्त्वाच्या बातम्या
