Dasara Melava: दसरा मेळाव्याआधी वातावरण तापलं; शिवसेना आणि शिंदे गटाकडून मेळाव्याचे टीझर लाँच
Dasara Melava: दसरा मेळाव्याआधी शिवसेना आणि शिंदे गटात टीझर वॉर सुरू झाल्याचे चित्र आहे. दोन्ही बाजूने सभेसाठी टीझर लाँच करून आवाहन केले जात आहे.
Dasara Melava: शिवसेनेत फूट पडल्यानंतर आता शिवसेनेची (Shivsena) ओळख असलेल्या दसरा मेळाव्यावर (Dasara Melava) शिंदे गटाने दावा केला होता. दसरा मेळाव्यासाठी शिवसेनेला शिवाजी पार्कचे मैदान देण्याचे आदेश हायकोर्टाने दिले होते. तर, दुसऱ्या बाजूला वांद्रे-कुर्ला संकुलातील मैदानावर शिंदे गटाचा मेळावा होणार आहे. या मेळाव्याआधीच शिवसेना आणि शिंदे गटात टीझर वॉर सुरू झाले आहे. शिंदे गटाने दोन टीझर लाँच केले असून शिवसेनेने आज पहिला टीझर लाँच केला आहे.
शिवसेनेत अभूतपूर्व फूट पडली आहे. या फुटीनंतर एकनाथ शिंदे यांच्या नेतृत्वातील गटाने आपला गटच शिवसेना असल्याचा दावा केला आहे. शिंदे गटाने भाजपसोबत सत्ता स्थापन केली आहे. तर, दुसऱ्या बाजूला पक्षात झालेल्या मोठ्या बंडखोरीनंतर पक्षाला पुन्हा उभारी देण्यासाठी उद्धव ठाकरे यांचे प्रयत्न सुरू आहेत. दसरा मेळाव्यासाठी दोन्ही बाजूने गर्दी जमवण्यासाठी प्रयत्न सुरू करण्यात आली आहे.
मेळाव्यापूर्वी टीझर लाँच
शिंदे गटाने दसरा मेळाव्यासाठी गुरुवारी आणि शुक्रवारी टीझर लाँच केले आहेत. गुरुवारी लाँच केलेल्या टीझरमध्ये 'एक नेता, एक पक्ष, एक विचार, एक लव्य, एक नाथ' अशा ओळी आहेत. टीझरमध्ये शिवसेनाप्रमुख दिवंगत बाळासाहेब ठाकरे यांच्या आवाजाचा वापर करण्यात आला आहे.
#दसरा_मेळावा_२०२२ pic.twitter.com/mCQZs6rufq
— Eknath Shinde - एकनाथ शिंदे (@mieknathshinde) September 29, 2022
शुक्रवारीदेखील शिंदे गटाने एक टीझर लाँच केला असून यामध्ये सभेला येण्याचे आवाहन करताना अप्रत्यक्षपणे ठाकरे गटावर हल्लाबोल करण्यात आला आहे.
पाहा व्हिडिओ: शिंदे गटाच्या दसरा मेळाव्याचा दुसरा टीझर
तर, शिवसेनेकडूनही दसरा मेळाव्याचा टीझर लाँच करण्यात आला. टीझरच्या सुरुवातीला 'निष्ठेचा सागर उसळणार, भगवा अटकेपार फडकणार' अशा ओळी असून शिवसेनाप्रमुख दिवंगत बाळासाहेब ठाकरे यांच्या प्रतिमांचा वापर दिसून येत आहे. पक्षप्रमुख उद्धव ठाकरे यांच्या आवाजात 'जमलेल्या माझ्या तमाम हिंदू बांधवांनो आणि भगिनींनो' अशी साद आहे. त्याशिवाय, दसरा मेळावा, शिवसेनेच्या जाहीर सभेतील दृष्ये आहेत. शिवसेनेच्या अधिकृत ट्वीटर हँडलवर हा टीझर लाँच करण्यात आला आहे.
एक नेता, एक झेंडा, एक मैदान...
— ShivSena - शिवसेना (@ShivSena) September 30, 2022
शिवसेनेच्या पारंपरिक ऐतिहासिक दसरा मेळाव्याचे साक्षीदार व्हा!
स्थळ : छत्रपती शिवाजी महाराज पार्क (शिवतीर्थ), दादर
५ ऑक्टोबर २०२२, सायं. ६.३० वा. pic.twitter.com/FbulJpw2mA
दसरा मेळाव्याचा दिवस जस जसा जवळ येईल तसा टीझर, पोस्टर वॉर आणखी रंगण्याची शक्यता आहे.
महत्त्वाच्या बातम्या
