Mumbai Corona Update : मुंबईत मंगळवारी 803 नवे कोरोनाबाधित, तर 1 हजार 800 जण कोरोनामुक्त

Mumbai Corona Update : मुंबईत सोमवारच्या तुलनेत आज मंगळवारी आणखी कमी संख्येने नवे कोरोनाबाधित आढळले आहेत. मागील 24 तासांत 803 कोरोनाबाधित आढळले असून 1,800 जण कोरोनामुक्त झाले आहेत.

Mumbai_Corona_Update

Mumbai Coronavirus Cases : मुंबईत नव्याने आढळणाऱ्या कोरोना बांधितांच्या संख्येत आता बऱ्यापैकी घट झाली आहे. सोमवारी (31 जानेवारी) एक हजारांखाली गेलेली रुग्णसंख्या आजतर आणखी कमी झाली आहे. मागील 24 तासांत कोरोनाचे (Corona) नवे 803 रुग्ण आढळले असून 1 हजार 800 जण कोरोनामुक्त झाले आहेत. ज्यामुळे मुंबईत सद्यस्थितीला 8 हजार 888 सक्रिय कोरोनारुग्ण आहेत. 

मुंबई महानगरपालिकेने दिलेल्या माहितीनुसार, मुंबईत मंगळवारी 803 नवे कोरोनाबाधित आढळले असून 07 जणांचा उपचारादरम्यान मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 630  झाली आहे. तर मागील 24 तासांत 1 हजार 800 जणांनी कोरोनावर मात केली आहे. सध्या मुंबईचा रिकव्हरी रेट 97 टक्के इतका आहे.  

मुंबईतील कोरोनारुग्ण संख्येच्या आकडेवारीवर एक नजर.. 

दिनांक	मुंबईतील रुग्णसंख्या
15 जानेवारी	10, 661
16 जानेवारी	7, 895
17 जानेवारी	5, 956
18 जानेवारी	6, 149
19 जानेवारी	6, 032
20 जानेवारी	5,708
21 जानेवारी	5,008
22 जानेवारी	3,568
23 जानेवारी	2,250
24 जानेवारी	1,857
25 जानेवारी	1,815
26 जानेवारी	1,858
27 जानेवारी	1,384
28 जानेवारी	1,312
29 जानेवारी	1,411
30 जानेवारी	1,160
31 जानेवारी	960
1 फेब्रुवारी	803

सध्या मुंबईतील 5 इमारती सील करण्यात आल्या आहेत. तसंच आज नव्याने सापडलेल्या 803 रुग्णांपैकी 152 रुग्णांनाच रुग्णालयात दाखल करण्यात आल्याने पालिकेकडील 37 हजार 482 बेड्सपैकी केवळ 2 हजार 036 बेड वापरात आहेत.  

इतर महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha