CoronaVirus | ठाण्यात पुन्हा हॉटस्पॉट मध्ये लॉकडाऊन! नागरिकांनी नियम पाळण्याचे आवाहन
ठाण्यात कोरोनाचा संसर्ग वाढत जात असल्याने हॉट स्पॉट क्षेत्रात पुन्हा लॉकडाऊन करण्यात येणार असल्याचे परिपत्रक ठाणे महापालिकेने काढले आहे.
ठाणे : ठाण्यात कोरोनाचा संसर्ग वाढत जात असल्याने हॉट स्पॉट क्षेत्रात पुन्हा लॉकडाऊन करण्यात येणार असल्याचे परिपत्रक ठाणे महापालिकेने काढले आहे. एकीकडे कोरोना प्रतिबंधात्मक लसीची मोहीम सुरू करण्यात आली असून दुसरीकडे रुग्ण वाढीमुळे लॉकडाऊन चा निर्णय घेण्यात आला आहे.
ठाण्यात कोरोनाबाधीत रुग्ण बरे होण्याचे प्रमाण 96 टक्के असले तरी,रूग्णसंख्या वाढतीच राहीली आहे.त्यामुळे शहरातील हॉटस्पॉटची संख्या पुन्हा 16 झाली आहे.तेव्हा,कोरोनाचा संसर्ग रोखण्यासाठी या 16 हॉटस्पॉटमध्ये 31 मार्चपर्यत लॉकडाऊन कायम असल्याचे महापालिकेने काढलेल्या अध्यादेशात स्पष्ट केले आहे. याची कडक अंमलबजावणी करण्याचे आदेशही महापालिका आयुक्त डॉ. विपीन शर्मा यांनी दिले आहेत.
Corona Alert | 'या' ठिकाणी प्रवास करण्यासाठी ई- पास बंधनकारक
ठाणे शहरात अनलॉकनंतर सर्वकाही आलबेल झाले असतानाच कोरोनाच्या दुसऱ्या लाटेने कहर माजवण्यास सुरूवात केली आहे.ठाणे महापालिका क्षेत्रात,तीन परिमंडळात 16 ठिकाणे कोरोनाची हॉटस्पॉट (प्रतिबंधित क्षेत्र ) निश्चित केली आहेत.त्यामुळे आता कोरोनाला अटकाव करण्यासाठी या 16 हॉटस्पॉटमध्ये येत्या 31 मार्च.पर्यत पुन्हा लॉकडाऊन असेल असे महापालिका आयुक्तांनी स्पष्ट केले आहे. यामध्ये परिमंडळ एकमधील कळवा प्रभाग समिती क्षेत्रात विटावा, आईनगर, सुर्यनगर, खारेगाव परिसर हे हॉटस्पॉट आहे.तर,परीमंडळ दोनमध्ये चेंदणी कोळीवाडा,वागळे व श्रीनगर परिसर हॉटस्पॉट आहेत.
OnePlus 9 Series Launch | वन प्लस 9 सीरिज लाँच; जाणून घ्या किंमत आणि इतर सर्व माहिती
परिमंडळ 3 मध्ये सर्वाधिक हॉटस्पॉट असुन यात माजिवडा-मानपाडा प्रभाग समिती क्षेत्रातील, बाळकुम,लोढा व लोढा आमारा, हिरानंदानी इस्टेट, हिरानंदानी मेडोज गृहसंकुले आणि लोकमान्य-सावरकरनगर प्रभाग समिती क्षेत्रात दोस्ती विहार,शिवाई नगर,कोरस टॉवर, कोलबाड, रुस्तुमजी ' वृदांवन येथे लॉकडाऊन 31 मार्च.पर्यत ठेवण्यात आला आहे.हॉटस्पॉट वगळता इतर ठिकाणी राज्य शासनाच्या नियमांतर्गत सर्व व्यवहार सुरळीत राहतील असेही अतिरिक्त आयुक्त गणेश देशमुख यांनी स्पष्ट केले आहे. प्रतिबंधित क्षेत्रात आधीच्या परिपत्रका प्रमाणे लॉक डाऊनचे सर्व निर्बंध लागू राहतील. त्यात केवळ अत्यावश्यक सेवा सुरू ठेवण्यास परवानगी असेल. तर प्रतिबंधित क्षेत्र वगळून इतर ठिकाणी मिशन बिगीन अगेन नुसार सर्व नियम लागू राहतील.
महत्त्वाच्या बातम्या
