डोंबीवलीतील शक्तिशाली स्फोटाची विदारक कहाणी, मृतदेहाचे अवयव छतावर; 45 तासांनंतरही शोधकार्य सुरूच!
Dombivili MIDC Blast: सकाळपासून अनेक मानवी अवशेष आसपासच्या कंपनीच्या ढिगार्‍याखाली आणि काही अवशेष छतांवर पडलेले एनडीआरएफ जवानांना आढळले आहेत.
मुंबई : डोंबिवलीच्या (Dombivli MIDC Blast News) अमुदान कंपनीत स्फोट होऊन आता जवळपास दोन दिवस झाले, पण घटनास्थळावर अजूनही मानवी अवशेष सापडत आहेत. शोधकार्यात गुंतलेल्या एनडीआरएफच्या जवानांना आजही अनेक ठिकाणी मानवी अवशेष सापडले. काही अवशेष ढिगाऱ्याखाली आढळले, तर काही आसपासच्या कंपन्यांवर सापडले. आज संपूर्ण दिवस शोधकार्य सुरू राहणार आहे. काल रात्री दोन वेळा एका कंपनीमध्ये छोट्या प्रमाणात आग लागली होती. मात्र ती ताबडतोब विझवण्यात आल्यानं पुढचा अनर्थ टळला. त्यामुळे इथे असलेल्या सर्व कंपन्यांमधील रासायनिक द्रव्य ताबडतोब दुसरीकडे नेण्याचं काम सुरू आहे.
डोंबिवली स्फोट झाल्यानंतर कित्येक तास उलटले आहेत मात्र अजूनही घटनास्थळावरून मानवी अवशेष सापडत आहेत. आज सकाळपासून अनेक मानवी अवशेष आसपासच्या कंपनीच्या ढिगार्‍याखाली आणि काही अवशेष छतांवर पडलेले एनडीआरएफ जवानांना आढळले आहेत. आज पूर्ण दिवस एनडीआरएफचे जवान सर्च ऑपरेशन राबवणार आहेत. शुक्रवारी रात्री दोन वेळेस एका कंपनीमध्ये छोट्या प्रमाणात आग लागली होती मात्र ती आग ताबडतोब अग्निशमन दलाने विझवली. त्यामुळे इथे असलेल्या सर्व कंपन्यांमधील रासायनिक द्रव्य ताबडतोब दुसरीकडे नेण्याचं काम आता सुरू करण्यात आला आहे, जेणेकरून पुन्हा आजची घटना होऊ नये. दुसरीकडे आज अटक केलेल्या आरोपींना कल्याण कोर्टात हजर केल्या जाईल, त्या ठिकाणी त्यांना पोलीस कोठडी मिळते की न्यायालयीन कोठडी मिळते हे पाहणे महत्त्वाचे असणार आहे . डोंबिवली बॉयलर स्फोट दुर्घटनेत 10 कामगारांचा मृत्यू तर 60 कामगार जखमी झाले आहेत.
स्फोट प्रकरणात कंपनीच्या दोन्ही मालकांना अटक
डोंबिवलीतल्या अमुदान कंपनी स्फोट प्रकरणात कंपनीच्या दोन्ही मालकांना अटक करण्यात आली. अमुदान कंपनीचे मालक मालती मेहता आणि मलय मेहता यांना अटक झाली. आज दोघांनाही कोर्टात हजर करण्यात येईल. मालती मेहतांना नाशिकमधून अटक करण्यात आली. तर मलय मेहतांना ठाण्यातून अटक झालीय. स्फोट झाल्यानंतर मालती मेहता यांनी नाशिकमधील आपल्या नातेवाईकांच्या घरी आश्रय घेतला होता.
बफर झोन गायब केल्याचा फटका
डोंबिवली शहरात असलेल्या एमआयडीसीच्या भौगोलिक स्थितीवरून आता वाद सुरू झालेत. नागरी वस्तीला लागून एवढी मोठी एमआयडीसी कशी असा सवाल विचारला जातोय. मात्र बफर झोन गायब केल्याचा फटका बसल्याचा आरोप करण्यात येतोय. एमआयडीसी स्थापन केली तेव्हा 4 ते 5 किलोमीटरचा पट्टा बफर झोन म्हणून प्रस्तावित होता. पण तत्कालीन काही मंडळींनी अधिकाऱ्यांना हाताशी घेत बफर झोन गायब करत इमारती बांधल्या असा आरोप करण्यात येतोय.
Video :
हे ही वाचा:
महत्त्वाच्या बातम्या
ट्रेंडिंग न्यूज
