मुलांना वाचवण्याच्या नादात हेलिकॉप्टर कोसळलं?

मुंबई: मैदानात इमर्जन्सी लँडिंग करण्यासाठी जागा होती, पण तिथं मुले खेळत होती, त्यामुळे हेलिकॉप्टरचं लँडिंग करता आलं नाही, अशी माहिती कोसळलेल्या हेलिकॉप्टरमधून बचावलेल्या कर्मचाऱ्याने दिला. मुंबईतील आरे कॉलनीत रॉयल पामजवळ रविवारी दुपारी हेलिकॉप्टर कोसळलं. यामध्ये एकाचा मृत्यू झाला तर तीन जण जखमी आहेत. आरे कॉलनीत कोसळलेल्या हेलिकॉप्टरप्रकरणी आता तपासाला सुरुवात झाली आहे. तपासासाठी दिल्लीची डीजीसीएची टीम घटनास्थळी दाखल झाली आहे. या अपघातात बचावलेल्या तिघांपैकी एकाचा जवाब पोलिसांनी नोंदवला. टेक्निशिअयन शंकरच्या जबाबानुसार "इमर्जन्सी लँडिंग करण्यासाठी जागा होती, पण तिथे मुलं खेळत असल्यानं लॅन्डिंग करता आलं नाही" मुलांचा जीव वाचवताना  हा अपघात झाल्याचं  सूत्रांनी दिलेल्या माहितीतून कळतंय. आरे कॉलनीत हेलिकॉप्टर कोसळलं आकाशातून मुंबई दर्शन करण्यासाठी रितेश आणि ब्रिंदा मोदी हे दाम्पत्य रविवारी सकाळी अमन एव्हिएशन कंपनीच्या हेलिकॉप्टरमधून झेपावलं. मात्र आरे कॉलनीत निर्जन स्थळी कोसळून पायलट प्रफुल्ल मिश्राचा मृत्यू झाला होता. कोसळलेलं हेलिकॉप्टर जुहू एअर बेसवरुन 12 वाजताच्या सुमारास निघालं होतं. जॉय राईडसाठी हेलिकॉप्टर ठाणे परिसरात गेलं होतं. ठाण्यावरुन परतत असताना फिल्टर पाडा परिसरात हे हेलिकॉप्टर कोसळलं. अपघातग्रस्त हेलिकॉप्टर अमन एव्हिएशन या खासगी कंपनीचं असल्याचं समोर आलं आहे. ठाण्यातून परतत असताना क्लचमध्ये बिघाड झाल्याचं पायलटच्या लक्षात आलं. पायलटनं फिल्मसिटीच्या हेलिपॅडवर हेलिकॉप्टर उतरवण्याचा प्रयत्न केला. मात्र त्याला हेलिपॅडवर उतरता न आल्यामुळे पायलटनं एमर्जन्सी लँडिग केलं. यावेळी हेलिकॉप्टर कोसळून त्याला आग लागली. हेलिकॉप्टरमधून प्रवास करणाऱ्या चौघांपैकी दोघेजण पायलट होते, तर दोघे जॉय राईडसाठी आलेले प्रवासी होते.

संबंधित बातमी

मुंबईच्या आरे कॉलनीत हेलिकॉप्टर कोसळलं, एकाचा मृत्यू