एक्स्प्लोर
Advertisement
![metaverse](https://cdn.abplive.com/imagebank/metaverse-top.png)
शिवसेना सोबत असो, वा नसो, तयारीला लागा : मुख्यमंत्री
यापुढे शिवसेनेला सोबत घेण्याचा प्रयत्न करु. मात्र भविष्यात शिवसेना भाजपसोबत असो, वा नसो पदाधिकाऱ्यांनी तयारीला लागा, अशी सूचनाही मुख्यमंत्र्यांनी दिली.
![शिवसेना सोबत असो, वा नसो, तयारीला लागा : मुख्यमंत्री Whether it is with the ShivSena or not, be ready to contest elections direct CM Fadnavis शिवसेना सोबत असो, वा नसो, तयारीला लागा : मुख्यमंत्री](https://static.abplive.com/wp-content/uploads/sites/4/2018/05/31193244/cm.jpg?impolicy=abp_cdn&imwidth=1200&height=675)
मुंबई : शिवसेनेशिवायही निवडणूक स्वबळावर जिंकणं शक्य असल्याचं पालघर लोकसभा पोटनिवडणुकीने दाखवून दिलं, असं वक्तव्य मुख्यमंत्री देवेंद्र फडणवीस यांनी केलं. मुंबईत आज भाजप प्रदेश पदाधिकाऱ्यांची बैठक पार पडली, त्यावेळी ते बोलत होते.
यापुढे शिवसेनेला सोबत घेण्याचा प्रयत्न करु. मात्र भविष्यात शिवसेना भाजपसोबत असो, वा नसो पदाधिकाऱ्यांनी तयारीला लागा, अशी सूचनाही मुख्यमंत्र्यांनी दिली.
दुसरीकडे भाजपचे प्रदेशाध्यक्ष रावसाहेब दानवे यांनीही शिवसेनेने एकत्र यावं, असं आवाहन केलं. समविचारी पक्षांनी एकत्र यावे यासाठी आमचे प्रयत्न आहेत. मात्र एका पक्षाने युती होत नाही. शिवसेनेने एकत्र यायला हवं, असं रावसाहेब दानवे म्हणाले.
राज्यात दोन लोकसभेच्या पोटनिवडणुका झाल्या. मात्र पालघरमध्ये आम्ही सर्व विरोधक एकत्र असताना निवडून आलो. देशात भाजपविरोधात सर्वांनी एकत्र यावं यासाठी हालचाली सुरु आहेत, असंही दानवे म्हणाले.
भाजपच्या बैठकांवर बैठका
राज्यात होणारी भाजपची पिछेहाट पाहता, राज्यात भाजपने हालचाली वेगवान केल्या आहेत. आगामी विधानपरिषद निवडणूक आणि संघटनात्मक बांधणीचा आढावा घेण्यासाठी राज्य भाजपने आज मॅरेथॉन बैठका आयोजित केल्या.
पहिली बैठक आज सकाळी 11 वाजता दादरमधील वसंत स्मृती भाजप कार्यालयात झाली. महाराष्ट्र प्रदेश भाजपच्या पदाधिकाऱ्यांची आणि सर्व जिल्हाध्यक्षांची आज मुंबईत बैठक आयोजित करण्यात आली होती.
त्यानंतर रात्री मुख्यमंत्र्यांच्या अध्यक्षतेखाली वर्षा बंगल्यावर भाजप मंत्र्यांची बैठक होईल.
या बैठकांमध्ये राज्यात नुकत्याच पार पडलेल्या पोटनिवडणुका, आगामी विधानपरिषद निवडणुका आणि संघटनात्मक बांधणीचा आढावा घेतला जाणार असल्याची माहिती आहे.
शिवसेनेने स्वबळाच्या घोषणेचा पुनरुच्चार केल्यानंतर, भाजपनेही आता स्वबळच्या चाचपणीसाठी कंबर कसली आहे. एकंदरीत आगामी लोकसभा आणि विधानसभा निवडणुकांच्या दृष्टीने भाजपने हालचाली वेगवान केलेल्या आहेत.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
ठाणे
मुंबई
राजकारण
करमणूक
Advertisement
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)
सिद्धेश ताकवलेप्रतिनिधी
Opinion