Vinayak Mete Death LIVE: : विनायक मेटे यांचं अपघाती निधन, लाईव्ह अपडेट्स

Vinayak Mete Accident News LIVE Updates: : शिवसंग्रामचे नेते विनायक मेटे (Vinayak Mete) यांच्या गाडीला अपघात झाला आहे. या अपघातात मेटे यांचं निधन झालं आहे.

Background

Vinayak Mete Accident News  : शिवसंग्रामचे नेते विनायक मेटे (Vinayak Mete)  यांच्या गाडीला अपघात झाला आहे. या अपघातात मेटे यांचं निधन झालं आहे.  मुंबई-पुणे द्रुतगती महामार्गावर (Mumbai Pune Express Highway) ही घटना घडली आहे. माडप बोगद्यामध्ये आज पहाटे साडेपाच वाजताच्या सुमारास विनायक मेटे यांच्या गाडीचा अपघात झाला होता. अपघातानंतर जवळपास एक तासभर मेटे यांना कुठलीही मदत मिळाली नव्हती. यानंतर मेटे यांना नवी मुंबईतील एमजीएम रुग्णालयात (Navi Mumbai MGM Hospital) दाखल करण्यात आलं होतं. मेटे यांच्यासह त्यांच्या बॉडीगार्ड आणि गाडी चालकाची प्रकृती गंभीर होती. दरम्यान उपचारादरम्यान मेटे यांचं निधन झालं असल्याची माहिती रुग्णालय प्रशासनानं दिली आहे. 

मेटे यांच्या गाडीची स्थिती पाहून अपघात किती गंभीर आहे याची प्रचिती येत होती. मुंबई पुणे एक्स्प्रेस हायवेवर मुंबईच्या दिशेने मेटे येत होते. हायवेवरील पनवेल ते खालपूर दरम्यानच्या माडप बोगद्याजवळ हा अपघात घडला. पुढे जाणाऱ्या गाडीला मेटे यांच्या गाडीने जोरात धडक दिली असल्याची प्राथमिक माहिती मिळत आहे. गाडीच्या डाव्या बाजूचा चक्काचूर झाला आहे. अपघातानंतर मेटे यांना एक तासभर कुणाचीही मदत झाली नाही. त्यानंतर त्यानंतर एमजीएम रुग्णालयात दाखल केलं होतं. मेटे यांच्या डोक्याला आणि हाताला गंभीर दुखापत झाली होती. त्यांच्यावर आयसीयूमध्ये उपचार सुरु होते. 

 

अपघातानंतर एक तासभर कुणाचीही मदत नाही

मेटे यांचे सहकारी एकनाथ कदम हे देखील यावेळी त्यांच्यासोबत होते. कदम यांच्याशी एबीपी माझानं संवाद साधला त्यावेळी त्यांनीसांगितलं की, बीडकडून आम्ही मुंबईकडे येत असताना हा अपघात झाला. आम्हाला एका ट्रकने कट मारला. आम्हाला अपघातानंतर एक तास मदत मिळाली नाही, असंही त्यांनी सांगितलं. 100 नंबरला आम्ही फोन केला मात्र त्यांनी फोन उचलला नाही. मदतीसाठी मी प्रत्येकाला विनवणी करत होतो मात्र कुणीही गाडी थांबवली नाही. मी रोडवर झोपलो होतो, आम्ही गाड्यांना हात करत होतो, मग एका गाडीवाल्यानं गाडी थांबवली आणि आम्हाला मदत केली. एका तासानंतर तिथं अॅम्ब्युलंस आली. अपघातानंतर मी मेटे यांच्याशी बोललो तर तेव्हा ते माझ्याशी संवाद करत होते, असंही एकनाथ कदम यांनी सांगितलं. एकनाथ कदम हे अपघातावेळी मेटे यांच्या सोबत होते. कदम यांना या अपघातात किरकोळ मार लागला आहे. मदतीसाठी एक तास कुणीही आलं नसल्याचं कदम यांनी सांगितलं. यंत्रणांनी देखील मदत केली नाही, असं ते म्हणाले. 

कोण होते विनायक मेटे

 

विनायक मेटे हे शिवसंग्राम पक्षाचे प्रमुख होते.

मराठा आरक्षणासाठीच्या आंदोलनातील मेटे हे महाराष्ट्रातील प्रमुख नेते होते.

मराठा आरक्षणासाठी मेटे यांनी अनेकदा आंदोलनं केली. 

अरबी समुद्रातील शिवस्मारक समितीचे ते अध्यक्ष देखील होते.

बीड जिल्ह्यातील केज तालुक्यातील राजेगावचे रहिवासी
सर्वप्रथम शिवसेना भाजप युती सरकारच्या काळात आमदार 
त्यानंतर सलग पाच टर्म विधानपरिषद सदस्य

 

14:46 PM (IST)  •  14 Aug 2022

विनायक मेटे यांच्या अपघाताच्या तपासासाठी फॉरेन्सिक टीम रसायनीमध्ये

विनायक मेटे यांच्या अपघाताच्या तपासासाठी फॉरेन्सिक टीम रसायनीमध्ये

मुंबई, ठाणे आणि नवी मुंबईतील पथकं रसायनी पोलीस ठाण्यात

तपासणी पथकांकडून अपघातग्रस्त कारची तपासणी

14:44 PM (IST)  •  14 Aug 2022

मेटे यांच्या अपघातग्रस्त कारची फॉरेन्सिक पथकाकडून तपासणी

मुंबई-पुणे द्रुतगती महामार्गावर झालेल्या अपघातात विनायक मेटे यांच्या कारला अपघात झाला. या अपघातानंतर मेटे यांची अपघातग्रस्त कार रसायनी पोलीस ठाण्यात आणण्यात आलीय... फॉरेन्सिक पथकाकडून या कारची तपासणी करण्यात येते

13:29 PM (IST)  •  14 Aug 2022

मराठवाडा व बीडच्या एकूण विकासात विनायक मेटे यांचे योगदान महत्त्वाचे -कॅबिनेट मंत्री सुधीर मुनगंटीवार

शिवसंग्रामचे नेते आणि माजी आमदार विनायक मेटे यांच्या अपघाती निधनावर कॅबिनेट मंत्री सुधीर मुनगंटीवार यांनी प्रतिक्रिया दिली आहे. ही अत्यंत दुःखद बातमी असून एक लढवय्या नेता आपल्यातून गेल्याची भावना त्यांनी व्यक्त केली. शिवस्मारक परिपूर्ण व्हावे यासाठीचा त्यांचा लढा आम्हा सर्वांच्या लक्षात राहिल असा असल्याचे सांगत प्रसंगी त्यांनी आमदारकीचा राजीनामाही देण्याची हिंमत दाखवली होती हे मुनगंटीवार यांनी लक्षात आणून दिले. मराठवाडा व बीडच्या एकूण विकासात त्यांचे योगदान महत्त्वाचे असून मराठा समाजाच्या सर्वांगीण विकासासाठी लढणारा नेता हरपल्याची प्रतिक्रिया त्यांनी दिली. मेटे कुटुंबाच्या दुःखात आपण सहभागी असल्याची भावना सुधीर मुनगंटीवार यांनी व्यक्त केली आहे.

 

12:56 PM (IST)  •  14 Aug 2022

विनायक मेटे यांचं अपघाती निधन झाल्यानंतर पोलीसांकडून आता अपघाताची चौकशी

विनायक मेटे यांचं अपघाती निधन झाल्यानंतर पोलीस आता अपघाताची चौकशी करतायत. त्यासाठी आठ टीम तैनात करण्यात आल्यात. फॉरेन्सिक टीम आणि श्वास पथकाच्या मदतीनं तपास सुरु करण्यात आलाय. आरटीओ, पोलीस अधिकारी, वाहतूक पोलीस अधीक्षक रुपाली आंबोरे, कोकण पोलीस महानिरीक्षक संजय मोहिते यांनी घटनास्थळी पोहोचून तपास सुरु केलाय. 

12:51 PM (IST)  •  14 Aug 2022

विनायक मेटेंचा ड्रायव्हर एकनाथ कदम पोलिसांच्या ताब्यात!

Vinayak Mete : शिवसंग्रामचे नेते विनायक मेटे (Vinayak Mete)  यांचं अपघाती निधन झालं. मेटे यांच्या मृत्यूनंतर काही नेत्यांनी अपघाताबाबत शंका उपस्थित केली आहे. या अपघातात मेटे यांचा जागीच मृत्यू झाला. तर त्यांचा बॉडीगार्ड देखील गंभीर जखमी झाला आहे. या अपघातात मेटे यांच्या गाडीचे ड्रायव्हर एकनाथ कदम सुदैवाने बचावले आहेत. त्यांना किरकोळ इजा झाल्याची माहिती आहे. विनायक मेटे यांच्या ड्रायव्हरला ताब्यात घेतल्यानंतर नवी मुंबई पोलीसांनी त्याची वैद्यकीय तपासणी केली. त्याला रसायनी ( रायगड जिल्हा ) पोलीसांच्या हवाली करण्यात आले आहे.