Top 10 Maharashtra Marathi News : स्मार्ट बुलेटिन : 23 ऑगस्ट 2022 : मंगळवार : एबीपी माझा
दररोज सकाळी हे बुलेटिन प्रसारित केलं जातं. एबीपी माझाच्या या बुलेटीनमध्ये दररोज सकाळी राजकीय, सामाजिक, आर्थिक, शैक्षणिक, मनोरंजन, क्रीडा विश्वातील महत्त्वाच्या दहा बातम्यांचा आढावा घेण्यात येतो.
1. गेल्या 24 तासांत दुसऱ्यांदा महाराष्ट्रातील सत्तासंघर्षाची सुनावणी लांबणीवर, सुप्रीम कोर्टात उद्या सुनावणी नाही, पुढच्या तारखेकडे लक्ष
Maharashtra Political Crisis : महाराष्ट्रातल्या सत्तासंघर्षावर सुप्रीम कोर्टात होणारी सुनावणी गेल्या 24 तासांत दुसऱ्यांदा लांबणीवर पडली आहे. सर्वोच्च न्यायालयात होणाऱ्या सुनावणीबाबत अजूनही अनिश्चितता आहे. सुप्रीम कोर्टाच्या सप्लिमेंट्री लिस्टमध्ये महाराष्ट्राच्या कामकाजाचा आजसाठी समाविष्ट नाही. त्यामुळे सुनावणी आज होण्याची शक्यता कमीच दिसतेय. क्वचित वेळा सप्लिमेंट्री लिस्टमध्ये नसलेल्या गोष्टी कामकाजामध्ये समाविष्ट होतात. त्यामुळे सुनावणी आज होणार नसल्याची वकिलांमध्ये चर्चा आहे. यापूर्वी 22 ऑगस्टला राज्यातील सत्तासंघर्षावरील सुनावणी पार पडणार होती. त्यानंतर ती पुढे जाऊन आज (23 ऑगस्ट) रोजी होण्याची शक्यता वर्तवण्यात येत होती. पण आजही ही सुनावणी होण्याची शक्यता कमीच आहे.
महाराष्ट्रात (Maharashtra) नवनिर्वाचित शिंदे-फडणवीस सरकार स्थापन झालं असलं, तरी सत्तापेच मात्र कायम आहे. कारण महाराष्ट्रातील सत्तासंघर्षाचा पेच अद्याप सर्वोच्च न्यायालयात (Supreme Court) प्रलंबित आहे. सर्वोच्च न्यायालयाच्या सुनावणीत 'तारीख पे तारीख'चं सत्र सुरु झालं आहे.
23 ऑगस्ट म्हणजेच, आज मंगळवारी महाराष्ट्रातील सत्तासंघर्षावर सुनावणी होऊ शकते, असं सांगितलं जात होतं. पण आज ही सुनावणी होण्याची शक्यता धुसरच. यापूर्वी हे प्रकरण 22 तारखेला सहाव्या क्रमांकावर सुनावणीसाठी सर्वोच्च न्यायालयात होतं. पण त्यावेळीही सुनावणी पुन्हा लांबणीवर गेल्यामुळे राजकीय वर्तुळात चर्चांनी जोर धरला आहे. दरम्यान, सध्याचे सरन्यायाधीश एनव्ही रमण्णा यांच्या कारकिर्दीत प्रकरणातच या सत्तासंघर्षाचा ऐतिहासिक फैसला होणार की, मोठ्या खंडपीठाकडे प्रकरण सोपवलं जाणार? हे पाहण महत्त्वाचं ठरणार आहे.
2. समर्थ रामदासांच्या देवघरातील प्राचीन मूर्ती चोरणारे अजूनही मोकाट, चोरट्यांना लवकरात लवकर गजाआड करणाऱ्याची जांब समर्थच्या रहिवाशांची मागणी
3. थेट जनतेतून नगराध्यक्ष निवडीचे विधेयक विधानसभेत मंजूर, मुख्यमंत्री जनतेतून निवडून द्या, अजित पवारांचा टोला, अवघ्या अडीच वर्षात निर्णय का बदलला?, विरोधकांनी मुख्यमंत्र्यांना घेरलं
3. फडणवीसांनी तुमच्यावर प्रेम आणि करुणा दाखवली, विधानसभेत मुख्यमंत्र्यांचा धनंजय मुंडेंना टोला तर करुणा शर्मांनी घेतली मुख्यमंत्र्याची भेट
4. मुंबई-पुणे एक्स्प्रेस वे आठ पदरी करा, विनायक मेटेंच्या अपघातावर विधानसभेत चर्चेदरम्यान अजित पवारांची मागणी, चालकाच्या बदलत्या जबाबाची नेत्यांकडून दखल
5. मुंबई आणि लगतच्या उपनगरांना खड्ड्यात घालणाऱ्यांविरोधात एबीपी माझाची मोहीम, खड्डेमय रस्त्यांच्या कंत्राटदारांच्या तपशीलासह स्पेशल रिपोर्ट
पाहा व्हिडीओ : स्मार्ट बुलेटिन : 23 ऑगस्ट 2022 : मंगळवार : एबीपी माझा
6. वाशिममध्ये आज भव्य मेळाव्याचं आयोजन करत भावना गवळींची शक्तीप्रदर्शनाची तयारी, भाजप आणि शिंदे गटातील नेते हजेरी लावणार
7. मुंबईच्या विलेपार्ल्यात दहीहंडी खेळताना जखमी झालेला गोविंदा संदेश दळवीचा मृत्यू, आयोजकावर शनिवारीच गुन्हा दाखल, नेत्यांकडून मदतीचं आश्वासन
8. पतीने रेल्वेखाली ढकलून दिल्यामुळे पत्नीचा मृत्यू, वसईतली घटना सीसीटीव्हीत कैद, तर वर्ध्यात करंट्या मुलानं जन्मदात्यांना स्मशानात सोडलं
9. मुंबई, ठाण्यात लहान मुलांमध्ये टॉमॅटो फ्लूचा प्रसार अधिक, चिकनगुन्या आणि डेंगूसदृश लक्षणं दिसताच डॉक्टरांकडे जाण्याचा सल्ला
10. बॉक्सऑफिसवर आपटलेल्या लालसिंग चड्डा सिनेमाला ओटीटीवरही भाव मिळेना, नेटफिक्ससोबतची बोलणी फिसकटली
महत्त्वाच्या बातम्या
ट्रेंडिंग न्यूज
