LIVE UPDATE | येस बँकेतून फक्त 50 हजार रूपये काढण्याची लिमिट

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर...

1. देशात कोरोनाच्या रुग्णांची संख्या 29 वर, कर्मचाऱ्याला कोरोनाची लागण झाल्याने गुडगावमध्ये पेटीएमचं कार्यालय बंद

2. कोरोना संशयितांच्या सॅम्पल्सची मुंबईतही तपासणी होणार, कस्तुरबा रूग्णालयात 5 तासांत अहवाल मिळणार, मुंबई विमानतळावर प्रवाशांची कसून तपासणी

3. दिल्लीतील हिंसाचारप्रकरणी दिल्ली हायकोर्टात आज सुनावणी, भाजप नेत्यांविरोधात गुन्हा दाखल करण्याच्या याचिकेवर सुनावणी घेण्याचे सुप्रीम कोर्टाचे निर्देष

4. विधीमंडळाचा आजचा दिवस महिला प्रश्नांसाठी समर्पित, सभागृहात पहिल्यांदाच महिला सक्षमीकरण आणि शाश्वत विकासाचा ठराव येणार

5. खासदार जयसिद्धेश्वर स्वामींवर गुन्हा दाखल करा, सोलापूर जिल्हा न्यायालयाचे आदेश, लोकसभा निवडणुकीत बोगस जात प्रमाणपत्र दाखल केल्याचा आरोप

6. महिला टी20 विश्वचषकाच्या उपांत्य फेरीत आज भारताचा सामना इंग्लंडसोबत, आतापर्यंत विश्वचषक गाजवलेल्या शेफाली वर्माच्या फलंदाजीकडं सर्वांचं लक्ष

21:33 PM (IST)  •  05 Mar 2020

येस बँकेवर रिझर्व्ह बँकेने निर्बंध घातले आहेत. येस बँकेतून ग्राहकांना आता फक्त 50 हजार रुपयेच काढता येणार आहेत.

20:55 PM (IST)  •  05 Mar 2020

ठाणे महानगरपालिका कर्मचाऱ्यांचे पगार आज 5 तारीख उजाडली तरी झाले नव्हते. या संदर्भात एबीपी माझाने बातमी दाखवली. त्या बातमीनंतर लगेच दुपारपर्यंत सर्व कर्मचाऱ्यांचे पगार देण्यात आले. त्यामुळे महानगरपालिकेत आनंदाचे वातावरणात होते. ठाणे महानगरपालिकेत एकूण 7 हजार पेक्षा जास्त कर्मचारी काम करतात. मात्र दर महिन्याला 1 तारखेला होणार पगार आज 5 तारीख उलटली तरी झाला नव्हता, म्हणून सर्व कर्मचारी चिंतेत होते. अनेकांचे तर कर्जाचे हफ्ते देखील चुकले. तर अनेकांची देणी रखडली. त्यामुळे सर्व कर्मचारी वर्ग चिंतेत होता. मात्र एबीपी माझाने दाखवलेल्या बातमी नंतर प्रशासनाला जाग आली. आणि लागलीच सर्व पगार त्यांनी दिले. महानगरपालिकेने मार्च महिना असल्याने आयकर कपातिचे कारण यासाठी दिले. त्यामुळे पगार देण्यास उशीर झाल्याचे मान्य केले आहे.