JNU Violence | जेएनयू परिसरात फ्लॅग मार्च, स्थिती नियंत्रणात असल्याची पोलिसांची माहिती, 18 जखमी विद्यार्थी एम्समध्ये भर्ती

Background

आज दिवसभरात या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

राज्यातील आणि देशभरातील महत्त्वाच्या बातम्यांचा आढावा

1. अखेर 5 दिवसांनंतर खातेवाटपाची यादी राज्यपालांकडे सुपूर्द, कोणत्याही क्षणी खातेवाटप जाहीर होण्याची शक्यता, संभाव्य यादी माझाच्या हाती

2. अब्दुल सत्तार गद्दार आहेत, चंद्रकांत खैरेंची सत्तारांवर जहरी टीका, तर योग्य वेळी उत्तर देणार, सत्तारांकडून स्पष्ट, औरंगाबाद झेडपी निकालावरुन शिवसेनेत वादंग

3. विश्वासघातानं चाललेलं सरकार 6 महिन्यांपेक्षा जास्त टिकणार नाही, फडणवीसांचं भाकित, खातेवाटप दिरंगाई आणि नाराजीवरुन ऑपरेशन लोटस सुरु झाल्याची चर्चा

4. सीएएसाठी भाजपनं दिलेला समर्थन नंबर ट्विटरवर ट्रोल, सनी लिओनीच्या नावानं फोन नंबर सोशल मीडियावर व्हायरल, लाखो जणांची फजिती

5. हाडं गोठवणाऱ्या थंडीत परभणी जिल्ह्यात सैन्य भरतीला सुरुवात, हजारो उमेदवारांवर कडाक्याच्या थंडीत बसण्याची वेळ, प्रशासनाकडून कुठलिही व्यवस्था नाही

6. महाराष्ट्र केसरीच्या आखाड्यात गतविजेता बाला रफिक शेख आणि अभिजीत कटकेची विजयी सलामी, 61 किलो माती विभागात पुण्याच्या सागर मारकडला सुवर्ण

23:35 PM (IST)  •  05 Jan 2020

जे एन यु मध्ये झालेल्या हल्याचा निषेध म्हणून मुंबई आयआयटीत विद्यार्थी एकत्र येऊन आंदोलन

21:18 PM (IST)  •  05 Jan 2020

काँग्रेस खासदार राहुल गांधी यांनी ट्वीट करतच म्हटलं आहे की, तोंडाला स्कार्फ बांधून काही लोकांनी जेएनयूच्या विद्यार्थ्यांवर आणि शिक्षकांवर क्रूर हल्ला केला आहे. या घटनेत काहीजण गंभीर जखमी आहेत. निडर विद्यार्थ्यांना फॅस्टिस्ट शक्ती घाबरल्या आहेत. जेएनयूतील आजचा हिंसाचार याचेच प्रतिबिंब आहे.

22:28 PM (IST)  •  05 Jan 2020

दिल्ली पोलिसांनी सांगितलं आहे की, जेएनयू परिसरात फ्लॅग मार्च केला जात आहे. आता स्थिती नियंत्रणात आहे. जेएनयूमधील 18 जखमी विद्यार्थ्यांना एम्समध्ये भर्ती करण्यात आले आहे.

20:58 PM (IST)  •  05 Jan 2020

दिल्लीचे मुख्यमंत्री अरविंद केजरीवाल यांनी या घटनेबद्दल ट्वीट केलं आहे. जेएनयूमधील हिंसाचाराची माहिती ऐकून मला धक्का बसला. विद्यार्थ्यांवर क्रूरपणे हल्ला केला गेला आहे. पोलिसांना तातडीने ही हिंसा थांबावी व शांतता प्रस्थापित करावी. जर विद्यापीठाच्या आवारात विद्यार्थी सुरक्षित नसतील, तर देशाचा विकास कसा होईल? , असं मुख्यमंत्री केजरीवाल यांनी म्हटलं आहे.

21:00 PM (IST)  •  05 Jan 2020

जेएनयु घटनेवर अभाविपचं काय आहे म्हणणं- अभाविपने दावा करताना म्हटलं आहे की, डाव्या विद्यार्थी संघटना एसएफआय, आयसा आणि डीएसएफच्या सदस्यांनी आमच्यावर हल्ला केला. या हल्ल्यात जवळपास 25 विद्यार्थी गंभीर जखमी झाले आहेत. हॉस्टेलमधील अनेक अभाविप सदस्यांवर हल्ले होत आहेत, वसतीगृहात तोडफोड देखील करण्यात आली आहे.