बर्फाच्या लादीवर झोपून माजी नगरसेवकाचे अनोखे आंदोलन

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

महत्त्वाच्या हेडलाईन्सवर एक नजर...

1. वर्ध्यात एकतर्फी प्रेमातून शिक्षिकेला जिवंत जाळलं, तरुणीची मृत्यूशी झुंज, अटकेतील आरोपीला फाशी देण्याची मागणी, तर हिंगणघाटमध्ये आज सर्वपक्षीय बंद
2. शरजील इमामच्या समर्थनाथ घोषणा दिल्याने 51 जणांवर देशद्रोहाचे गुन्हे दाखल, मुंबईत आझाद मैदान पोलिसांची कारवाई
3. सीएएविरोधातली आंदोलनं हे राजकीय कटकारस्थान, शाहीन बागप्रकरणी मोदींचं वक्तव्य, दिल्लीतल्या रॅलीत काँग्रेस, केजरीवालांवर घणाघात
4. मराठा तरुणांच्या मागण्यावर मुख्य सचिवांबरोबच्या बैठकीत तोडगा नाहीच, आझाद मैदानात आंदोलन सुरुच ठेवण्याचा निर्णय
5. वर्षाच्या पहिल्याच महिन्यात 95 लाचखोर जाळ्यात, चिरीमिरी घेण्यात पोलीसच अव्वल, तर सर्वात जास्त पुण्यातल्या लाचखोरांवर कारवाई
6. अंडर नाईंटीन विश्वचषकात आज भारत-पाकिस्तान उपांत्य फेरीची महामुकाबला, भारताला सातव्यांदा अंतिम फेरी गाठण्याची संधी

 

22:42 PM (IST)  •  04 Feb 2020

महानगरपालिके समोर अनोख्या पद्धतीने आंदोलन करून चर्चेत राहिलेले माजी नगरसेवक डॉ.दिनेश नाशिपुडी हे पुन्हा एकदा आपल्या आंदोलनामुळे चर्चेत आलेत. दिनेश नाशिपुडी यांनी महानगरपालिके समोर बर्फाची लादी आणूंन त्यावर झोपून आंदोलन केले.बेळगाव मनपाच्या अखत्यारीत येणाऱ्या बसवनकोळ या जल शुद्धीकरण प्रकल्पात झालेल्या भ्रष्टाचार प्रकरणी जबाबदार अधिकाऱ्यांवर कारवाई करा या मागणीसाठी महापालिके समोर आंदोलन केले आहे. बर्फाच्या लादीवर तब्बल दहा मिनिटं झोपून त्यांनी हे आंदोलन केले. सकाळी साडे अकरा वाजता त्यांनी हे आंदोलन केले मनपा अभियंत्यांनी त्यांची भेट घेऊन त्यांच्या निवेदनाचा स्वीकार केला अशा पद्धतीनं अनोखं आंदोलन करत मनपा अधिकारी व जनतेचे लक्ष त्यांनी वेधून घेतलं आहे. बसवणकोळ जलशुद्धीकरण प्रकल्प घोटाळा नाशिपुडी यांनी उघडकीस आणला होता याबाबत अधिकाऱ्यांची चौकशी समिती स्थापन झाली होती त्यांनी चौकशी केली त्या चौकशीत भ्रष्टाचार झाल्याचे समोर आले होते मात्र याचा अहवाल शासनाकडे पाठवण्यात आला नाही. वरिष्ठ अधिकाऱ्यांनी या प्रकल्पास भेट दिली होती मात्र भ्रष्टाचाराची चौकशी केली नव्हती या प्रकरणातील भ्रष्ट अधिकाऱ्यांवर कारवाई व्हायला हवी या मागणीसाठी त्यांनी अनोखं आंदोलन हाती घेतल होतं.

20:52 PM (IST)  •  04 Feb 2020

20:48 PM (IST)  •  04 Feb 2020

महाराष्ट्र राज्य महिला आयोगाच्या अध्यक्षपदाचा राजीनामा, विजया रहाटकर यांनी मंगळवारी सायंकाळी मुख्यमंत्री उद्धव ठाकरे यांच्याकडे सादर केला.

20:00 PM (IST)  •  04 Feb 2020

ठाकरे सरकार करणार पाच दिवसांचा आठवडा?, पाच दिवसांच्या आठवड्याबाबत तातडीने प्रस्ताव सादर करण्याचे मुख्यमंत्र्यांचे निर्देश, महाराष्ट्र राज्य राजपत्रित अधिकारी महासंघाच्या विविध मागण्यांसंदर्भात मुख्यमंत्र्यांच्या अध्यक्षतेखाली आज पार पडली महत्वाची बैठक, राज्यात केंद्राप्रमाणे पाच दिवसांचा आठवडा करावा राजपत्रित अधिकारी महासंघाची मुख्यमंत्र्यांकडे मागणी

19:45 PM (IST)  •  04 Feb 2020

अंडर 19 World Cup | टीम इंडियाकडून पाकिस्तानचा धुव्वा, 10 विकेट्सने दणदणीत विजय मिळवत फायनलमध्ये, यशस्वी जयस्वालचे दणकेबाज शतक