परभणी रेल्वेस्थानकावर भीषण आग, दोन्ही वेटिंगरूमसह हेल्थ इन्स्पेक्टर कार्यालय जळून खाक

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in
महत्त्वाच्या हेडलाईन्सवर एक नजर....

1. महाविकास आघाडीच्या फॉर्म्युल्यात बदल, राष्ट्रवादी काँग्रेसच्या वाट्याला उपमुख्यमंत्रीपदासह आणखी एक कॅबिनेट मंत्रीपद, राष्ट्रवादीच्या खात्यात आता 12 कॅबिनेट आणि 4 राज्यमंत्रीपदं

2. मराठा, धनगर, भीमा कोरेगाव आंदोलनातील गुन्हे मागे घेण्याबाबत मंत्रीमंडळात खलबतं, निर्णयापूर्वी उद्धव ठाकरे आंदोलकांच्या प्रतिनिधींशी चर्चा करणार

3. सनातन संस्थेच्या बंदीसाठी कायदा करा, विजय वडेट्टीवारांची मागणी, तर भिडे-एकबोटेंना पाठीशी न घालण्याचं हुसेन दलवाईंचं आवाहन, काँग्रेसच्या मागणीने मुख्यमंत्र्यांसमोर पेच

4. भाजपात ओबीसी नेत्यांना डावललं जात असल्याची एकनाथ खडसेंची भावना, वेगळी मोट बांधण्यासंदर्भात सूचक वक्तव्य, पंकजा मुंडे, विनोद तावडे आणि खडसेंच्या गाठीभेटी वाढल्या

5. तब्बल 106 दिवसांनंतर माजी अर्थमंत्री पी. चिदंबरम तिहार कारागृहाबाहेर, आयएनएक्स मीडियाप्रकरणी सुप्रीम कोर्टाकडून जामीन, आज राज्यसभेत उपस्थित राहणार

6. मुंबईत पावसाच्या हलक्या सरी, येत्या 24 तासात कोकण आणि गोव्यात पावसाची शक्यता, अरबी समुद्रात चक्रीवादळांची निर्मिती, मच्छिमारांना सतर्कतेचा इशारा

एबीपी माझा वेब टीम

18:45 PM (IST)  •  05 Dec 2019

परभणी रेल्वेस्थानकावर भीषण आग, दोन्ही वेटिंगरूमसह हेल्थ इन्स्पेक्टर कार्यालय जळून खाक :- परभणी रेल्वे स्थानकावरील हेल्थ इन्स्पेक्टर कार्यालयात शॉर्ट सर्किटमुळे लागलेल्या आगीत दोन वेटिंग रुम जळून खाक झाल्या आहेत. सुदैवाने या आगीमुळे कोणतीही जीवितहानी झाली नाही. दरम्यान आग लागल्याचे समजताच अनेक प्रवाशांची मोठी तारांबळ उडाली होती. सर्वत्र एकच पळापळ सुरु झाली काही क्षणात प्लॅटफॉर्म 1 पूर्णपणे रिकामे झाले. रेल्वे स्थानकावरील अनेकांनी आगीची घटना अग्निशमन दलाला कळवल्यानंतर अग्निशमन दलाने तात्काळ स्थानकावर येत आग विझवली. त्यामुळे प्रवाशांनी सुटकेचा निःश्वास सोडला. मात्र या आगीमुले मोठ्या प्रमाणावर नुकसान झाले आहे.

17:00 PM (IST)  •  05 Dec 2019

नेवाळीच्या हिंसक आंदोलकांवरील गुन्हे मागे घ्या, मनसे आमदार राजू पाटील यांची मुख्यमंत्र्यांकडे मागणी, नौदलाच्या भूसंपादनाविरोधात 2017 सालचं आंदोलन

16:56 PM (IST)  •  05 Dec 2019

पीएमसी बँक खातेधारकांना कोणताही दिलासा देण्यास मुंबई उच्च न्यायालयाचा नकार, खातेधारकांच्या आरबीआय विरोधातील याचिका हायकोर्टानं फेटाळल्या, भारतीय बँकांशी संबंधित सर्व निर्णय घेण्याचे अधिकार केवळ आरबीआयलाच, तेच सार्वभौम आहेत - हायकोर्ट , आरबीआयनं बँकेवर लावलेले आर्थिक निर्बंध हटवण्यास नकार

16:53 PM (IST)  •  05 Dec 2019

अंबरनाथमध्ये एमएमआरडीएचा नियोजनशून्य कारभार, पाईपलाईन, केबल्सच्या वरच तयार केला सिमेंटचा रस्ता , दुरुस्तीची वेळ आल्यास 55 कोटींचा खर्च वाया जाणार!

16:36 PM (IST)  •  05 Dec 2019

मुख्यमंत्री उद्धव ठाकरे यांनी आज मुंबई महापालिकेच्या आपत्ती व्यवस्थापन कक्षाला भेट दिली. यावेळी महापौर किशोरी पेडणेकरदेखील त्यांच्यासोबत उपस्थित होत्या.