मुंबईकरांना दिलासा! महिनाभरात सक्रीय कोरोना रुग्णांच्या संख्येत 29 टक्क्यांनी घट

मुंबईत देखील गेल्या महिनाभरात सक्रीय रुग्णांच्या संख्येत 29% नी घट झाली आहे.

मुंबई : राज्यात कोरोनाचा कहर हळूहळू कमी होताना दिसत आहे. तर मुंबईत देखील गेल्या महिनाभरात सक्रीय रुग्णांच्या संख्येत 29% नी घट झाली असून आज मुंबईत केवळ 693 नवे रुग्ण सापडले आहेत. काल 897 रुग्ण सापडले होते. ही बाब दिलासा देणारी असली तरी प्रत्येकाने काळजी घेण्याची नितांत गरज आहे

कशात घट झाली?

• सक्रीय कोरोना रुग्णसंख्या 29 % नं घटली
• सील इमारतींची संख्या 30 % ने तर कंटेंनटमेंट झोनची संख्या 13% ने कमी झाली आहे.
• कोरोना रुग्णसंख्या वाढीचा अर्धा टक्क्यापेक्षाही कमी झाला असून 1.06 वरुन 0.41 वर
• गंभीर रुग्णांची संख्याही 24% घटली
• महिनाभरात डबलींग रेट(रुग्णसंख्या दुपटीचा दर) 66 दिवसांवरुन 171 दिवसांवर
• मुंबईचा डेथ रेटही 4.4% वरुन 3.9% वर

कशात वाढ झाली?

• रिक्त कोविड बेडस्ची संख्या 4986 वरुन 7817 पर्यंत वाढली
• रिक्त आयसीयु बेडस्ची संख्याही 225 वरुन 561 पर्यंत वाढली
• ऑगस्टमध्ये दरदिवसाला होणा-या 6500 कोरोना टेस्ट होत होत्या आता त्यांची संख्या वाढून दर दिवसाला 14 ते 16 हजार टेस्ट होत आहे.
• डिस्चार्ज रेट 82% वरुन 89% पर्यंत वाढला

मुंबईत कोरोनाबाबत हा सकारात्मक बदल कशामुळे दिसला?

• माझे कुटुंब माझी जबाबदारी मोहिमेला यश
• या अंतर्गत 34.9 लाख कुटुंबांना दोन वेळा भेटी दिल्या गेल्या. त्यांची प्रत्यक्ष वैद्यकिय तपासणी झाली.
• कोरोनाबाबत व्यापक जनजागृती मोहिम मुंबई महापालिकेनं हातात घेतली.
• या अंतर्गत नो मास्क नो एन्ट्री हा नियम सार्वजनिक वाहतूक साधने, आस्थापना, कार्यालये येथे लागू करण्यात आला
• मास्क न घालणा-यांवर कडक कारवाईचा बडगा उगारण्यात आला.
• दीड लाख मुंबईकरांना मास्क न घालण्याबद्दल दंड करण्यात आला.
• महापालिकेकडून 244 मोफत कोविड चाचणी केंद्र उभारण्यात आली.