Baba Siddique Murder : बाबा सिद्दीकी हत्याकांडातील हरियाणातील शूटरची भयंकर कहाणी समोर; कारनामे पाहून घरच्यांचा सुद्धा थरकाप
Baba Siddique Murder : गुरमेल हा त्याच्या वडिलांचा एकुलता एक मुलगा होता. त्याचे वडील वारले होते. यानंतर त्याच्या आईने दीराशी लग्न केले. यानंतर आईला एक मुलगा व मुलगी झाली.
Baba Siddique Murder : मुंबईमधील राष्ट्रवादीचे नेते आणि माजी मंत्री बाबा सिद्दीकी यांच्या हत्याकांडातील आरोपी शूटर गुरमेल सिंग (23) हा हरियाणातील कैथल जिल्ह्यातील रहिवासी आहे. 31 मे 2019 रोजी त्याने मित्राच्या भावाचा कैथलमधील रुद्री मंदिराजवळ बर्फ खोच्याने (आईस ब्रेकर) 52 वार करून खून केला होता. या प्रकरणात त्याला अटक करण्यात आली. पोलिसांनी त्याची रवानगी कैथल कारागृहात केली होती. तुरुंगात सुधारणा होण्याऐवजी तो गँगस्टर लॉरेन्सच्या गुंडांच्या संपर्कात आला. जामीन मिळून बाहेर आल्यावर तो गावात जास्त दिवस राहिला नाही. तो मुंबईला गेला. पोलिस सूत्रांनी दिलेल्या माहितीनुसार, लॉरेन्सच्या टोळीने त्याला मुंबईत बोलावले होते.
सहा महिन्यांपूर्वी गावात आला होता
गुरमलचे लॉरेन्स गँगमध्ये चांगले संबंध निर्माण झाले. गावकऱ्यांच्या म्हणण्यानुसार, गुरमेलच्या वडिलांचा मृत्यू झाला आहे. गावकऱ्यांच्या म्हणण्यानुसार तो सहा महिन्यांपूर्वी गावात आला होता. मात्र, त्यानंतर तो परतलाच नाही. गुरमेलची आजी फुली देवी म्हणाली की, त्याला चौकाचौकात उभे करून गोळी मारली तरी त्याच्याशी आमचा काहीही संबंध नाही. मुंबई पोलिसांनी दिलेल्या माहितीनुसार, गुरमेलने त्याच्या साथीदारांसह बाबा सिद्दीकी यांच्या घराची आणि कार्यालयाची रेकी केली होती. दीड ते दोन महिने तो मुंबईत होता आणि बाबांवर लक्ष ठेवून होता.
3-4 महिने घरी गेलाच नाही
नारदा येथील रहिवासी गुरमेलची आजी फुली देवी म्हणाली की, गुरमेल आमच्यासाठी मेला आहे आणि आम्ही त्याच्यासाठी मेलो आहोत. 10-11 वर्षांपूर्वी आम्ही त्याला कुटुंबातून हाकलून दिले होते. तीन-चार महिन्यांपासून तो घरी आला नाही. तो कुठे गेला हे आम्हाला माहीत नाही, त्याने आम्हाला काही सांगितलेही नाही.
2. आमच्याकडे नंबर नाही, तो कधीही कॉल करत नाही
घरी आल्यावर त्याची भेट झाली नाही. ना आमच्याकडे त्याचा फोन नंबर आहे ना तो कधी आम्हाला कॉल करत नाही. मी माझ्या तवासोबत राहते. गुरमेल चार महिन्यांपासून गावात आलेला नाही, असे त्याच्या आजीने सांगितले.
3. एकुलता एक मुलगा, वडिलांच्या मृत्यूनंतर, त्याच्या आईचे काकाशी लग्न
गुरमेल हा त्याच्या वडिलांचा एकुलता एक मुलगा होता. त्याचे वडील वारले होते. यानंतर त्याच्या आईने दीराशी लग्न केले. यानंतर आईला एक मुलगा व मुलगी झाली.
4. भावाने केला भावाचा खून, त्या गुन्ह्यातही आरोपी
आजीने सांगितले की, गुरमेल यापूर्वी तुरुंगात गेला होता. भावाच्या खून प्रकरणात तो तुरुंगात गेला. तो तुरुंगातून कसा बाहेर आला, त्याला जामीन मिळाला हे आम्हाला माहीत नाही. सणासुदीलाही तो घरी येत नाही.
काय आहे ते खून प्रकरण, ज्यात शूटर गुरमेल तुरुंगात गेला होता?
2019 मध्ये कैथल जिल्ह्यातील नारद गावात श्री ग्याराह रुद्री मंदिराजवळ सुनील नावाच्या तरुणाची हत्या करण्यात आली होती. या खुनाचा मुख्य आरोपी सुनीलचा लहान भाऊ अशोक होता. मात्र अशोकने गुरमेल आणि सुलतान या मित्रांसोबत हा गुन्हा केला होता. आरोपींनी सुनीलचा आईस ब्रेकरने वार करून खून केला. परस्पर वादातून घडलेल्या या घटनेत पोलिसांनी छापा टाकून आरोपींना अटक केली. यानंतर त्याला तुरुंगात टाकण्यात आले. गुरमेल या प्रकरणात शिक्षा भोगल्यानंतर बाहेर आला आणि मुंबईला गेला.
मुंबई पोलिसांनी हरियाणा पोलिसांकडून गुरमेलची माहिती मागवली
मुंबई पोलिसांनी हरियाणा पोलिसांशी संपर्क साधला आहे. त्याचा गुन्हेगारी रेकॉर्ड तपासण्यात येत आहे. हरियाणा पोलिस सूत्रांनी दिलेल्या माहितीनुसार, गुरमेल सिंग लॉरेन्स गँगचा गँगस्टर रोहित गोदाराच्या संपर्कात होता. बाबा सिद्दीकी यांची हत्या गँगस्टर लॉरेन्स बिश्नोई याने केल्याचा अंदाज बांधला जात आहे. मुंबई पोलिसांनी दिलेल्या माहितीनुसार, या हत्येमध्ये सहभागी असलेला शूटर लॉरेन्सची सहयोगी टोळी रोहित गोदाराशी संबंधित आहे.
कैथलमधील गुरमेलसह दुसरा शूटर धर्मराज कश्यप (19) हा उत्तर प्रदेशचा रहिवासी होता. 66 वर्षीय नेत्यावर शनिवारी रात्री मुंबईतील वांद्रे पूर्व येथील आमदार मुलगा झीशान सिद्दीकी यांच्या कार्यालयाबाहेर हल्ला झाला आणि उपचारादरम्यान त्यांचा मृत्यू झाला.
आरोपींनी 9.9 एमएमच्या पिस्तुलाने गोळी झाडली
मिळालेल्या माहितीनुसार, सिद्दिकीवर आरोपींनी 9.9 एमएमच्या पिस्तुलाने गोळी झाडली होती. हे अर्ध-स्वयंचलित पिस्तूल आहे, जी एकावेळी 13 गोळ्या झाडू शकते. आरोपींनी एकूण 7 राउंड फायर केले होते. त्यापैकी तीन गोळ्या सिद्दीकी यांना लागल्या आणि एक गोळी सिद्दिकींसोबत असलेल्या व्यक्तीला लागली. ज्यांची प्रकृती आता धोक्याबाहेर आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
