Salil Deshmukh : मी हातपाय जोडले म्हणणारे परमबीर सिंह स्वत: दाढी मिशा कापून सहा महिने बिळात लपून बसले होते: सलील देशमुख
Salil Deshmukh: प्रकरण मिटवण्यासाठी मी हातपाय जोडले असे म्हणणारे परमबीर सिंह स्वतः दाढी मिशा कापून सहा महिने कुठल्या बिळात लपून बसले होते? हे त्यांना विचारलं पाहिजेल. असा सवाल सलील देशमुख यांनी केलाय.
Salil Deshmukh नागपूर : परमबीर सिंह (Param bir singh) यांची कुठलीही विश्वासार्हता राहिलेले नाही. परमबीर सिंह हे आता कुणाच्या सांगण्यावरून बोलत आहे, हे समजून घेतलं पाहिजे. सचिन वाझे कोणाच्या सांगण्यावरून बोलत आहे, हेही आपण समजून घेतलं पाहिजे. परमबीर सिंह म्हणाले की मी प्रकरण मिटवण्यासाठी मी हातपाय जोडले. वास्तविकता जाणून घेण्यासाठी ते स्वतः दाढी मिशा कापून सहा महिने कुठल्या बिळात लपून बसले होते? हे त्यांना विचारलं पाहिजेल. असा सवाल करत राज्याचे माजी गृहमंत्री आणि शरद पवार गटाचे नेते अनिल देशमुख (Anil Deshmukh) यांचे पुत्र सलील देशमुख (Salil Deshmukh) यांनी प्रत्युत्तर देत जोरदार पलटवार केला आहे.
परमबीर सिंह स्वत: दाढी मिशा कापून सहा महिने बिळात लपून बसले होते
परमबीर सिंह माझी नार्को टेस्ट साठी तयारी आहे. तुमची डील देवेंद्र फडणवीस यांच्या सोबत झाली आहे, मग नार्को चाचणी करायची असेल तर माझ्या सोबतच परमबीर सिंह यांच्यासह देवेंद्र फडणवीस यांची देखील झाली पाहिजे. परमबीर सिंह यांच्यासोबत माझी अनिल देशमुख गृहमंत्री होण्याच्या आणि परमबीर सिंह मुंबईचे आयुक्त होण्याच्या आधी काही वेळा भेट झाली होती. मात्र, त्या भेटीचा संदर्भ त्यांनी अशा पद्धतीने देणे चुकीचे आहे. अनिल देशमुख यांच्यावर शंभर कोटी रुपये वसुलीचे आरोप झाल्यानंतर कधीच परमबीर सिंह यांच्यासोबत माझी भेट झाली नसल्याचा सांगत परमबीर सिंह यांनी केलेले आरोप सलील देशमुख यांनी फेटाळून लावले आहे.
अँटिलिया स्फोटक प्रकरणाचा मास्टर माईंड परमबीर सिंह
परमबीर सिंह आणि सचिन वाझे यांना बोलायचे होते, तर त्यांनी आधी हे सर्व का सांगितले नाही? कोर्टापुढे जाऊन त्यांनी या आधी हे सर्व का सांगितले नाही. आता उपमुख्यमंत्री यांच्यावर आली तेव्हा पोपटा सारखे हे लोक बोलायला लागले आहे. परमबीर सिंह याचे स्वतः चे रवी पुजारी सारख्या गुन्हेगारांसोबत संबंध राहिले आहे. परमबीर सिंह यांच्या पत्नी आणि मुलांचे कुठल्या कुठल्या कंपनीत शेअर्स आहेत, याची माहिती आपण घेतली पाहिजे. किंबहून अँटिलिया स्फोटक प्रकरणाचा मास्टर माईंड परमबीर सिंहच असल्याचा गंभीर आरोपही सलील देशमुख यांनी केलाय.
इतर महत्वाच्या बातम्या
महत्त्वाच्या बातम्या
