एक्स्प्लोर

Ratan Tata Death: PM मोदींनी टाटा घराण्यातील 'त्या' व्यक्तीशी फोनवरुन साधला संवाद, अंत्यसंस्कारासाठी सरकारच्यावतीने अमित शाह मुंबईत येणार

Ratan Tata Death: रतन टाटा यांच्या निधनानं देशाची मोठी हानी झाली आहे. रतन टाटा यांच्यावर आज शासकीय इतमामात अंत्यसंस्कार होणार आहेत.

By : अंकिता खाणे | Updated at : 10 Oct 2024 08:56 AM (IST)

Ratan Tata death PM Narendra Modi speaks to Noel Tata Amit Shah to attend funeral

Source : PTI

Ratan Tata Death: प्रसिद्ध उद्योगपती रतन टाटा (Ratan Tata) यांचे वयाच्या 86 वर्षी निधन झालं. काल (बुधवारी) रात्री त्यांनी अखेरचा श्वास घेतला. आज (गुरूवारी) दुपारी 3.30 वाजता रतन टाटा यांच्यावर वरळीतील स्मशानभूमीत अंत्यसंस्कार करण्यात येणार आहे. रतन टाटा (Ratan Tata) यांच्या निधनानंतर देशभरात हळहळ व्यक्त होताना दिसत आहे.दानशूर, दयाळू, दिलदार, देशप्रमी, नफा-तोटा न पाहणारा उद्योगपती अशी रतन टाटा (Ratan Tata) यांची ओळख होती. त्यामुळे रतन टाटा यांच्या निधनानं देशाची मोठी हानी झाली आहे. रतन टाटा यांच्यावर आज शासकीय इतमामात अंत्यसंस्कार होणार आहेत. रतन टाटा यांच्या निधनानंतर पंतप्रधान नरेंद्र मोदी यांनी नोएल टाटा यांच्याशी फोनवरून बोलून संवेदना व्यक्त केल्या आहेत. केंद्रीय गृहमंत्री अमित शाह भारत सरकारच्या वतीने रतन टाटा यांच्या अंत्यविधीला उपस्थित राहणार आहेत.

पीएम मोदींनी नोएल टाटा यांच्याशी साधला संवाद

रतन टाटा यांच्या निधनानंतर पंतप्रधान नरेंद्र मोदी यांनी फोनवरून नोएल टाटा यांच्याशी बोलून संवेदना व्यक्त केल्या आहेत, पूर्व आशिया शिखर परिषदेत सहभागी होण्यासाठी पंतप्रधान मोदी लाओसला रवाना झाले आहेत, त्यामुळे ते रतन टाटा यांच्या अंत्यसंस्कारासाठी उपस्थित राहू शकत नाहीत, त्यामुळे त्यांनी फोनवरून नोएल टाटा यांच्याशी संवाद साधला, तर आज केंद्रीय गृहमंत्री अमित शाह हे भारत सरकारच्या वतीने रतन टाटा यांच्या अंत्यसंस्काराला उपस्थित राहणार आहेत. यासंबधीची माहिती एएनआय या वृत्तसंस्थेने दिली आहे.

On the demise of Ratan Tata, PM Narendra Modi spoke with Noel Tata and expressed condolences.

Union Home Minister Amit Shah will attend the last rituals of Ratan Tata on behalf of the Government of India. pic.twitter.com/lYni9t6aFl
— ANI (@ANI) October 10, 2024

रतन टाटा यांचा मृत्यू कशामुळे?

रतन टाटा यांची प्रकृती गेल्या काही दिवसांपासून चिंताजनक होती. त्यांच्यावर मुंबईतील ब्रीड कँडी रुग्णालयात उपचार सुरु होते. रतन टाटा यांना सोमवारी (7 ऑक्टोबर) रात्री उशिरा रुग्णालयात दाखल करण्यात आले होते. रतन टाटा यांना रक्तदाबाचा त्रास जाणवू लागल्याने ब्रीच कँडी रुग्णालयात दाखल करण्यात आलं होतं. अचानक रक्तदाब कमी झाल्यामुळे रतन टाटा यांचा मृत्यू झाल्याचं सांगण्यात येत आहे.