बच्चू कडू म्हणाले विखेंची गाडी फोडणाऱ्याला 1 लाख देणार, राधाकृष्ण विखे पाटील म्हणाले...
राधाकृष्ण विखे पाटील यांची गाडी फोडेल, त्याला एक लाख रुपयाचे माझ्याकडून बक्षीस दिले जाईल असं वक्तव्य प्रहारचे प्रमुख बच्चू कडू यांनी केलं होतं. त्यांच्या या टीकेला विखे पाटलांनी प्रत्युत्तर दिलं आहे.
Radhakrishna Vikhe Patil : भाजपाचे नेते राज्याचे कॅबिनेट मंत्री राधाकृष्ण विखे पाटील (Radhakrishna Vikhe) यांनी शेतकऱ्यांच्या कर्जमाफी (Farmer Loan Waiver) संदर्भात एक वादग्रस्त वक्तव्य केलं होतं. या वक्तव्यानंतर प्रहार संघटनेचे अध्यक्ष बच्चू कडू आक्रमक झाले आहेत. जो राधाकृष्ण विखे पाटील यांची गाडी फोडेल, त्याला एक लाख रुपयाचे माझ्याकडून बक्षीस दिले जाईल' अशी थेट घोषणा बच्चू कडू (Bacchu Kadu) यांनी केली आहे. तर मला जर विखे पाटलांची गाडी दिसली तर मी त्यांची गाडी फोडणार, असा इशारा देखील बच्चू कडू यांनी दिलाय. यावर राधाकृष्ण विखे पाटील यांनी प्रतिक्रिया दिली आहे.
राधाकृष्ण विखे पाटील काय म्हणाले?
बच्चू भाऊ हे माझे जून मित्र आहेत. पाच वर्ष मी त्यांच्या जिल्ह्याचा पालकमंत्री होतो. त्यामुळं त्यांचा स्वभाव मला आणि माझा स्वभाव त्यांना माहीत असल्याची प्रतिक्रियामंत्री राधाकृष्ण विखे पाटील यांनी दिली आहे. आमचं मैत्रीचं नातं आहे. ती मैत्री अजून दृढ करु, त्यांचा गैरसमज दूर करण्यात मला यश मिळेल याची मला खात्री असल्याचे विख पाटील म्हणाले.
नेमकं काय म्हणाले होते बच्चू कडू?
नाव राधाकृष्ण, कृत्य मात्र कंसाचं करायची असेल तर कंसाची ही अवलाद मुख्यमंत्र्यांनी हाकलून लावली पाहिजे, अशी मागणी सुद्धा त्यांनी केली. फडवणीस साहेब ऐकीकडे कर्जमाफीची घोषणा करतात. तर दुसरीकडे हे वाचाळविळ मंत्री आहे जे असे वक्तव्य करतात. शुकरमाना लोक तुम्हाला मारत नाही, त्यामुळे ही नालायकी थांबवा, अशी प्रतिक्रिया हि बच्चू कडू यांनी यावेळी बोलताना दिली.
आधी कर्जबाजारी व्हायचं आणि नंतर पुन्हा कर्जमाफी मागायची : विखे पाटील
गेल्या काही दिवसांपासून महायुती सरकारमधील मंत्र्यांसह नेत्यांची सुद्धा कर्जमाफीवरून शेतकऱ्यांवर बेताल वक्तव्ये करण्याची मालिकाच सुरु असून या यादीत आता विखे पाटील यांची भर पडली आहे. आधी कर्जबाजारी व्हायचं आणि नंतर पुन्हा कर्जमाफी मागायची, हे गेल्या अनेक वर्षांपासून सुरू असल्याची मुक्ताफळे जलसंपदा मंत्री राधाकृष्ण विखे पाटील यांनी उधळली आहेत. सोसायटी काढायची, कर्ज काढायचं, पुन्हा कर्ज माफ करून घ्यायचं, आणि पुन्हा कर्जमाफीची मागणी करायची, हे अनेक वर्ष काम चालू असल्याचे विखे पाटील यांनी म्हटलं आहे. विखे पाटील यांच्यावर शेतकरी नेत्यांसह सोशल मीडियातून सडकून टीकेचा प्रहार झाल्यानंतर आता शेतकरी नेते आणि प्रहार जनशक्ती पक्षाचे प्रमुख बच्चू कडू (Bacchu Kadu) यांनी देखील सडकून टीका केलीय.
महत्वाच्या बातम्या:
Bacchu Kadu : राधाकृष्ण विखे पाटलांची गाडी फोडेल त्याला एक लाख रुपयाचे बक्षीस; प्रहारच्या बच्चू कडूंची थेट घोषणा, म्हणाले मुख्यमंत्र्यांनी ही अवलाद...
महत्त्वाच्या बातम्या
