पुण्यातील तरुणीचा मृत्यू बसच्या धडकेत नाही : पोलिस

पुणे : पुण्यातील तरुणीचा मृत्यू महापालिकेच्या बसच्या धडकेत नव्हे तर दुभाजकाला धडकून झाल्याची माहिती पोलिसांनी दिली आहे. प्रत्यक्षदर्शींच्या साक्षीनंतर पोलिसांनी ही माहिती दिली.   सिंहगड रस्त्यावर राजाराम पुलाजवळ तिचा अपघात झाला. यानंतर अॅक्टिव्हास्वार तरुणीचा जागीच मृत्यू झाला. मात्र त्यानंतर पालिकेच्या असंवेदनशील कारभाराचा कळस पाहायला मिळाला. अपघातानंतर तरुणीचा मृतदेह पाऊण तास रस्त्यावर तसाच पडून होता. अपघातामुळे रस्त्यावर वाहनांच्या मोठ्या रांगा लागल्या. त्यानंतर अखेर तिचा मृतदेह उचलण्यासाठी रुग्णवाहिका आली.

बसच्या धडकेत तरुणीचा मृत्यू, पाऊण तास मृतदेह रस्त्यावरच

सुप्रिया शिळीमकर असं या मृत महिलेचं नाव आहे. 29 वर्षीय सुप्रिया एका सीए फर्ममध्ये अकाऊंटट म्हणून काम करत होती. तिला 10 वर्षांचा मुलगा आणि एक वर्षाची मुलगी असल्याचीही माहिती मिळत आहे.   प्रत्यक्षदर्शींच्या साक्षीनंतर पोलिसांनी दिलेल्या माहितीनुसार, विठ्ठलवाडीचा सिग्नल सुटल्यानंतर ही तरुणी साधारण 60 किलो/प्रति तास या वेगात राजाराम पूलाच्या दिशेने निघाली. मात्र तिच्या पुढे असलेल्या अॅक्टिव्हाला तिच्या बाईकची जोरात धडक बसली. यामुळे अॅक्टिव्हास्वारही पडला तर दुभाजकावर डोकं आदळल्याने सुप्रियाचा जागीच मृत्यू झालं.

PHOTO : पालिकेची संवेदनहीनता, तरुणीचा मृतदेह पाऊण तास रस्त्यावरच

दरम्यान अपघात झाला तेव्हा पीएमपीएमएलची बस दहा फूट पुढे गेली होती. त्यामुळे सुप्रिया चाकाखाली आली नाही, असा निष्कर्ष पोलिसांनी काढला आहे.