Pune ACB Trap : मनसे कार्यकर्त्यांकडून लाचखोर डीनच्या कार्यालयाची तोडफोड

टल बिहारी वाजपेयी वैद्यकीय महाविद्यालयातील लाचखोर डीन विरोधात मनसे विद्यार्थी सेना आक्रमक झाली आहे. बनगिनवार यांच्या कार्यालयात शिरुन कार्यालयाची तोडफोड केली आहे.

pune mns

Pune ACB Trap :  अटल बिहारी वाजपेयी वैद्यकीय महाविद्यालयातील लाचखोर (ACB Trap) डीन विरोधात मनसे विद्यार्थी सेना आक्रमक झाली आहे. त्यांनी अटल बिहारी वाजपेयी वैद्यकीय महाविद्यालयातील लाचखोर डीन आशिष श्रीनाथ बनगिनवार यांच्या कार्यालयात शिरुन कार्यालयाची तोडफोड केली आहे. मनसेच्या विद्यार्थी सेनेच्या कार्यकर्त्यांनी डीन विरोधात आंदोलन छेडलं होतं. याच आंदोलनादरम्यान कार्यकर्ते आक्रमक झाले आणि त्यांनी डीनच्या खुर्चीला नोटांचा हारही घातला.

पुणे महानगरपालिकेच्या नव्याने स्थापन झालेल्या वैद्यकीय महाविद्यालयात प्रवेश घेण्यासाठी सोळा लाख रुपये लाचेची मागणी केली होती. त्यामधील दहा लाख रुपये स्वीकारताना डीनला रंगेहात पकडण्यात आले होते. आशिष श्रीनाथ बनगिनवार, (वय 54 वर्ष, डीन (वर्ग-1) असे रंगेहात पकडण्यात आलेल्या आरोपीचे नाव आहे. पुणे, शिक्षणाच्या महेर घरात पुणे महापालिकेच्या वैद्यकीय महाविद्यालयाच्या डीनला तबल 10 लाख रुपयांची लाच घेताना पुणे लाच लुचपत प्रतिबंधक विभागाने रंगेहाथ पकडले. त्यांनी 16 लाखांची मागणी केली होती. त्यातील पहिला हप्ता घेताना पकडण्यात आले. या घटनेने मोठी खळबळ उडाली आहे.

शिक्षणाच्या माहेरघरात अशा प्रकारचं कृत्य घडल्याने अनेकांनी संताप व्यक्त केला आहे. त्यांच्या विरोधात मनसेच्या विद्यार्थी सेनेने आंदोलन पुकारलं होतं. त्यावेळी मनसेच्या विद्यार्थी सेनेचे कार्यकर्ते बिहारी वाजपेयी वैद्यकीय महाविद्यालयातील लाचखोर डीन आशिष श्रीनाथ बनगिनवार यांच्या कार्यालयात पोहोचले. यावेळी कार्यालयात मोठा गोंधळही झाला होता. कार्यकर्त्यांनी सगळ्या कार्यालयाची तोडफोड केली. खुर्च्या उलट्या करुन तोडण्याचा प्रयत्न केला. कार्यलयाच्या बाहेरीला बाजूस असलेल्या खुर्च्याही त्यांनी तोडल्या आहेत. 

काय आहे प्रकरण?

महाविद्यालयात प्रवेश घेण्यासाठी सोळा लाख रुपये लाचेची मागणी करणाऱ्या डीनचं नाव आशिष श्रीनाथ बनगिनवार (वय 54) असे आहे. लाचेची मागणी केल्याबाबत पुण्यातील 49 वर्षीय डॉक्टर यांनी तक्रार दिली होती. मिळालेल्या माहितीनुसार, आशिष श्रीनाथ बनगिनवार हे महापालिकेच्या अटल बिहारी वाजपेयी मेडिकल कॉलेजचे डीन आहेत तर हे पुण्यातील एक मोठे डॉक्टर आहेत. दरम्यान तक्रारदाराचा मुलगा नीट परीक्षा 2023 मध्ये उत्तीर्ण झाला होता. त्याची एमबीबीएसच्या प्रवेशासाठी महाराष्ट्र राज्याच्या पहिला कॅप राऊंडमध्ये पुणे महानगरपालिका वैद्यकीय शिक्षण ट्रस्ट अंतर्गत भारतरत्न अटल बिहारी वाजपेयी वैद्यकीय महाविद्यालय येथे इन्स्टिट्यूशनल कोट्यामधून निवड झाली होती. अशिष यांनी प्रवेश फी व्यतिरिक्त 16 लाख रुपयांची मागणी केली होती. यातील 10 लाख रुपये घेताना अशिष यांना रंगेहाथ पडकलं होतं. 

इतर महत्वाच्या बातम्या-