Pune NDA Passing Out Parade 2025 : रणरागिनी लढण्यास सज्ज! एनडीएमध्ये इतिहासात पहिल्यांदाच 17 महिला कॅडेट्स पदवीधर; भारतीय लष्कर, नौदल आणि हवाई दलात सामील होणार
Pune NDA Passing Out Parade 2025 : 2030 पर्यंत लष्करी पोलिस दलात 1700 महिला सैनिकांचा समावेश करण्याची योजना आहे. यामुळे हळूहळू त्या सैन्याचा एक महत्त्वाचा भाग बनतील.
Pune NDA Passing Out Parade 2025 : एनडीए म्हणजेच राष्ट्रीय संरक्षण अकादमीतून 17 महिला कॅडेट्स उत्तीर्ण होत आहेत. इतिहासात पहिल्यांदाच 17 महिला कॅडेट्स एनडीएमधून पदवीधर होत आहेत आणि 300 हून अधिक पुरुष आहेत. त्या भारतीय लष्कर, नौदल आणि हवाई दलात सामील होतील. 2021 मध्ये सर्वोच्च न्यायालयाने महिलांना एनडीए परीक्षा देण्याची परवानगी देण्याचा आदेश दिला होता. त्यानंतर 2022 मध्ये पहिल्यांदाच 17 महिला कॅडेट्सची तुकडी एनडीएमध्ये सामील झाली. पुण्यातील खडकवासला येथील एनडीए कॅम्पसमध्ये पासिंग आउट परेड झाली. या परेडला कॅडेट्सचे पालक, वरिष्ठ लष्करी अधिकारी आणि खास आमंत्रित पाहुणे उपस्थित होते. यामधील 17 मुलींपैकी आर्मीमध्ये 9, नेव्ही 3 आणि एअरफोर्समध्ये 5 जणींचा समावेश आहे. 2030 पर्यंत लष्करी पोलिस दलात 1700 महिला सैनिकांचा समावेश करण्याची योजना आहे. यामुळे हळूहळू त्या सैन्याचा एक महत्त्वाचा भाग बनतील.
Maharashtra: Mizoram Governor, General Vijay Kumar Singh, PVSM, AVSM, YSM (Retd), was accorded a Guard of Honor at the Passing Out Parade of the NDA’s 148th Course in Pune pic.twitter.com/F9VsTotYnW
— IANS (@ians_india) May 30, 2025
जनरल व्हीके सिंह म्हणाले, मुलींनी इतिहास घडवला
परेडला संबोधित करताना जनरल व्हीके सिंह म्हणाले की इतिहासात पहिल्यांदाच या मैदानातून मुलींची तुकडी उत्तीर्ण होत आहे. ही नारी शक्तीला सलाम आहे. ते म्हणाले की हा मुलींसाठी प्रशिक्षणाचा शेवट नाही तर नवीन शक्यतांची सुरुवात आहे.
2022 पासून 126 महिला एनडीएमध्ये सामील झाल्या आहेत
संरक्षण राज्यमंत्री संजय सेठ यांनी मार्च 2025 मध्ये संसदेत सांगितले होते की 2022 मध्ये महिला कॅडेट्सच्या पहिल्या तुकडीच्या प्रवेशानंतर आतापर्यंत 126 महिलांना एनडीएमध्ये प्रवेश मिळाला आहे. त्यापैकी 121 सध्या प्रशिक्षण घेत आहेत. पाच कॅडेट्सनी राजीनामा दिला होता. 121 महिला देशातील 17 राज्यांमधून आहेत. त्यापैकी एक कर्नाटकची आहे. हरियाणामध्ये सर्वाधिक 35 महिला कॅडेट्स आहेत. त्यानंतर उत्तर प्रदेशातून 28, राजस्थानातून 13 आणि महाराष्ट्रातून 11 महिला कॅडेट्स आहेत. दक्षिणेकडील राज्यांमध्ये, कर्नाटकातून एका कॅडेटशिवाय, केरळमधून चार कॅडेट्स देखील एनडीएमध्ये सामील झाल्या आहेत. अकादमी सोडलेल्या पाच कॅडेट्स हरियाणा, हिमाचल प्रदेश, केरळ, पंजाब आणि उत्तर प्रदेशमधील आहेत.
#WATCH | Maharashtra | Passing Out Parade of 148th Course, National Defence Academy (NDA) underway in Pune.
— ANI (@ANI) May 30, 2025
The parade is being reviewed by General VK Singh, PVSM, AVSM, YSM (Retd), Governor of Mizoram & former Chief of the Army Staff (COAS).
(Source: National Defence Academy) pic.twitter.com/R8qdjStG16
सैन्यात 12 लाख पुरुषांच्या तुलनेत 7 हजार महिला
संसदेत दिलेल्या माहितीनुसार, भारतीय सैन्यात सुमारे 12 लाख पुरुष आहेत, तर महिलांची संख्या केवळ 7 हजार आहे. महिला आणि पुरुषांचे प्रमाण केवळ 0.56 टक्के आहे. हवाई दलात सुमारे 1.5 लाख पुरुष आहेत. महिलांची संख्या केवळ 1600 आहे. येथे हे प्रमाण 1 टक्क्यांपेक्षा थोडे जास्त आहे. याशिवाय, भारतीय नौदलात पुरुषांची संख्या दहा हजार आहे, तर महिलांची संख्या केवळ 700 आहे. या दलात महिलांची टक्केवारी 6.5 आहे.
तिन्ही दलांमध्ये एकूण 9118 महिला अधिकारी
भारताच्या तिन्ही दलांमध्ये एकूण 9118 महिला आहेत. 2019 च्या तुलनेत 2020 मध्ये भारताच्या तिन्ही दलांमध्ये महिलांची संख्या वाढली आहे. भारतातील महिला लढाऊ विमाने उडवण्यात आणि समुद्रात लष्करी जहाजांवर महत्त्वाच्या जबाबदाऱ्या हाताळण्यात तसेच विशेष ऑपरेशन्सद्वारे शत्रूला धडा शिकवण्यात महत्त्वाची भूमिका बजावत आहेत. पुरुष आणि महिला अधिकाऱ्यांच्या प्रमाणाबद्दल बोललो तर, नौदलात सर्वाधिक महिला कार्यरत आहेत. नौदलाच्या एकूण क्षमतेपैकी सुमारे ६.५ टक्के महिला आहेत. अशाप्रकारे सैन्यात महिला अधिकाऱ्यांच्या भरतीचा प्रवास सुरू झाला. 1992-93 मध्ये अंजना भदोरिया आणि प्रिया झिंगन यांच्या कमिशनिंगने सैन्यात महिला अधिकाऱ्यांची भरती सुरू झाली. यापूर्वी महिला शॉर्ट सर्व्हिस कमिशन अंतर्गत निवडक विंग्ज आणि शाखांमध्येच काम करू शकत होत्या. शॉर्ट सर्व्हिस कमिशनमुळे त्या फक्त लेफ्टनंट कर्नल पदापर्यंत पोहोचू शकत होत्या. 2017 मध्ये जवान पदावर महिलांची भरती करण्याचा निर्णय घेण्यात आला.
इतर महत्वाच्या बातम्या
महत्त्वाच्या बातम्या
