Nitesh Rane : उद्धव ठाकरे नपुंस### सरदार, नितेश राणेंची जीभ पुन्हा घसरली
Nitesh Rane On Uddhav Thackeray : काही दिवसांपासून बंटी-बबली राज्याचा दौरा करतायत, असे म्हणत नितेश राणे यांनी उद्धव ठाकरेंसह संजय राऊत यांच्यावर टीका केली आहे.
Nitesh Rane On Uddhav Thackeray : भाजप आमदार नितेश राणेंकडून (Nitesh Rane) उद्धव ठाकरेंवर (Uddhav Thackeray) टीका करतांना पुन्हा जीभ घसरली आहे. उपमुख्यमंत्री देवेंद्र फडणवीस (Devendra Fadnavis) चोरांचे सरदार असल्याची टीका शिवसेनेचे खासदार संजय राऊत (Sanjay Raut) यांनी केली होती, त्यांच्या टीकेला उत्तर देतांना नितेश राणेंची जीभ घसरली. 'उद्धव ठाकरे नपुंसकांचा सरदार असल्याचे' नितेश राणे म्हणाले आहेत.
उद्धव ठाकरे आणि संजय राऊत यांच्यावर टीका करतांना नितेश राणे म्हणाले की, "कुठेतरी लातूर वगैरे गेले आणि उद्धव ठाकरेंचा कामगार बोलतो, देवेंद्र फडणवीस चोरांचे सरदार आहेत. ज्या देवेंद्र फडणवीसांमुळे तुझा मालक मातोश्री 2 मध्ये राहतो. सर्व परवानग्या देवेंद्र फडणवीस यांनी मिळून दिल्या आहे. त्यांना तू चोरांचा सरदार म्हणण्याची हिंमत करत असेल, तर तुझ्या मालकाला नपुंसकांचा सरदार म्हटले तर चालेल का?, कारण आता आजूबाजूला सर्व नपुंसकचं राहिले आहेत, असे राणे म्हणाले.
'ये रिश्ता क्या कहलाता है'
पुढे बोलतांना नितेश राणे म्हणाले की, "काही दिवसांपासून बंटी-बबली राज्याचा दौरा करतायत. संपूर्ण राज्यात फिरून पंतप्रधान नरेंद्र मोदी गृहमंत्री अमित शाह आणि उपमुख्यमंत्री देवेंद्र फडणवीस यांच्यावर गरळ ओकण्याचं काम सुरू आहे. आमच्या नेत्यांना शिव्या, शाप दिल्याशिवाय हे बंटी बबली दुसरं काहीच करत नाही. आता जेवढ्या प्रमाणात रश्मी वहिनी उद्धव ठाकरेंसोबत फिरत नाही, तेवढी आजकल बबली उद्धव ठाकरेंसोबत दिसत आहे. संशय येऊ लागला आहे. नेमकं 'ये रिश्ता क्या कहलाता है', आता हा प्रश्न विचारण्याची वेळ आली आहे,' असेही राणे म्हणाले.
महत्त्वाच्या बातम्या
