राणा दाम्पत्य हाजिर हो! कोर्टाने फटकारल्यानंतर राणा दाम्पत्याची सावध भूमिका, आज सत्र न्यायालयात राहणार हजर

मुख्यमंत्री उद्धव ठाकरे यांच्या मातोश्री निवासस्थानाबाहेर हट्टाने हनुमान चालीसा पठण करण्याप्रकरणात त्यांच्यावर गुन्हे दाखल करण्यात आले होते. या प्रकरणी सलग दोन वेळा राणा दाम्पत्य कोर्टात गैरहजर राहिलं होतं

Navneet Rana and Ravi Rana in Mumbai (PTI - Photo)

अमरावती : हनुमान चालीसा (Hanuman Chalisa) प्रकरणी कोर्टाने फटकारल्यानंतर  नवनीत राणा (Navneet Rana) आणि रवी राणा आज सत्र न्यायालयात हजर राहणार खासदार नवनीत राणा आणि आमदार रवी राणा हे राणा दाम्पत्य आज मुंबई सत्र न्यायालयात हजर राहणार आहेत. तत्कालीन मुख्यमंत्री उद्धव ठाकरे यांच्या मातोश्री निवासस्थानाबाहेर हट्टाने हनुमान चालीसा पठण करण्याप्रकरणात त्यांच्यावर गुन्हे दाखल करण्यात आले होते. या प्रकरणी सलग दोन वेळा राणा दाम्पत्य कोर्टात गैरहजर राहिलं होतं. गेल्यावेळी कोर्टानं त्यांना फटकारल्यामुळे आजच्या सुनावणीला राणा दाम्पत्य हजर राहणार आहे.  

मातोश्रीबाहेर हनुमान चालीसा पठण प्रकरणी मागील सुनावणीत  खासदार नवनीत आणि त्यांचे आमदार रवी राणा  गैरहजर होते. याची
न्यायाधीश राहुल रोकडे यांनी गंभीर दखल घेतली होती. लोकसभा अधिवेशनामुळे नवनीत यांची गैरहजेरी समजू शकतो पण रवी राणा गैरहजर का? असा सवाल  कोर्टाने उपस्थित केलो होता . मागील सुनावणीत  राणा यांचे वकील रिझवान मर्चंटही गैरहजर होते तर सरकारी वकील सुमेर पंजवानीही गैरहजर होते. तसेच तपासाधिकारी सिक लिव्हवर (आजारपणाची सुट्टी) असल्याची माहिती समोर आली. यावर तीव्र नाराजी व्यक्त करत आज संबंधित सर्वांना कोर्टात हजर राहण्याचे आदेश दिले आहेत. कोर्टाने फटकारल्यानंतर राणा दाम्पत्यानी सावध भूमिका घेत न्यायालयत हजर राहण्याचा निर्णय घेतला आहे. 

काय आहे प्रकरण?

महाविकास आघाडी सरकारच्याकाळात राज्याचे माजी मुख्यमंत्री उद्धव ठाकरे यांच निवासस्थान असलेल्या 'मातोश्री'बाहेर हनुमान चालिसा पठणाचं आंदोलन अमरावतीचे अपक्ष आमदार रवी राणा आणि त्यांच्या अपक्ष खासदार पत्नी नवनीत कौर राणा यांनी पुकारलं होतं. त्यासाठी मुंबईत दाखल झालेल्या राणा दाम्पत्य ाला कायदा आणि सुव्यवस्था न बिघडवण्याच्या कारणाखाली मुंबई पोलिसांनी हे आंदोलन न करण्याबाबत सीआरपीसी कलम 192 अंतर्गत नोटीस बजावली होती. मात्र तरीही याबद्दल मीडियात प्रक्षोभक वक्तव्य करणा-या राणा दाम्पत्य ाविरोधात मुंबई पोलिसांनी आयपीसी कलम 153A, 34,37 सह मुंबई पोलीस कायदा 135 अंतर्गत गुन्हा दाखल केला होता. त्यातच नंतर आयपीसी कलम 124 A अंतर्गत राजद्रोहाचा गुन्हाही वाढवण्यात आला. 23 एप्रिल, शनिवारी आंदोलनाच्या दिवशी संध्याकाळी या प्रकरणात राणा दाम्पत्य ाला खार पोलीसांनी अटक करून रविवारी वांद्रे दंडाधिकारी कोर्टापुढे हजर केलं. तेव्हा कोर्टानं त्यांना 14 दिवसांची न्यायालयीन कोठडी सुनावली होती. त्यानुसार राणांची कारागृहात रवानगी करण्यात आली. पुढे मुंबई सत्र न्यायालयानं या दोघांना सशर्त जामीन मंजूर केला होता.

हे ही वाचा :