धक्क्दायक! डंपर चालकाने दुचाकीस्वरासह एकाला चिरडलं, दोघांचा जागीच मृत्यू, चालकाला अटक 

पूर्वद्रुतगती मार्गावर एका डंपर चालकाने दुचाकी स्वरासह एकाला चिरडल्याची घटना घडली आहे. यात दोघांचाही जागीच मृत्यू झाला आहे.

Mumbai Accident News

Source : Getty Images

Mumbai Accident News : पूर्वद्रुतगती मार्गावर एका डंपर चालकाने दुचाकी स्वरासह एकाला चिरडल्याची घटना घडली (Mumbai Accident )आहे. यात दोघांचाही जागीच मृत्यू झाला आहे. रामनारायण संताप्रसाद यादव (51) आणि भीमाशंकर गोपाल यादव (35 अशी मृतांची नावे आहेत. मृत झालेले दोघे मामा भाचे होते. ते साकीनाक्याचे रहिवासी असून कल्याणला घर पाहण्यास गेले होते.  तिकडून परतत असताना विक्रोळी (Vikhroli) जवळ त्यांचा हा अपघात झाला.

डंपर चालकाला विक्रोळी पोलिसांनी केलं अटक

पूर्वद्रुतगती मार्गावर आज धक्कादायक घटना घडली आहे.  एका डंपर चालकाने दुचाकीस्वरासह एकाला चिरडल्याची घटना घडली आहे. यामध्ये दोघांचा जागीच मृत्यू झाल्याने खळबळ उडाली आहे. दरम्यान, या प्रकरणी प्रकरणी डंपर चालक ज्ञानेश्वर विष्णू गायकवाड याला विक्रोळी पोलिसांनी अटक केली असून पुढील कारवाई पोलीस करीत आहेत. दरम्यान, याठिकाणी अपघात नेमका कसा झाला याबाबतची माहिती अद्याप मिळालेली नाही. 

रायगडमध्ये मोबाईल बॅटरीचा स्फोट होऊन तरुण गंभीर जखमी, खासगी रुग्णालयात उपचार सुरु

रायगड जिल्ह्यातल्या तळा तालुक्यातील आडनाळे गावात एका तरुणाच्या खिशात मोबाईलचा स्फोट होऊन तरुण गंभीर जखमी झाल्याची घटना समोर आली आहे. महेश नाक्ते असं या तरुणाचे नाव असून त्याने आपल्या पँटच्या खिशात हा मोबाईल ठेवला होता. मात्र अचानक या मोबाईलचा स्फोट घडला आणि या स्फोटात हा तरुण जखमी झाला. सद्यस्थिती मध्ये या तरुणाला एक खासगी रुग्णालयात उपचाराकरिता दाखल करण्यात आले आहे.

वाशिम जिल्ह्यात अज्ञात वाहनाची कारला धडक, दोन जण जखमी

वाशिम जिल्ह्यातही धक्कादायक घटना घडली आहे. अज्ञात वाहनाच्या धडकेत कारचा भीषण अपघात झाला आहे. यामध्ये कार चालक गंभीर जखमी झाला आहे.  तर पत्नी किरकोळ जखमी झाली आहे. या अपघातात दीड वर्षाच बाळ सुखरुप आहे.  समृद्धी महामार्गावर वाशिमच्या कारंजा जवळील चॅनल क्रमांक 159 वरील घटना नागपूर कॉरिडॉरवर एका कारचा भीषण अपघात घडलाय. मुंबईवरुन  अमरावती साठी समृद्धी महामार्ग जात असताना लोकेशन क्रमांक 159 वर अज्ञात वाहनाच्या धडकेत कारचा भीषण अपघात होऊन त्यामध्ये कार चालक श्याम देशमुख  गंभीर तर  पत्नी जयश्री देशमुख  किरकोळ जखमी झाल्या आहेत. तर दीड वर्षीय बालक सुखरुप बचावला  आहे. दरम्यान, या अपघातात जखमी झालेल्या जखमींना प्राथमिक उपचारासाठी कारंजा उपजिल्हा रुग्णालयाचे दाखल करण्यात आले आहे. त्यांच्यावर उपचार सुरु आहेत.