मराठा आरक्षणावर जल्लोष, मुख्यमंत्र्यांच्या वजनाएवढ्या पेढ्यांचे वाटप

मुख्यमंत्र्यांनी नगर जिल्ह्यामध्ये मराठा समाजाला एक डिसेंबरपर्यंत आरक्षण देतो असा शब्द दिला होता. मुख्यमंत्र्यांनी तो खरा केल्यामुळे मराठा महासंघाच्यावतीने लाडू आणि पेढे वाटण्याचा संकल्प केला होता.

शनिशिंगणापूर : 'आता आंदोलन नको, 1 डिसेंबरला जल्लोष करा,' मुख्यमंत्री देवेंद्र फडणवीस यांचं आश्वासन प्रत्यक्षात आल्यानंतर मराठा महासंघाच्या वतीने शनिशिंगणापूरमध्ये जल्लोष करण्यात आला. मराठा महासंघाच्या वतीनं शनिशिंगणापूरला अभिषेक करुन चक्क मुख्यमंत्र्यांच्या वजनाएवढे लाडू आणि पेढे वाटण्यात आले. मुख्यमंत्र्यांनी नगर जिल्ह्यामध्ये मराठा समाजाला एक डिसेंबरपर्यंत आरक्षण देतो असा शब्द दिला होता. मुख्यमंत्र्यांनी तो खरा केल्यामुळे मराठा महासंघाच्यावतीने लाडू आणि पेढे वाटण्याचा संकल्प केला होता. याच पार्श्वभूमीवर शनिशिंगणापूरमध्ये दाखल झालेल्या भाविकांना लाडू आणि पेढे वाटण्यात आले. याबरोबरच मुख्यमंत्र्यांनी दिलेले आरक्षण न्यायालयात टिकेल असा विश्वासही मराठा महासंघांने व्यक्त केला आहे. राज्यभरात जल्लोष मराठा समाजाला आरक्षण दिल्याचा आनंद राज्यभरात भाजप कार्यकर्त्यांसह मराठा समाज साजरा करत आहे. मराठा समाजाला आरक्षणाची घोषणा होताच मुंबईमध्ये भाजप कार्यालयासमोर फटाके फोडून, पेढे वाटून जल्लोष केला. यावेळी मोठ्या प्रमाणावर भाजप पदाधिकारी आणि नेते उपस्थित होते. यावेळी भाजप कार्यकर्त्यांनी ढोल-ताशांच्या गजरात नाचत आनंद साजरा केला. तर राज्यात अनेक ठिकाणी आरक्षणासाठी ज्या तरुणांनी आत्मबलिदान दिले त्या तरुणांना श्रद्धांजली वाहण्यात आली. मराठा आरक्षण विधेयक विधीमंडळात मंजूर विधिमंडळाच्या दोन्ही सभागृहात गुरुवारी मराठा समाजाला आरक्षण देणारे विधेयक मंजूर करण्यात आले. या विधेयकामुळे मराठा समाजाला सामाजिक आणि शैक्षणिकदृष्ट्या मागास प्रवर्गातून शिक्षण देण्यासह शासकीय नोकऱ्यांमध्ये आरक्षण देण्यास मंजुरी देण्यात आली आहे. महाराष्ट्राच्या सामाजिकप्रश्नी सर्व राजकीय पक्ष आपली राजकीय भूमिका बाजूला ठेवून एकत्र येतात हे यानिमित्ताने पुन्हा एकदा सिद्ध झाल्याचे मुख्यमंत्री फडणवीस यांनी सभागृहात सांगितले आणि दोन्ही सभागृहातील सदस्यांचे आभार मानले. तर दुसरीकडे मराठा समाजाला सामाजिक आणि शैक्षणिकदृष्ट्या मागास प्रवर्गातून आरक्षण देणारा कायदा विधिमंडळाच्या दोन्ही सभागृहात एकमताने मंजूर झाल्यानंतर आज राज्य मंत्रिमंडळाकडून मुख्यमंत्री देवेंद्र फडणवीस यांचे विशेष अभिनंदन करणारा ठराव मंजूर करण्यात आला. त्यावर कृतज्ञ उत्तर देताना मुख्यमंत्र्यांनी या प्रश्नाच्या यशस्वी आणि सामंजस्यपूर्ण सोडवणुकीसाठी केलेल्या सहकार्याबद्दल मंत्रिमंडळातील सर्व सदस्यांचे आभार मानले. संबंधित बातम्या मराठा आरक्षण विधेयक विधीमंडळात मंजूर मराठा आरक्षण : चॉकलेट सेम, फक्त रॅपर बदललं : नितेश राणे आरक्षण विरोधकांना खुपतंय, कोर्टात आव्हान देण्याची तयारी : तावडे उद्धव ठाकरेंच्या भेटीनंतर मराठा आंदोलकांचं उपोषण मागे